ESEKEL 13:13 - PIPÏLIA

¹³ Kïlenyona lentöy Echotyon TORORÖT, otyorunan ilat nko takarïs ompö nörekyenyan tökuwurta nayatunï.

ESEKEL 13:13 ပူးပေါင်းရင်းမြစ်များ

AYUPU 38:22

“Kilïtönyi wölo kïrorchini powöy anta kisïwenyi wölo kïrorchini takarïs

AYUPU 38:23

cho kyaroran kïpöyit asispa nyarïl, kïpöyit asispa ryöpö nko poryot?

TUMWÖY 105:32

Kiropönchï takarïs nyo kitöropönu pögh nko kiryal nyo kighömï korengwa kïmïkul.

TUMWÖY 107:25

Ompöwölo nyini kingalan, kïnget pich nyo awes nyo kisyol pögh ompö nanam.

TUMWÖY 148:8

Asala nyinte kiryaltina nko takarïs nko röyön nko chepkïrïri, akwa cho orïpöy kirurutkachi.

ISAYA 30:30

Ighöy ECHOTYON chi anka tïkwïl kïlïmöy kutinyi nyo pö töroryö atökuporchï chane wölo nïkis kïlïkwï nörekyenyi. Kïsïwïyi atoni lyopötin nko kiryal nko takarïstin nko rop nyo ipu chepkiriritin.

YEREMIA 23:19

Arosa nyu lö kengwïn nörekyo ECHOTYON Ghumonu le chepkiriri, Lenye pïchpïch nyo ghumo paraku mötöwo mwokïyis.

LOK 2:1

Keluma Echotyon Sayon* tuwïn pö nörekyenyi. Kewur nyinte tïkwïn cho kikuso kegh pipö Israel kïlïkwï kwïle. Amelö kitökunan ompö nyini le Konyi nyo pö saghat, ompö asisoni pö nörekyenyi.

LOK 2:3

Kiwurwur Echotyon owesyo Israel ompö nörekyenyi. Kitagh kungarakecha otini kitwecha pung akiporyeghenecha le lyopöt pö ma, nyo pelöy kïgh anka tïkwïl lömïs.

LOK 2:4

Kiwutö pikachi kotï le punyontengwa, kipar pich löwïr cho kikïchömonecha kegh akuluma Yerusalem nörekyenyi nyo nöghöy le ma.

ESEKEL 1:4

Otini kyolan arosïta, asïwan pïchpïch kungwïna okumpö tagh nko polta nyo mamïnïngnye, akuryal yïmö kuwit ompö kiryal nyo lenye tay.

ESEKEL 13:12

Atolapay nyini körul nayatu, ketepenekwa nyu lö, ‘Kipö ne amalenakwa relnoy nya?’ ”

LAWIN 26:28

onörekyinokwa nyoman amungokwa kïnyïl mut nko odeny kïtïl chay pö tagh.

YONA 1:4

Wölo kïyonta ECHOTYON chepkïrïri nyo mi pïchpïch ompö nanam akïnam melinay kïmach kïwalyang.

AKAY 2:17

Kyoyokwan pekat nko rop pö takarïs kunyar kïgh anka tïkwïl nyo kyolentekwa kïkötkötöy, wölo kïrkeghnye choni löwïr, melö kyokötekwa ngokikwo. Mwoghöy ECHOTYON.

NGONGUT 11:19

Atolapay keyat Kö pö Tororöt* nyo mi yïm, kesöchï Santuku Muma* ori. Atoni nyu kuryal lö chwatchwat akïtïl akurïngring ngwïnya akïropan nyoman kïchïnu takarïs.

NGONGUT 16:21

Kïropan kïchïnu takarïs cho echön kïchïnchï pich. Ki ngata nïkisyo takarïsyon akonga kilen tömönut mut. Kimwa pïchoni Tororöt ompö nyarïlnoni pö takarïs, ompöwölo ki kinyarilat nyoni nyo wow nyoman.

NGONGUT 8:7

Kikut malaykayante nyo tagh kontinyi. Kïropönchï ngwïny takarïstina ma cho kituyö nko kisön. Kïnagh kareranpa ngwïny nyo le akonga ompö sömök, kïnöghö kareranpa ket nyo pö sömök nko sus löwïr cho nyörilöch.