ESEKEL 16:41 - PIPÏLIA

⁴¹ Akïpel koriku akurwokyinyi ompö tawu kor cho möngörï. Oghinyi nyu pïstenö cheporesnan amökïminye ropïyen cho tetönenyi chamanköku.

ESEKEL 16:41 ပူးပေါင်းရင်းမြစ်များ

2 PÖYTOGHÏ 25:9

Akïpel Kö pö Tororöt nko kö pö pöytoghin nko korïn löwïr cho pö Yerusalem nko kö anka tïkwïl nyo ki wow.

AYUPU 34:26

Mungöy chane ompö ghöyityengwa, kïsïwïyi pikö walaka,

ISAYA 2:18

kiwongöy saghata körkeyïntin asisoni kokay.

ISAYA 27:9

Wölo kïlöstoghchini pipö Israel ngokikwa otini kewany chane kïngagh koghi tïsöwo pipö punton kïkarkegh nko pïsya amelö tökïmi ngat koghïn cho ngötu cho kïpelo tïsöw anta körkeyïntin cho pö tororötnay le karka kïkuro Asyera.*

YEREMIA 39:8

Ataye kokay, kimi pipö Papilonia kïpelöy kö pö pöytoghin nko kori pich walaka akurultö nïyet pö kanasyanta Yerusalem.

YEREMIA 52:13

Atolapay kïpela ma Kö pö Tororöt nko kö pö pöytoghin nko korïn löwïr ompö Yerusalem. Kimöminye kö nyo wow nyo kingötï makïpel.

ESEKEL 11:9

Otulenokwa ori, atönokwa mori pipö sany tökurwokwekwa kirwoko meghat.

ESEKEL 16:33

Töni mïrön ropïyen cheporestin, wölo ketönönyi ropöw nyo le nyi pich cho ichömenyi, ompöwölo imökenyi chane kïpkana wop anka tïkwïl kïpkonchinyi.

ESEKEL 23:10

Kechïr nyinte sïro akesara monechi atolapay kepar nyinte. Kïlïkwï nyu sitononi kinyorï kokononi kïgh nyo kingalana korï ompö wop tïkwïl.

ESEKEL 23:27

Kïlenyona oghan kuwonyö pïrchintöngu nko chapkartananengu nyo kipunenyi koro Misri. Nyo melö tesïwïyenyi pipö Misri anta inan chane ngat.

ESEKEL 23:48

Onoteghonan nyu lenyoni ghöyityö ompö kor atökïrip kegh korï löwïr megh ngokï le nyï.

ESEKEL 37:23

Melö tökusïmnyono kegh körkeyïntinekwa kokay nko tïkukwa cho ghach anta lelutkökwa walaka tïkwïl. Osörunenan chane ngokikwa löwïr cho kigh, otïlilan chane takïlïkwï nyu piköchan, alïkwan Tororötïngwa.

ESEKEL 5:15

“Oghinyi le kïgh nyo pö arasï nko sasat akïtöngönchï puntonï cho kiwitinyi, otini korwokunyi ompö nörekyö nko sïngiryö nyo gha amunginyi. Ani ECHOTYON nyo kamwagh.

ESEKEL 5:8

Kïlenyona lentöy Echotyon TORORÖT, kyonörekyokwa nyoman, amungekwa ompö tawu puntonichï.

MIKA 3:12

Kïlenyona kïngoröy Sayon le par akwompö akwa lïku Yerusalem kïratyan nyo kirul kutïkumö, akïpita wuw nyo wow Kö pö Tororöt.

SAKARIA 13:2

Ongongoghtenan asisoni kaynötut pö körkeyïntin cho soghöy pich kewutyeghö. Opuktenan pich cho ighöy kegh lö kïchï werkoy nko cho soghöy körkeyïntin kïpegha kor.

KINONO KIRURUT 13:11

Kïkany nyu ato lïm pipö Israel ngalechoni, kuwöghisyö, akïtagh nyu kwigh ghöyityö nyo lata nyoni ngat.

KINONO KIRURUT 13:16

aghömïtyï pöröwechoni löwïr aker nyo mi kanasyan kwen apel löwïr nko kanasyante tïkwïl le amöros pö ECHOTYON Tororötïnkwa. Lïku atoni kïratyan kokay nyo melö töketeköy ngat.

KINONO KIRURUT 22:21

akany kumït poyichoni kokononi cheponi ntökwit kuketo koto kwanta akïwira piko kanasyantanoni koghïn ntökïma. Ompöwölo kitö arasï pipö Israel otini kinya kïwestotö kïtomö keyilta. Aranoni nyo omukekwa onoteghone ghöyityö ompö kwenunkwa.

KINONO KIRURUT 22:24

Kimïtöy chane kwodeny kïlïtöy kanasyantanoni sany akewira koghïn ntökïmeghö. Kïtïghöy cheponi ompöwölo melö kirir nyo kitö kyowönchini, ketïghöy chichoni ompöwölo kirï nyinte nko työ nyo kökikelotokïn. Aranoni nyo omukekwa onoteghone ghöyityö ompö kwenunkwa.

1 TIMOTEO 5:20

Teghchinö ompö tawu pich, pich löwïr, cho tösöy tagh kwïghöy ngokï, atökuwagh pikö walaka.