EPRANIA 7:26 - PIPÏLIA

²⁶ Yeso nyu onkït nyo le Tïsin nyo Wow* nyo mïchinecha. Tïlil nyinte akïmötïngnye lelut anta ngokï ompö orinyi. Kikepesyö nyinte nko mwokïyis aketotegha kïwö yïm parak.

EPRANIA 7:26 ပူးပေါင်းရင်းမြစ်များ

TUMWÖY 68:18

Pusöy nyinte kutïng akumïtöy pich cho chang cho kikïnama lïkos akutöni penyï nyinte ropöw. Möngöy ECHOTYON wöloni.

WUWÖT 28:36

“Itang aparparatpa koltin cho pïchighöch aikir parakunyi lö, ‘Nyo Tïlil ompö ECHOTYON.’

ISAYA 53:9

Kikitö pïrïm nko mwokïyis, kikitïp nyinte nko pich cho le monkor, Kïrkegh melö kimi kïgh nyo gha nyo kigha anta ngölyonto putintön nyo kimwa.

ESEKEL 44:27

Asisini wetöy kïlïtöy wölay tïlil ompö Kö pö Tororöt ori tökïpöghisyö, kïnyoghöy kïroptoy ropöwon nyo pö ngokichi. Mwoghöy Echotyon TORORÖT.

KIYITUT 29:26

Aropta ompö asispa mut ngartin mut nko angwa nko mökol odeny nko wara kechir taman nko angwan chi le mökol cho tïng köny akonga akïlïpopöch,

MATAYO 27:18

Kimwa lenyoni kunkït lö kitötö chane nyinte, ompöwölo kisösöy.

MARKO 16:19

Otini kiwany kïngölonöy Echotyon Yeso nko chane, kep nyinte kutang yïm akïtöpö okumpö tagh nyo pö Tororöt.

LUKA 1:35

Kuyokyï malaykayantanay lö, “Ngwïnchininyi Mïkulögh nyo Tïlil akuwuro owesyo Tororöt nyo Töror Tya parakungu, kïlenyona monïngoni iyiyenyi kekuro nyo tïlil, Wero Tororöt.

LUKA 23:22

Kïlenchï Pilato chane panto sömök, “Ompö ne, kegh ne nyo gha nyinte? Melö kosöchan nyinte kïgh nyonikïny nyo mïchini kïmegha. Akanya otötan kemuny atökepïstö kïwö.”

LUKA 23:41

Kirwokenyan nko nyengu kïpö man ompöwölo kikïnyorucha kïrïpata kegh nko ighisyewutköcho cho kikigh achane, wölo puryö kïgh nyo kilel chichï.”

LUKA 23:47

Kikany kïsïwa wowïnay pö askarin choni kighisyö, kïsal Tororöt akïlö, “Nyoman, kimötïngnye chichï lelut.”

LUKA 24:26

Kimömïchïnye so Kristo* kuwongwï lenyoni kïtomö kïlït ororyenyi?”

LUKA 24:46

akïlenchï, “Kikikir lö, wongu akïma Kristo nyo mötïny akututï asisto sömök

YOANA 14:30

Melö tongölonan nko akwa ngat nyo kogh, ompöwölo mi pöytoghinto ngwïnyinï kungwïnöy, akïmötïngnye nyinte owesyö ompö ani,

YOANA 8:29

Akïmi nko ani nyinte nyini kiyokwanïn, tomönye kïpïstanïn nyinte, onkït ompöwölo oghan kïnomnyö tïkwïn cho chömöy nyinte.”

IGHISYEWUT 3:14

Wölo ataghakwa chi nyo Tïlil akï pö man. Omwochikwa Pilato kutyokwokwa pörin.

IGHISYEWUT 4:27

“Nyoman kituyö kegh Erode nko Pontio Pilato nko pipö punton nko pipö Israel ompö kanasyantanete akïtagh Mötworintengu nyo tïlil, Yeso, nyo kikïlanyi le Masiya.*

2 KORINTO 5:21

Melö kitïng Kristo ngokï, wölo kigh Tororöt nyinte kupar ngokicha atömanyïn kelïkwï pich cho tenote ompö Tororöt otini kakïtuyö nko nyinte.

EPRANIA 1:3

Nyinte nyo le kwörkwöryö nyo pö ororyo Tororöt akï nyinte nyo le körkeyïn pö Tororöt tighöy tïkwïn löwïr ngölyontenyi nyo pö owesyö kiwö nyinte kïtöpunö ewu tagh nyo pö wowïn pö Tororöt otini kiwany kutïlilöy pich ompö ngokikwa.

EPRANIA 12:2

Ketanga wölo mi Yeso, nyinte nyo le kitorinte akï nyinte nyo puntoy kighanatenyo. Kimïkukönö nyinte kimurtöwon akwompö ngörekyö nyo kimi tawunyi. Wölo kimas arasï nyo pö kuwongunöto kimurtöwon, akï mi ye okumpö tagh nyo pö ngacharu paytaghpa Tororöt.

EPRANIA 2:10

Ki mïchinote, ompö Tororöt nyo ighöy akukomönöy tïkwïn löwïr, kwigh Yeso kuten ompö ara kiwongunöt, atökumïtï monïng cho chang akïchagh ororyenyi nko chane. Ompöwölo Yeso nyo ntöghoghchini chane kïnyorï sörunöt.

EPRANIA 2:17

Kïlenyona, kimïchï egh nyinte kïkarkeyit nko tupchenichi ompö ngal lapay atökumï kïlïkwï tïsintengwa nyo Wow nyo kighönöy, nyo tïng kisyonöt otini pöghisyechini nyinte Tororöt, atökelöstoghchï pich ngokikwa.

EPRANIA 3:1

Tupchenicho cho ochï pipö Kristo cho kikurok Tororöt! Anan Yeso, nyo kiyokwï Tororöt akï Tïsin nyo Wow* nyo pö kighanat nyo kïmwotïtoy.

EPRANIA 7:11

Ki ompö ara tïsöto pipö Lawi nyo kikitönö kirurut pipö Israel. Ntökipuryö nyu lelut ighisyononi pö pipö Lawi, kitömökïminye nyu machata ngat nyo kitökuchumuno tïsinte anka nyo sis, tïsin nyo kirïp tötut pö Melkisedek amelö chanya pö Aron.

EPRANIA 8:1

Anyï nyu kïgh nyo wow nyo kïmwowunecha lö, kïtïngetecha Tïsin nyo Wow* nyo lata nyoni nyo töpuno ewu tagh nyo pö ngacharu paytaghpa Tororöt Kimuktoghin nyo mi yïm.

EPRANIA 9:14

Wowitu nyu tya tïlilyö nyo kïsïkonecha kisön pö Kristo! Nyinte nyini kikonï kegh kïlïkwï amöros nyo lïpop ompö tawu Tororöt ompö ara Mïkulögh nyo Tïlil nyo pö kokay. Wunöy kisönkachi sïkunöteto mïkulisköcha kïngetunö ighisyewut cho puryö kinyiwut atökemuka kepöghisyechinö Tororöt nyo söpöy.

1 PETRO 1:19

wölo ompö kisön pö Kristo cho pö olyot nyo wow. Ki karkegh nyinte nko wawa kech nyo lïpop akutenate.

1 PETRO 2:22

Kimeghnye nyinte ngokï nyonikïny, akimengwïna kutinyi putintön.

1 PETRO 3:22

nyo kikïwö yïm akïtöpö ewu tagh nyo pö Tororöt atökïpayta malayken lapay nko pöytoghï nko owesyö anka tïkwïl nyo mi yïm.

1 YOANA 2:2

Akï nyinte kï tïsöwon nyo pö ngokicha, amelö tïsöwonto ngokicha opïn, wölo cho pö pich lapay.

1 YOANA 3:5

Onkïtökwa lö kingwïn Kristo atökïngongoghta ngokicha, akï möminye ngokï orinyi.

NGONGUT 3:7

“Kirchinö malaykayanta kanisa Piladelpia lö, ‘Anyï ngölyon nyo ngwïno wölo mi nyinte nyo tïlil akï pö man, akïtïng yotöwonto Daudi nyo ato kakïyat kukat, kïmöminye chi nyo köröy ato kar nyinte kukat, kïmöminye chi nyo yotöy.