ESEKEL 13:10 - PIPÏLIA

¹⁰ Kilïs werkoy piköchan, kilentöy, ‘Kalya,’ akwanyï melö mi kalya. Nyini katek piköchan nayat kïnget werkoychï kimala relnoy.

ESEKEL 13:10 ပူးပေါင်းရင်းမြစ်များ

2 PÖYTOGHÏ 21:9

Wölo kitagh pipö Yuda kïterchï ECHOTYON. Kintöghoghchï Manase chane kwigh ngokï cho ghach tya kïtïl cho kigh pipö punton cho kiyona ECHOTYON koroswechoni akutö chane.

2 OTÖPTINO OSIS 18:12

Kimi atoni chichay kikïyonta kïwö kïkurï Mikaya kïmwochini nyinte lö, “Ingor lö, nyoru pöytoghintö rïntagh, ompöwölo kikïngor werkoyi walak lenyoni.”

NGÖTÏNYÖ 12:26

Mörkölegho chi pö man ghöyityö, wölo ipöy mwokïyis arengwa kupotyö.

ISAYA 30:10

Köröy chane werkoy kutïw atökïsisyö lenchini, “Mongorwecha ngal cho pö man. Omwowecha tïkwïn cho kïmökecha kelïme. Ongorwecha ngala lïs.

ISAYA 57:21

Möminye kalya ompö mwokïyis.” Mwoghöy ECHOTYON.

YEREMIA 14:13

Atolapay olenchan Echotyon TORORÖT, “Kölö ne nya we ECHOTYON Kimuktoghin! Rose lö kömwochï werkoy pïchete lö, ‘Metwokwanye ngot anta kömöy ompöwölo keyomiswecha ECHOTYON kalya ompö korencha.’ ”

YEREMIA 23:17

Mwochini werkoy choni kïtenö osis pich cho sösöy ngölyontenyan lö, ‘Mi ngalekwa kïpetöy nyo karam.’ Akwompö pich cho rïpöy ngala mïkuliskökwa, ‘Möminye kïgh nyo omokwa.’ ”

YEREMIA 23:32

Osïwïyekwa! Kataghan ante ECHOTYON werkoychoni pkonöy kïmwowokwa kirwotïtoghtinekwa cho pö putintön akwigh piköchan kupotyö. Melö kyoyokwan, amomwochanye chane kïgh. Kïlenyona, melö pö chane tösunöt ompö pich nyonikïny.” Mwoghöy ECHOTYON.

YEREMIA 28:9

Wölo ato ngor werkoyonta anka tïkwïl lö ngwïnöy kalya, akïpïntö lenyini kangor, kemuköy kenkïtï man lö köyoni nyinte ECHOTYON.”

YEREMIA 4:10

Atolapay olan, “Ayo Echotyon TORORÖT, mökelïsanyinye nyoman pïchete pö Yuda nko Yerusalem? Kelenchinyi chane, ‘Momokwanye kïgh,’ akwanyï kikenömchï chok sïghinchonikwa.”

YEREMIA 5:31

otï kangor werkoy ngala putintön, kïrïp tïsï lenyini kamwa werkoy, akurosyini kegh piköchan lö kiten nyoman ngalechoni! Oghekwa ne ato itïta sörömu ngalechoni?”

YEREMIA 50:6

“Karkegh piköchan nko kechir cho kimötö mösöwekwa kupotyechï komos akïtompöroryö kïpusata kutïngkot ntökïwutyeghö kaw.

YEREMIA 6:14

Meyitönye lö kïgh moyoko piköchan. Lenchini chane, ‘Kalya, kalya,’ akwanyï nyu puryö kalya!

YEREMIA 8:11

Meyitöcha lö kïgh moyoyko piköchan, lenchini chane, ‘Kalya, kalya,’ akwanyï nyu puryö kalya!

YEREMIA 8:15

Kikikönecha lö kïnyoru kalya, wölo kinyorï ngo ne nyo karam. Kikikonecha lö kïnyoru sarara, wölo kuchumwecha nyarïl.

ESEKEL 13:16

nko werkoychay kingor akïsïwa sïwïyaghtin lö mi kalya Yerusalem akwanyï melö mi kalya nyonikïny. Mwoghöy Echotyon TORORÖT.

ESEKEL 22:28

Kikuyen werkoykökwa ngokichï le atay molo pich korïn relnoy. Sïwïyi sïwïyagh pö putintön akïngor ngala putintön kïlentöy, ‘Kamwa Echotyon TORORÖT,’ akwanyï melö kamwa lenyoni.

ESEKEL 7:25

Ato nyorï nyarïl kïmach kïyar kalya wölo mönyorunye.

OSEA 9:7

Kikwitï osiswo sitöt owöy kipka osiswo kitakat. Nyo mïchini kunkïtï pipö Israel osiswechï Anyï kyaghakwa werkoyon sölwö, alekwa chepoyï chi nyo ntöghoghchini mïkulöwu Tororöt akwompö ngokikwa cho chang nko kireyat nyo wow.

MIKA 2:11

Petöy pïchï kwomtotoy oy nko putintön kïlentöy Rotwokwa kumïn le pögh nko choni nyu piko cho kichomöy.

MALAKI 3:15

Lentöy chi pich cho kisoyönöy kï pich cho le menet. Pich cho le mwokïyis cho kisoyönöy akï kïrkegh kïtyam chane Tororöt, puryö kïgh nyo kidoy chane.’ ”

1 TESALONIKE 5:3

Ato mi pich kïlentöy, “Mi pöghisyö nko kalya,” miröy nyu chane wïrata le ato itini kichïr korka nyo lusïyi amemuköcha pïchoni tökïchïwïtyöt!

1 TIMOTEO 4:1

Mwoghöy Mïkulögh nyoman lö pïstoy pikö walaka kighanatengwa osis cho pkonöy, akï terchï mïkulïs cho le lïsï akïrïp kinetut pö oy.

2 TIMOTEO 3:13

Tösöy tagh kïghochitu tya pich cho ghach cho le lïsï cho lïsöy pikö walaka akelïs kegh chane tïkwïl.

1 YOANA 2:26

Kakirwakwa ngalechoni akwompö pich cho mököy kuryalakwa opotyenö.

NGONGUT 2:20

Wölo otïngetan ngölyon ompö nyi: iterchinenyi kokonï le Yesepel ighöy kegh lö ochï werkoyon. Kunet mötworichan kipotöt, kwigh cheporesnan akwam omisyewut cho kïropchini körkeyïntin.