2 “Wero chi, ngalana ngötïnyö lenchinö pipö Israel,
Kingwïnchanïn ngölyonto ECHOTYON kïlenchanïn.
Wölo olan, “We Echotyon TORORÖT, köngwïrngwïronchanïn pïchï kïlentöy, kangalanan tyankoy kwïle.”
Nkïtu nyu chi anka tïkwïl lö kangwïsunan ante ECHOTYON chokenyu mïlot amelö toyodenan ngat.
Atolapay imwochï ompö ngötïnyö pipö Israel lö, lentöy Echotyon TORORÖT: Otighö! Otighö töre, anyïghit pögh,
Ani nyo kyongölonchini werkoy ki ani nyo kyotöni sïwïyatin cho möngörï, amwowan ngötïnyö ompö chane.
Ato mi ngokï Kiliad kuwonyot lömïs. Kïkany kïpela amörostino eghin Kilkal, kïliku wölo kïpelo amörostin koghïn cho kirïkïsus ompö sörömu par.
Kigh lenyoni atökïpïntö ngölyon nyo kimwa werkoyon lö, “Opöghisyeghonan körkeyïntin otini ongölonchinan chane, omwochinan chane tïkwïn cho kikïwïng kïngeta otini le towunöto ngwïny.”
Kïgh nyo kïsïwïyecha ye kï kïton nyo mörumunye lasiny ompö kiyö, wölo kisïwïyecha kegh asoni lö. Onkïtön cho ngörï ye pat, wölo onkïtunan asoni lasiny, le wölo nkïtïtanïn Tororöt.
