EPRANIA 8:6 - PIPÏLIA

⁶ Wölo kakitö ye nyu Yeso kïlïkwï tïsin nyo pö tïlat, kïlenyona kulinyö pich nko Tororöt ompö muma nyo karam tya nyo kikïteka towunöto teksyo kiyomisöto man.

EPRANIA 8:6 ပူးပေါင်းရင်းမြစ်များ

YEREMIA 50:5

Tepöy or nyo wetöy Sayon* akïpa kutang wölini atolapay kwam muma* lö, kïlinyot nko ani, amöminye nyo ngötighöy kokay.

LUKA 22:20

Kïmwa lenyoni ngat ompö kikompo dipay otini kiwany omisyo nangat lö, “Kikomponï kuporu muma* Tororöt nyo rel ompö kisönköchan cho kïmïltoy akwompö akwa.

RUMI 9:4

Pipö Israel chane, cho kikïl Tororöt kïlïkwï monechi akïngongchï ororyenyi akwam nyinte mumen nko chane akutö Kirurutkachi. Kikunkïtï chane saghata man akï chane cho kitach kiyomisut pö Tororöt.

EPESO 2:12

Onkïtï lö kyochikwa lowöch nko Kristo osiswechoni, kyomitekwa sanypa pipö Israel. Kyochikwa pïnot akimoghönekwanye kïgh ompö kiyomisut pö Tororöt. Kimotïngetekwanye kikönöt akimononekwanye lö mi Tororöt ngwïnyinï.

1 TIMOTEO 2:5

Ompöwölo mi Tororöt akong kïpoto, akïmi akong nyo linyot pich nko Tororöt. Chichoni kï Kristo* Yeso,

TITO 1:2

nyo rïpöy kegh nko kikönöto söpon pö kokay. Kiyomiswecha Tororöt, nyo mömïrönye putintön söpononi kïngeta otini le towunöt,

EPRANIA 12:24

Kapkanakwa wölo mi Yeso nyo kingwïn kwigh muma* nyo rel akï kïmïlta kisönkachi cho ngölonöy tïkwïn cho karamach kïtïl chanya pö Apel.

EPRANIA 7:22

Lïku nyu Yeso kighyongtoghin nyo pö muma* nyo karam kïtïl walaka.

2 PETRO 1:4

Akwompö aranoni, konecha nyinte kiyomisut cho karamach akï cho pö olyot nyo wow atamuka ompö kiyomisutchoni osïkö otöp nyo pö Tororöt achïwïtyeghö wïrat nyo mi ngwïny nyo ngwïno pïrchin nyo gha.