ESEKEL 11:20 - PIPÏLIA

²⁰ Atökïrïp kirurutköchan akïrïp kiyomisutköchan akïtagh kïlïkwï nyu chane piköchan alïkwan Tororötïngwa.

ESEKEL 11:20 ပူးပေါင်းရင်းမြစ်များ

ESEKEL 14:11

Atö mökïmostoy pipö Israel kokay ompö ani anta sïmnyon kegh ompö ngokikwa löwïr tökïlïkwï chane piköchan alïkwan Tororötïngwa.” Mwoghöy Echotyon TORORÖT.

TUMWÖY 105:45

atömanyïl kïkaman pikachi kinetutkachi akïrïp kirurutkachi. Asala ECHOTYON!

LUKA 1:6

Kitïpïyot chane kwodeny otöp pö tïlilïn ompö tawu Tororöt, kiteröy akïrïpöy Kirurut pö Echotyon löwïr.

YEREMIA 31:33

Muma nyo rel nyo owetan omöy nko pipö Israel kï lata nyï: Otöninan kirurutköchan oringwa, akörchan mïkuliskökwa. Olïkunan Tororötïngwa, kïlïkwï chane piköchan. Mwoghöy ECHOTYON.

EPRANIA 11:16

Wölo kimi chane kïyöröy kore anka nyo karam nyo pö mi yïm. Nka nyoni mölolïyönönye Tororöt kïkurö chane nyinte Tororötïngwa, ompöwölo kikwighchï chane kanasyan.

EPRANIA 8:10

Anyï muma nyo oman nko pipö Israel, mwoghöy Echotyon otöninan kirurutkachu kinonutkökwa ori, akirchï kirurutchoni mïkulöwekwa. Olïkunan Tororötïngwa, kïlïkwï chane piköchan.

1 KORINTO 11:2

Osölokwa ompöwölo ononanïkwa ompö ngal lö poy, arïpekwa kinetutchay kyorurokwa.

RUMI 16:26

wölo kikengongwï ye kuwerï Kikirut pö werkoy. Akwompö kuti Tororöt nyo satate kokay, keporchï pipö punton löwïr ngalechoni pö man atökumï chane tïkwïl kughan nyinte akïrïp ngalechi.

SAKARIA 13:9

Otïlilenan ma pich cho kingötï, le wölo kitïlilöy koltin anta silpa. Kuranïn nyu chane atoni akïsaghanïn, angitönchinan chane. Omwochinan chane lö, ‘Ochikwa chichan,’ kïlenchanïn chane, ‘ECHOTYON kï Tororötïncha.’ ”

OSEA 2:23

Oghan pikachu kïmang korononi, akïtösisyö. Osyonchinan chane cho “Melö kisyonchini,” aghan chichan cho kikiyitöy lö, “Melö piköchan.” Yoku nyu chane kïlentöy, “Ichinyi Tororötïncha.”

ESEKEL 37:27

Lïku möngenyan wölo mi chane alïkwan Tororötïngwa kïlïkwï chane piköchan.

ESEKEL 11:12

Ato onkïtunökwa lö ochan ECHOTYON ompö melö kyarïpakwa kirurutköchan anta agh kiyomisutköchan, kyaghakwa kïrïp kegh nko kiyomisut pö puntonichï kiwitekwa.”

YEREMIA 32:38

Lïku nyu chane piköchan alïkwan Tororötïngwa.

YEREMIA 24:7

Otöninan chane mïkulögh nyo muköy kunkïtu lö ochan ECHOTYON. Lïku nyu chane piköchan, alïkwan Tororötïngwa ompöwölo yoku kegh chane kïpka wölo omitan ompö mïkuliskökwa kïmïkul.

YEREMIA 11:4

Mumanete nyaye kyaman nko papotïnekwa otini kyamïtunan chane koro Misri. Ompö chane, kilata korononi mapa karïn nyo kinagh kula lakat. Kyolenchan chane atera kutinyan, agh löwïr lenyini komwochan. Lïku nyu chane piköchan, alïkwan Tororötïngwa

TUMWÖY 119:32

Orïpan kirurutköku ompö machat, ompöwölo itöswaninyi pköchin.

TUMWÖY 119:1

Soyönote pich cho mötïngnye otöptinekwa lelut, cho komönöy kinetut pö ECHOTYON.

NGÖTÏNYÖ 9:6

Opïstenö sölwontön atosöpchenö, airip ara pköchin.”

ESEKEL 43:11

Nyini nyu könyorï chane arasï ompö tïkwïn cho kikwigh chane, iporchï nyu wölo kïtektoy Kö pö Tororöt. Porchinö wölo mi kukat nko apuketinechi nko wölo lata kö kïmïkul nko tötutkö walaka lapay atökumï kïrïp chane lasiny.

SAKARIA 8:8

atolapay aghamïtwan kïpka kanasyanta Yerusalem. Lïku nyu chane piköchan, alïkwan Tororötïngwa. Opöytenan chane ompö kighanat nko man.”

TOWUNÖT 17:8

Okoninyi tönan moneku koronete kemitenyi imöngöy kïle chi nyo le ton koronete pö Kanan kïmïkul tökïlïkwï nyinkwa kokay atalïkwan Tororötïnkwa.”

KINONO KIRURUT 30:6

Nya kïlïkwï mutatenkwa machey nyo poru wölo ochömtokwa nko monekwo ECHOTYON Tororötïngwo ataleta tagh osöpchenö.

YEREMIA 24:5

“Kïlenyona kamwaghan ante ECHOTYON, Tororöt pö Israel lö, oyitan lö karamach le makanchï karamach pipö Yuda cho kyochömchan kep kïpa le pïnot koro Papilonia.

YEREMIA 32:39

Oghan chane kïsïch keröt akonga ompö möngengwa: Kïkonyïtanïn. Pöyitu nyu kerötononi kinyiwut nyo wow ompö chane nko monekwa.

ESEKEL 37:23

Melö tökusïmnyono kegh körkeyïntinekwa kokay nko tïkukwa cho ghach anta lelutkökwa walaka tïkwïl. Osörunenan chane ngokikwa löwïr cho kigh, otïlilan chane takïlïkwï nyu piköchan, alïkwan Tororötïngwa.