ESEKEL 2:3 - PIPÏLIA

³ “Wero chi, kayontinyi wölo mi pipö Israel, pich cho le penyï. Pich cho kitaghanïn le papotïnekwa cho kitaghanïn nko ye.

ESEKEL 2:3 ပူးပေါင်းရင်းမြစ်များ

2 PÖYTOGHÏ 17:14

Wölo melö kiter pipö Israel, kyoghïghitu mötöwö le papotïnekwa cho melö kighan ECHOTYON Tororötïngwa.

2 PÖYTOGHÏ 17:15

Kisas chane kirurutkachi löwïr, akïpeny muma* nyo kyam nyinte nko papotïnekwa amelö kiyang ngal cho kirirchï ECHOTYON chane. Kisagh chane körkeyïntin cho puryö kinyiwut, cho kigh chane kïlïkwï pich cho puryö kinyiwut akïrïp otöptino punton cho le pöröriskökwa akïtagh kirurut pö ECHOTYON nyo kitagha chane lö marïp otöptino pïchoni.

ESRA 9:7

Kïngata osiswo papotïnecha nko ye, kikelelacha nko pöytoghicho nko tïsicho aketönecha mori pöytoghi pipö punton akwompö ngokicha, keparecha akechengenecha tïku akerangecha kelïkuna pïnot, kenyerecha akeroröchecha ompö arasï nko nyete le ye.

NEEMIA 9:26

“Wölo kïpeny ngaleku akïtaghinyi akïpörchï patagh kirurutköku. Kïpar chane werkoyköku cho kichilöy tökuyokyinyi kegh Kichïpinyi chane kïnomnyö.

TUMWÖY 106:28

Atolapay kïsagh Paal* ompö Peor akwam amörostin cho kikïpörchï oy.

ISAYA 30:1

Lentöy ECHOTYON, “Heywey! Ochech pich cho pöytoy koro Yuda, ompöwölo kapeny chane ngalechan. Mito chane kïrïpöy tötut cho melö kyotönön chane, akwam mumos cho melö kyomwochan akïtosyï kegh ngokï kïchangit.

YEREMIA 1:7

Wölo kïlenchanïn, “Melentöy tochï monïng. Iwetenyi kor anka tïkwïl wölo koyoktinyi wïyö. Aiwetenyi imwoghöy ngölyon anka tïkwïl nyo komwowunyi mwatïtena.

YEREMIA 3:25

Kïlenyona mïchinecha kewirchinö kegh ngwïny ompö arasnï kanamecha. Nya kulumecha kiratatenyo ompöwölo, kïngeta kechicha mïnkech, kikighchicha nko papotïnecha ngokï ECHOTYON Tororötïncha, atökeghchinecha nko ompö nyete le ye. Melö ompö kitöketeracha kuti ECHOTYON Tororötïncha.”

YEREMIA 36:2

“Chenga kitapï tekirchinö ngalechï löwïr komwowunyi paraku pipö Israel nko Yuda nko koros löwïr. Kira ngal cho komwowunyi kïngata osiswo paytaghpa Yosia nko ye.

YEREMIA 44:20

Atolapay omwochan mïrönchay nko korukwa cho kingölonöy nko ani lö,

YEREMIA 44:21

“Ayo, otini kyopelchinekwa amörostin, apighchï kumïn tororötin walaka le wölo kighöy papotïnekwa nko pöytoghi nko kintöghoghi nko pikö kïmïkul ompö kanastina Yuda nko Yerusalem kyolentekwa so kimenkïtïnye ECHOTYON anta olentöy ana kiwutyeghö nya?

ESEKEL 17:12

“Lenchinö pïchï pö Israel le penyï: Monkïtökwanye so ngötïnyonï? Lenchinö nyu chane kingwïn pöytoghinto Papilon kïpar Yerusalem akwip pöytoghinte nko yetïntine kutang korenyi.

ESEKEL 24:3

Atolapay imwochï ompö ngötïnyö pipö Israel lö, lentöy Echotyon TORORÖT: Otighö! Otighö töre, anyïghit pögh,

ESEKEL 40:4

Kïlenchanïn chichay, “Wero chi rosena konyiku aitera yitiku ainama möt kïgh anka tïkwïl nyo oporunyi, ompöwölo kopunyi yi atö oporunyi ngal. Imwochï ngalechï löwïr isïwïyenyi pipö Israel.”

AMOS 7:15

Kïngwïsenanïn ECHOTYON achey wölo kyomitan, akïlenchanïn, ‘Wïyö ngora ngal akwompö piköchan Israel.’

MALAKI 3:7

Kïngeta osiswo papotïnekwa melö kitö arïpakwa kirurutköchan. Kïlenyona oyokunö kegh wölo omitan atö oyokwan kegh wölo omikwa. Wölo otepekwa lö, ‘Kiyokucha kegh wölo iminyi lö ne?’

KIYITUT 20:10

Kighomityï Musa nko Aron pipö Israel tawu ghatyanay akïlenchï chane, “Atere kon penyichï, kimukecha so kekonokwa pögh ompö ghatyanï?”

IGHISYEWUT 7:51

“Akwa tighï! Karkegh mïkulöwekwa nko cho pö pich cho tomöcha kughan Tororöt. Minyote yitikwa kïlïm ngölyonto Tororöt, olyoke Mïkulögh nyo Tïlil le wölo kida alatekwa kukötinekwa, nyoni tïkwïl!

RUMI 10:15

Akumuköy pich kwomtoy lö, ne ato mökiyoktö? Kïle wölo mwoytoy Kikirut lö, “Pïchighöch kïtya kelyo pich cho omtoy Lökoy cho Karamach!”

KINONO KIRURUT 9:24

Kalïkukwa penyï kïngata atanye kyonkïtwokwa.

KINONO KIRURUT 9:27

Inan mötworiku ompö Apraam nko Isak nko Yakopo. Meros oghïghyo mötöwöyi pïchï anta ghöyityengwa anta ngokikwa,