ESEKEL 22:4 - PIPÏLIA

⁴ Kikïnaminyi ngala ompö kisönchï imïltonenyi, akusïmnyonö kegh körkeyïntin cho kegh, kïlekïtit ye nyu, akikwitïta sörömu asispa könyiswechi, kïlenyona oghinyi lïkuna chi pö arasï ompö punton akïroröchinyi koroswö.

ESEKEL 22:4 ပူးပေါင်းရင်းမြစ်များ

1 PÖYTOGHÏ 9:7

ochenonan nyu Israel koronini kyotönön chane. Atolapay apakadan köyete kyotïlilön kïlïkwï ato kïsoghenanïn. Kïchïpotegho nyu Israel koros löwïr.

2 PÖYTOGHÏ 21:16

Kipar Manase pich cho chang cho kipuryö lelut kuyintegha kisön ortïna Yerusalem le pögh akwigh pipö Yuda kwigh ngokï ompö tawu ECHOTYON.

2 OTÖPTINO OSIS 7:20

ongwïsokwa angetena korononi kyokonokwa nko köyï kyotïlilchan kaynenyu, owirtonan ompö tawunyan, aghan nyu kwama pich löwïr kelat.

TUMWÖY 79:4

Kemwaghecha pörörisköcha akïsasecha akïroröchecha.

YEREMIA 18:16

Kikwigh chane koronï kïlïkwï nyo kyotyeghchini, akesas kokay. Chïrïmchini chi anka tïkwïl koronete nyo wetöy pantanyi, pirpiröy mötöw ato sïwa kïgh nyo kigha ompö korenete.

YEREMIA 24:9

Oghan chane kïlïkwï cho mïghyegho akwotyeghö pipö koros ompö ngwïny kïmïkul. Mïnöy akïroröchï pich chane. Ripöy chane chïpötö ompö wop tïkwïl wölini otulchinan.

YEREMIA 44:8

Ompö ne toghanikwa anarek otinö osoghekwa körkeyïntin cho kyaghekwa morikwo atolapay opelchï amörostin tororötine walaka ompö koronï pö Misri kapkanakwa amang nya? Ayo, kaghakwa so lenyoni towonyenö akïmïnakwa pipö ngwïny kïmïkul, akepöghisyeghö kaynenkwa ompö chïpö?

ESEKEL 16:57

kïtomö kïrumtö ghöyityengu? Kekaranyi kegh nko nyinte ye nyu, köroröchinyi ye nyu pipö Edom nko pöröroskachi nko tipö Pilisti cho sösinyi ompö wop tïkwïl.

ESEKEL 21:28

“Yeo wero chi, ngorsyenö. Lenchinö pipö Amon lentöy Echotyon TORORÖT, “ ‘Mi chok kïpsach kïpörisyö, kakisït tökuryal le kiryol kapayasakwa ompö sïwïyaghtankwa pö putintön.

ESEKEL 22:2

“Ayo wero chi, imitenyi kïpsach rwokyinö kanasyantanï gha nya? Mwochinö nyu nyinte sïmnyontönenyi kïmïkul cho kigh.

ESEKEL 23:32

Lentöy Echotyon TORORÖT, “Igheghenyi ompö kikompo cheptönkwa, kikompa nyo wow akïpöro. Roröchininyi akesasinyi pich, ompöwölo nyïghitate nyoman.

ESEKEL 23:7

Kigh chepkartanan Ola nko mïrön pö Asirya löwïr cho pïchighöch, kusïmnyonö kegh mïrön löwïr cho kipïrchï nyinte nyoman.

ESEKEL 24:7

Ompöwölo tökïmi kisönchinö kimïlta sany melö kikany kïpa ngwïny tökïtïp nyïngwïny, kikany kïpechï ghatoy parak.

ESEKEL 24:8

Kyopïsyan nyu kisönchoni ghat wölo memukonye ketïp makïsïwa, atökungetï nörekyenyan atatakan kisönchï.”

ESEKEL 36:15

Melö topïswokwa atera roröchin pö punton anta namekwa arasï nyo pö pich amelö toghekwa korenkwa kunyara.” Mwoghöy Echotyon TORORÖT.

DANIEL 9:16

We Echotyon, yodena nörekyengu nko sïngiryengu ompö kanasyantengu Yerusalem, kutïngtöngu nyo tïlil, ompöwölo ighenyi man kïnomnyö. Kisasecha pich akïsas kanasyantengu cho kimang Yerusalem kuwitwitecha akwompö ngokicha nko cho pö papotïnecha.

LAWIN 26:32

Oghan korenkwa kïlïku kïratyan, kïmïghyö pungkökwa cho kiwuchï koronï.

KIYITUT 32:14

Anyï ye kamachakwa arïpa ngaleko papotïnekwa, pïnï pö pich cho le mwokïyis cho mököy kwipchini nörekyo ECHOTYON pipö Israel ngat!

KINONO KIRURUT 28:37

Otyot pipö koroswechoni yonchinokwa ECHOTYON ompö kïyoni kegha ompö akwa. Pechini chane kukorenokwa akïroröchokwa.

KINONO KIRURUT 29:24

Tepöy nyu puntonï lö, ‘Ompö ne tökwighchï ECHOTYON koronï le nyï? Akigha ne tökïnarek nyinte lenyoni?’

1 TESALONIKE 2:16

Kimukyï chane kïtaghenecha kyomchinö pipö punton ngal cho ipchini chane sörunöto Tororöt. Kewanya chane aranoni ompö ngokikwa löwïr cho kighöy chane kïnomnyö. Wölo kechumchï ye nörekyo Tororöt chane.