ESEKEL 1:11 - PIPÏLIA

¹¹ Lenye nyoni wölo lata tokochwekwa. Kighïtoy köpepokökwa cho le odeny kuryam, kuyenteghö köpepokö chinö walaka le odeny porwöyikwa.

ESEKEL 1:11 ပူးပေါင်းရင်းမြစ်များ

ISAYA 6:2

Kiwit nyinte tyonkïn cho kilata lyopöt. Kitïng anka tïkwïl ompö chane köpepoy mut nko akonga. Kiluma kïgh anka tïkwïl tokochunyi köpepoy odeny, akuluma portanyi köpepokö walaka odeny, atolapay kupilö köpepokö chinö walaka le odeny.

ESEKEL 1:23

Kighïtoy nyu tyonchay sötote köpepoykökwa ompö mïröt kutang wölo mi anka, atolapay kuyenö kegh anka tïkwïl köpepoy odeny wölini nko wölini.

ESEKEL 10:16

Akïnyini kïpa kerupimtinechay kïpa koropetin tïkwïl ompö kamasungwa. Akïnyini kangany köpepokökwa tökupiltoy, melö rïmöy koropetinechay mi kamasungwa.

ESEKEL 10:19

Atolapay kïsyol kerupimtin köpepokökwa tökupiltoy, asïwïyan kïpetöy nko koropetinechay kimi kamasungwa, atolapay kughyongö kuka ara Kö pö Tororöt ompö okumpö kongasis akïmi ororyo Tororöt pö pipö Israel parakungwa.