5 “Ato chi pö man chi, akwighöy man.
Ompöwölo onkïtön lö sötöy nyinte monechi nko piko konyi cho rïpu nyinte kïrïp arenyan, akwigh man, atamukan otö Apraam kiyomisutköchan.”
Chömöy ECHOTYON kegh ngala man nko kitenat, kïtïl amöros nyo kitötoy.
Ayo, ilentenyi so kalïkwï pöytoghin nyo tïlöy walaka, ompöwölo ketekenyi kongu tarakit? Kigha ne tökwomisyö akïgheghsyö papongu nyo karam? Ompöwölo kigh man ompö or nyo karam. Nka nyay kilet tagh ngalechi nyo pïchigh.
“Oghïtenö ortïnekwo awaghach otöptinekwa. Agha man ompö kwenungwo kïtenö osis.
Arose lö chichan söponwö löwïr, söpon nyo pö papo kïnyinan söpon nyo pö weri kïnyinan, wölo meghöy chi anka tïkwïl nyo ighöy ngokï.
Ato melö kasagh körkeyïntin ompö kutïngkot amamnye tïkwïn cho kikïropchï körkeyïntin amesïmnyon kokochi anta wechï korka nyo kötöpö nayat,
Kïrkegh olenchan chemwokïyon, ‘Imeghenyi nyo motïny,’ wölo ato pïstö ngokichi akwigh nyo karam akï pö man,
Kïle wölini onkïtökwa lö pö man Kristo, kïmïchini tïkwïl onkïtunökwa lö anka tïkwïl nyo ighöy man, kï mompö Tororöt.
Ato kïrïpacha Kirurut pö Tororöt, kumuko ompö man kinkïtöcha lö ngo nyinte.
Makany kïlïsak chi monechu! Chi anka tïkwïl nyo ighöy tïpö man, kï pö man, le wölo pö man Kristo tïkwïl.
Soyönote pich lapay cho mwötöy sïrokökwa, ompöwölo tïng chane chömchin nyo omöy okinto ket pö söpon akïlïtöy kanasyan kuweröy kukotichi.
