ESEKEL 13:23 - PIPÏLIA

²³ Kïlenyona melö tosïwïyekwa sïwïyaghtinekwa chay pö putintön anta angor ngal le su. Osörunan nyu piköchan ompö morikwa, atonkïtunökwa nyu lö ochan ECHOTYON.”

ESEKEL 13:23 ပူးပေါင်းရင်းမြစ်များ

YEREMIA 23:14

Wölo kasïwan werkoy pö Yerusalem kwighöy cho ghach tya. Kegh cheporsnan akïmïr putintön, rompöröy chelölos, tömökïmi chi nyo töghöy kwighöy ngokï. Ghach pïchoni löwïr ompö konyichan, karkegh nko pipö Sodoma nko Komora.

ESEKEL 12:24

“Kïngeta atoni mokïminye nyu putintön nko werkoynöno putintön ompö pipö Israel.

ESEKEL 13:21

Opokan anankischï körtonekwa löwïr, asörwan piköchan ompö morikwa. Onkïtunekwa nyu lö ochan ECHOTYON.

ESEKEL 14:8

Oghan nyinte yitïn, tökïlïkwï kitewut akïlïkwï weroptyö. Opesyenan nyinte nko piköchan atenkïtunö lö ochan ECHOTYON.

ESEKEL 15:7

Otönön sitöt. Kïrökegh köchïwïtyeghö ma, wölo tökïpelöy ma chane, atonkïtunö lö ochan ECHOTYON otini kotönön chane sitöt.

ESEKEL 34:10

Lentöy Echotyon TORORÖT ompöwölo melö tökwani nko mösöwechi, omökenan chane kisön pö kechiryechan, ayonan chane tömökuyokwïyi kechiryechan. Amelö tökïyongöy kegh chane tïkwïl. Osörunan kechiryechan ompö kutïwekwa tömökwomöy chane kokay.

MIKA 3:6

Kïlenyona tuwitu ompö akwa werkoy, puryö sïwïyagh lïku tuwïn, puryö kïgh nyo kïngongwokwa. Rorisönchini werkoy akïlïkwï pöghetungwa tuwïn.

SAKARIA 13:3

Kïkany kunomchï chi kegh lö ochï werkoyon, kïmïchini kïmwochï kwanta nko kame, chini kiyï nyinte lö, ‘Mïchini ketïghinyi ompöwölo kemwaghanyi putintön ompö kayna ECHOTYON.’ Atolapay kïpara chok chichay yiyichi atotösöy tagh kïngoröy ngal.

MATAYO 24:24

Ompöwölo chumu pich cho kuro kegh Kristo ompö putintön nko werkoyi putintön, ighöy chane kiporut cho echön nko töngönchintin tö ato muko, kïlïsöy ompö chini le kïlanpa Tororöt.

MARKO 13:22

ompöwölo relu Kristotino putintön nko werkoyi putintön. Poru chane tïkwïn cho pö töngönchin cho lïso pich, lïsöy ompö chini le kïlan pö Tororöt ato muko.

1 KORINTO 11:19

(Mito pesyogh kwenunkwa nyo pö nyoman, atökesïwa pich cho pö man ompö kwenunkwa.)

KINONO KIRURUT 18:20

Wölo ato töp werkoyon anka tïkwïl ntökïlö ongölonöy ompö kaynenyan amelö komwochan nyinte kïngalan anta ngalana kaynata tororötine walaka, kïmeghöy werkoyontononi.’

2 TIMOTEO 3:9

Wölo itöy onö? Ompöwölo sïwïyi lawel chi anka tïkwïl sölwontönengwa le nyaye kïsïwa pich sölwontöno Yane nko Yampre.

YUDA 1:24

Nya kïsïch Tororöt ororyö, nyinte nyo muköy kïripokwa tömopïtyö, akumïtakwa ape tawuto ororyenyi ompö ngörekyö kïpuryö lelut, nyinte nyo le Tororöt onkït akï Ghetintenyo ompö Yeso Kristo Echotyontenyo. Nyenyi wowïn nko owesyö nko paytagh kïngeta könyisyok nko ye nko kokay! Amen.

NGONGUT 12:11

Kirïnta tupchenicho nyinte ompö kisön pö Wawa Kech nko ompö man nyo kisöwintönchï chane, ompöwölo kicham kïkonï kegh chane kïrkegh kutupuy kong meghat.

NGONGUT 12:9

Ketyorchï sany ntaranoni wow. Nyinte kï moroyonanya pö köny kikuro, Onyöt anta Oyin, nyanye kigh pipö ngwïny kïmïkul kwigh ngokï. Kikityorï nyinte kungwïn ngwïny nko malaykenichi löwïr.

NGONGUT 13:5

Atolapay kepïsï tyonyay kïngalan ngala kinisanat nko cho mwoghöy Tororöt akechömchï kïsïch owesyö nyo pö aro cho le 42.

NGONGUT 13:8

Soghöy pich cho mi ngwïny tyonyoni, kïpoto chona kikekirchï kaynötutkökwa kitapu söpon kïngeta towunöto ngwïny, nyoni kï kitapu Wawa Kech nyo kikïpar.

NGONGUT 15:2

Atolapay asïwan kïgh nyo lata nanampa kiyo nyo kikikulkulyö nko ma. Asïwan tïkwïl pïchanya kirïnta tyonyanye nko körkeyïntanyi akï nyo kikïmwowunö kaynenyi ompö nampa. Kighyongo pïchoni nanampa kiyo akinömöy pïkantis cho kitö Tororöt.