6 kotïghökwa pich cho kighömï ortïna ompö kanasyantanï.
Kipar Manase pich cho chang cho kipuryö lelut kuyintegha kisön ortïna Yerusalem le pögh akwigh pipö Yuda kwigh ngokï ompö tawu ECHOTYON.
“Kïrkegh kosyolökwa ewunekwo parak ompö saghat, kïmelö orosokwa, kïrkegh kamwaghakwa sowut cho tya, kïmelö olïman, ompöwölo nyïghitate kisön ewunekwa.
“Kiwö kwïle sitenyan nyo kinyorï pikökwa, ompöwölo kicham lö kikelel. Kiwany chokengu werkoyköku le ngötïny nyo komï.
Pröch sïroköku ompö kisönpö mey nko cho mötïngcha lelut, amelö ompöwölo kinyorunyi kïwiröy kongu. “Wölo ompö choni löwïr,
Mopïr to nko pönon nko mïsïktin, amamïlta kisön pö pich cho mötïng lelut ompö koronete. Okïr masagh tororötin walaka tömopchï kegh nyarïl.
Kochorsyekwa arïmisyö agh cheporesnan awolwolisyö ompö putintön apelchï Paal* amöros asagh tororötine walaka cho monkïtökwanye.
Wölo kigha lenyoni ompö ngoki werkoyichi, kigha lenyoni ompö ghöyityo tïsichi. Kimïlta chane kisön pö pich cho puryö lelut.
Chengöy pich ompö nyi asoya tökïmïlta kisön, ghoköy walaka yiyöwo ropïyen cho kemangta lö tökesïkönonö, akyowutyeghanïkwa. Mwoghöy Echotyon TORORÖT.
Lata kintöghoghichï cho kapar tyony, mïltoy kisön tökïnyorï sïkönöt ompö or nyo gha.
Mi pich oringu cho mïltoy kisön akïmïröy putintön, mi cho omisyegho kutïngkot nko cho ighöy ghöyitwok ompö kwenungu.
“Akwigh kor kïlïkwï kïratyan ompöwölo kikepirir kore ompö rïmut akinyïghï kanasyan pörsyö.
Kïlenchanïn ECHOTYON, “Kikwigh pipö Israel nko pipö Yuda ngokï cho echön. Kikïmïlta kisön cho chang ompö kor akunyïghit ghöyityö Yerusalem. Mwoghöy chane lö, ‘Kikïpïstö ECHOTYON koronï amökïyongönye.’
Kyatekan kanasyanta Sayon* mïltagh pö kisön ateka Yerusalem ghoyïn.
Möminye chi pö man ngwïny, möminye chi nyo pö man ompö pich, möro sera porsyö chane, mököy chi anka tïkwïl kïrïm werïngwa.
Karkegh yetïntinechi nko ngötuny cho mororsot Karkegh muti ngal ompö kokwotïno Yerusalem nko suyï cho sutyote, cho ato nyorï peny mönon, mönyorunye chi ompö nyo le kowö otini kayech.
Tötomi löt kïchïnchokwa kirwoko nyarïl ompö pörsyo pipö man cho kikïmïlta kisönkökwa, kïngeta kepar Apel nyo kimötïnye lelut ntökïtenö kepar Sakaria wero Perakiya, nyay kyopörchikwa Kö pö Tororöt, kwenu atay Tïlil tya nko ato kïpelo amörostin.
