EPRANIA 9:28 - PIPÏLIA

²⁸ Kïlenye nyoni tïkwïl, kikonï kegh Kristo kïlïkwï körösyon kïnyïl akonga tökupuktö ngoki pich cho chang. Chumu nyinte nyu panto odeny amelö ngwïnöy tökunoghyechï ngokï, wölo tökïsoru pich cho köngöy nyinte.

EPRANIA 9:28 ပူးပေါင်းရင်းမြစ်များ

ISAYA 25:9

Mwoghöy chi anka tïkwïl ato itï asisoni lö, “Tororötïncha nyinte! Kikïmitecha kekönöy nyinte, kakïsörwecha nyinte. Nyinte kï ECHOTYON! Kikïmitecha kekönöy nyinte, akemitecha ye kengörekyot aketuronchot ompöwölo kösörwecha nyinte.”

LAWIN 10:17

“Kalïkwï ne tömamekwa ropöwonto ngokï ato tïlil? Ompöwölo tïlil tya, kikïkonokwa achenga ngoki pich löwïr otini oghekwa kilinyot ompö tawu ECHOTYON.

SAKARIA 14:5

Oryöghekwa oweröy mpöghoghyonï köreröy kutïng pö ECHOTYON. Oryöghekwa le papotïnekwa ato kichïwïtyeghö korïngring osiswo pöytoghin Usia nyo pö Yuda. Atolapay kuchumï ECHOTYON, Tororötïnyan nko pich löwïr cho tïlilöch.

KIYITUT 18:1

Kïlenchï ECHOTYON Aron, “Nyi nko werköku nko pipö Lawi cho opoy ngoki cho rumunö ighisyö nyo pö Ema, wölo nyi nko werköku cho opoy ngoki cho rumunö ighisyo Tïsintön.

KIYITUT 18:23

Wölo pipö Lawi cho pöghisïyi ompö Ema nyo mi ECHOTYON akï nömöy chane ngokikwa, lïku nyï kirurut pö kokay ompö monekwa tïkwïl. Amöminye mïlata nyo nyoru pipö Lawi ompö kwenu pipö Israel.

MATAYO 20:28

le ato melö kingwïn Wero Chi tökepöghisyechï, wölo kingwïn kïpöghisyö akusalta söpontanyi tökutyaka pich cho chang ngokikwa.”

MATAYO 25:31

“Otini kengwïn Wero Chi ompö ororyö kïmi nko malayken löwïr kïtöpö ngacharenyi nyo pö paytagh,

MATAYO 26:28

Ompöwölo kisönköchan chete, nyo puntoy muma* Tororöt cho kïmïltoy ompö pich cho chang atökelöstoghchï chane ngokikwa.

YOANA 14:3

Ato owan aghwakwa wölo omöngöy, amïlan nyu ngat atamïtakwa wölini omitan atamukakwa nyu omitenö wöloni omitan.

IGHISYEWUT 1:11

akïlö, “Akwa pipö Kalilaya, ompö ne toghyongekwa arosöy yïm? Yeso nete kakimït kïwö yïm, kungwïnöy le nyete kasïwekwa kïwetöy yïm.”

RUMI 3:25

Kiropï Tororöt nyinte atökïlïkwï meghenyi or nyo löstegho pich ngokï ompö kighanat nyo ghönöy Kristo. Kigh Tororöt kïyoni atökuporï lö pö man nyinte. Ompö mïkukönö osiswechanya pö tagh, Tororöt amökïyangnye kurwokï ngoki ptangengmöt.

RUMI 5:15

Wölo melö karkegh laras ompöwölo memukonye kekongityö ropöwonto Tororöt nko ngoki Adam. Pö man kemwa lö, kimeghö pich cho chang ompö ngoki chi akonga. Wölo wow tya pöropcho Tororöt akï wow tïkwïl ropöwontenyi ompö pich cho chang ompö pöropcho chi akonga, Yeso Kristo.

RUMI 6:10

Kima nyinte megha ngokï kïnyïl akonga akumuchö, wölo möngisïyi nyinte ye ompö linyogh nko Tororöt.

RUMI 8:23

Amelö tïkuchoni kikigh opïn cho chirsot, wölo kïmitecha chete le acha tïkwïl kichïr ompö orinyo, cho kïtïng Mïkulögh nyini le ropöwonto Tororöt nyo pö tagh, otini kïköngecha nyinte kwighecha kelïkuna monechi, akenyorï kityakatenyi.

RUMI 8:3

Kigh Tororöt kïgh nyo kimemïnye kirurut kwigh, ompöwölo ki nyarkalal otöp pö ptangengmöt. Kilot Tororöt ngoki ptangengmöt, otini kiyonï Werïnyi kegh nyo kingwïn kitïng asïl pö ptangengmöt akuwur ngokï lödo.

1 KORINTO 1:7

tömörörchokwa konunötö anka tïkwïl nyo pö mïkulögh otini omitekwa oköngöy ato kiporu Echotyontenyo Yeso Kristo.

1 KORINTO 15:54

Ato lach porï nïnöy otöp nyo mönïnöy, ato lach kïgh nyo meghöy otöp nyo mömeghönye, kwitïta nyu ngölyontonay kikikir lö, “Kakiwur meghat, ketïta rïntagh!”

1 TESALONIKE 1:10

amitö oköngöy Werïnyi nyo ngwïno yïm nyo kigh Tororöt kututunö ngwen, nyoni kï Yeso akï nyinte nyo sörunenecha nörekyo Tororöt nyo ngwïnöy.

2 TESALONIKE 2:1

Kïsomokwa ye nyu nyoman, tupchenicho ompö ngala kingwïnateto Echotyontenyo Yeso Kristo* nko tuyencha nko nyinte

2 TIMOTEO 4:8

Nyo köngötwanïn ye kekonön ropöwonto man, nyo konanïn Echotyon nyinte nyo le kirwokinto man ompö Asisini mïlo nyinte. Amelö nyu konanïn onkït, wölo töni tïkwïl pich lapay cho köngöy ompö chomnyogh asisini chumu nyinte.

TITO 2:13

otini kïmïtecha keköngöy Asis nyo soyönote, otini kiporu ororyo tororötïnyo nyo wow tya nko Ghetintenyo Yeso Kristo.*

EPRANIA 1:14

Mömïkulisnye so chane cho kikïyonï kïpöghisyechï pich cho nyoru sörunöt asïyech?

EPRANIA 10:10

Akwompöwölo kigh Yeso Kristo machata Tororöt kutötö kegh kïlïkwï amöros nyo pö ngoki pich kïnyïl akonga akïmïchï ketïlilecha ompö ngokicho.

EPRANIA 12:14

Okilö kegh, otïpinö ompö kalya nko pich löwïr otïpinö otöp nyo pö tïlilyö nyo ato mötïngnye chi kïmösïwïyinye Echotyon.

EPRANIA 2:3

Ekechïwïtyonecha nyu lö ne, ato mökïyangachanye sörunöt nyo wow nyo tenö nyï? Kinya Echotyon nyinte tagh kimwowï sörunötononi, kukïniniewecha pich cho kilïm ngalechoni lö, pö man.

EPRANIA 4:15

Ompöwölo kïtïngetecha Tïsin nyo Wow nyo muköy ntökungarakecha ompö nyörkölelyenyo, nka nyoni kikïtyam nyinte ompö or anka tïkwïl le acha, akimeghnye ngokï.

EPRANIA 5:9

Otini kikigh nyinte kuten, kegh nyinte kïlïkwï towunöto sörunöt nyo pö kokay ompö pich lapay cho terchini nyinte.

EPRANIA 7:27

Sis nyinte nko tïsï walaka cho echön, mötïngnye machat nyo tötoy amörostin osis löwïr cho pö ngokichi kegh atolapay kutötö cho pö ngoki pikö walaka. Kigh lenyoni kïnyïl akonga nyo mïchini könyis löwïr otini kikonï kegh nyinte.

EPRANIA 9:25

Kilïtöy Tïsinto pipö Yaudi nyo Wow Wölo Tïlil Tya kïnyïl akonga kïtïng kisön pö kyak, wölo kimölïtnye Kristo lö tökutötö kegh kïnyïl cho chang.

1 PETRO 2:24

Nyinte Kristo nyo kikasana portanyi ngokicha ompö kimurtöwon atökemuka kekarakegh nko pich cho kimeghö ompö ara ngokï akesöpchö ompö ara man. Kikisopokwa ompö perutöyichi.

1 PETRO 3:18

Ompöwölo kimegha tïkwïl Kristo ngokï kïnyïl akonga akumuchö. Kuwongwï chi nyo karam ompö mwokïyis atökumï kumïtakwa wölo mi Tororöt. Kima nyinte kïma ompö por, wölo kisöpote ompö mïkulögh,

2 PETRO 3:12

otini omitekwa oköngöy Asisoni ngwïnöy Tororöt kurwokyini ngwïny akïmïchini agha Asisoni kwitï lawel. Asis nyoni nyo kiwuro ma yïmöy nko tïkwïn löwïr cho mi yïmöyichoni. Lochini tïkuchoni ma tökuyinta.

1 YOANA 3:2

Chamankachu, kïchicha ye monïngo Tororöt, wölo tömönye kengongwï lasiny lö kïnenöchitucha. Wölo kinkïtöcha lö ato kïngongwï Kristo,* kekörecha kegh nko nyinte, ompöwölo kïsïwïyecha nyinte le wölo lata.

1 YOANA 3:5

Onkïtökwa lö kingwïn Kristo atökïngongoghta ngokicha, akï möminye ngokï orinyi.

YUDA 1:21

akany kïkamanakwa chomnyo Tororöt otini omitö oköngöy Echotyontenyo Yeso Kristo, kïkonokwa söpon pö kokay ompö kisyonötenyi.

NGONGUT 1:7

Arose anyinö ngwïno poltoy! Akïsïwïyi chi anka tïkwïl nyinte nko ompö pïchini kipïsïgh nyinte. Teghsot puntoni ngwïny kïmïkul ompö nyinte! Lïku nyoni ngalechï nyo mötïny! Amen.