EPRANIA 7:25 - PIPÏLIA

²⁵ Kïlenyona, muköy nyinte kïsöru pich kokay cho petöy wölo mi Tororöt kuweröy nyinte ompöwölo söpöy nyinte kokay akïsoghchini chane.

EPRANIA 7:25 ပူးပေါင်းရင်းမြစ်များ

AYUPU 22:17

Kilenchï Tororöt, weghenö wölo kïmitecha! Muköy Kimuktoghin kwighwecha ne nya?

AYUPU 23:3

Opï konkïtön wölo omukan tonyorchï Tororöt kötomukan owö tarich ngacharunyi nyo töpo!

ISAYA 45:22

“Omïlonchenö wölo omitan, akwa pipö ngwïny kïmïkul atökesörwok! Ompöwölo ochan Tororöt amöminye anka.

ISAYA 45:24

“Mwoghöy chane ompö parakunyan lö, ‘Kïnyorchini man nko owesyö wölo mi ECHOTYON onkït,’ wölo wongu ompö arasï pich cho töghöy nyinte.

ISAYA 53:12

Kïlenyona otöninan nyinte kïtöpo ato töror, atökupar pöröw nko pich cho owesöch. Ompöwölo kichamta kegh nyinte kepar, akïcham keyitïtö nyinte akonga nko mwokïyis. Kikasan nyinte ngoki pich cho chang, akïsoghchï chane tökelöstoghchï ngokikwa.”

ISAYA 59:16

Kïtöngönchï otini kisïwa lö puryö chi nyo kingarak pich cho kikïpïr. Nka nyoni pöghisyegho owesyenyi tökïsörï chane akïrïnta.

ISAYA 63:1

Ngo chitö nyï ngwïno kanasyanta Posra ompö koro Edom? Ngo nyinte nyï loköy sïro cho pïchighöch, cho pïröch, mi kukelu ompö wowïnto owesyenyi? Ani ECHOTYON nyete, nyo otïng owesyö osörï.

YEREMIA 3:22

“Omïlisyenö we pïchï mochï ghönote Osopekwa ngat alïkuna pich cho ghönote.” Atoni nyu ato omwoghekwa lö, “Arose, kökïmïlonchecha wölo imitenyi, ompöwölo ichinyi ECHOTYON Tororötïncha.

DANIEL 3:15

Ato omitekwa kïpsach ye nyu, otini kalïmakwa chöghöto kontin nko pkurerun nko tokigh nko pïkantis cho sisinchö nko kari tumwöy walaka okïtïng asagh körkeyïnay kyaghan, ato aghakwa lenyoni kïkaram tya. Wölo ato masaghkwanye kewirchinokwa lawel ma nyo ngwan lakat. Olentekwa mi tororöt nyoman nyo muköy kïsörwokwa?”

DANIEL 3:17

Ato lïkwï nyoni kumuköy Tororötïncha nyo kïpöghisyechinecha kïsörwecha ompö mayoni ngwan lakat akïsörunenecha moriku, we pöytoghin.

DANIEL 3:29

“Kïlenyona kamwaghan ye nyu lö, ‘Pipö punton nko pich walaka cho pö kutïw cho sis cho mwoghöy Tororöt pö Syadrak nko Mesyak nko Apedneko ketörotöröy akepar korikwa kïlïkwï kïratis. Ompöwölo möminye tororöt anka nyo muköy kïsoru pich le nyï?’ ”

DANIEL 6:20

Nyini kirich köpönonay mi Daniel, kïkursyö ompö ngwonïn lö, “Daniel, mötworinto Tororöt nyo satate, kemï Tororötïngu nyo ipöghisyeghchinenyi ntökïsörunyi ompö ngötuny nya?”

DANIEL 9:16

We Echotyon, yodena nörekyengu nko sïngiryengu ompö kanasyantengu Yerusalem, kutïngtöngu nyo tïlil, ompöwölo ighenyi man kïnomnyö. Kisasecha pich akïsas kanasyantengu cho kimang Yerusalem kuwitwitecha akwompö ngokicha nko cho pö papotïnecha.

YOANA 14:13

Oghwokwa kïgh anka tïkwïl nyo osomekwa ompö kaynatenyan, atökïrumtö oröryeto Paponyan ompö Werïnyi.

YOANA 14:16

Osoman Paponyu kïkonokwa Kingörokinte nyo töpo nko akwa kokay.

YOANA 14:6

Kïlenchï Yeso, “Ochan ore nko man nko söpon, möminye chi nyo wetöy wölo mi Papo kïpoto ato werwanïn.

RUMI 5:10

Kikïchicha pung pö Tororöt wölo kikulinyecha nyinte ompö ara megheto Werïnyi. Otï ye kikelinyecha nko Tororöt, mösörwechanye nyinte tya ompö söpon pö Kristo?

RUMI 5:2

Keghecha Kristo kenkïtunö lö nen pöropcho Tororöt ompöwölo kighönecha nyinte. Nka nyete nyu kïngörokyinecha kikönötencha nyo kïghömöy nyo pö ororyo Tororöt.

RUMI 8:34

Mï ngo nyu nyo rwokyini chane? Puryö, ompöwölo Kristo Yeso nyo kima, atolapay kitutunö ngwen, akïmi ye ewu tagh nyo pö Tororöt. Mi nyinte ye kïsoghwecha!

1 KORINTO 1:21

Ompöwölo kitagh Tororöt kunkïtï pich nyinte ompö ngöghomnyengwa kegh. Nyo kitölïku nyoni, kïcham nyinte kïsörï pich cho ghönöy ompö or nyo sïwïyi pich cho ngöghomöch lö sölwontön, choni kï lökoy cho kyomtonecha.

EPESO 2:18

Kimukecha ye nyu ompö ara Kristo kepete tawu Tororöt kuwerï Mïkulöwunoni le akonga, kïrkegh kechicha pipö Yaudi anta pipö punton.

EPESO 3:12

Otini kikilinyecha kegh nko Kristo kemantech kegh nyinte, akesïköcha nyakanat kelïtö wölo mi Tororöt, ompöwölo kighönecha nyinte.

EPESO 3:20

Nya kïsala nyinte nyo muköy kwighöy tïkwïn cho pö töngönchin kïtïl cho kïsomecha anta cho kinonecha ompö kimukata owesyö nyo pöghisïyi ompö orincha.

PILIPI 3:21

nyo wöghököy porwoyicha chï nyörkölöl akwigh kïkarkegh nko portanyi nyo pö ororyö, ompö owesyö nyo muköy kï pöyuno tïkwïn lapay.

1 TIMOTEO 2:5

Ompöwölo mi Tororöt akong kïpoto, akïmi akong nyo linyot pich nko Tororöt. Chichoni kï Kristo* Yeso,

2 TIMOTEO 1:12

nka nyoni omitan owonguno ngalechoni. Wölo mosïwïyanye arasï ompöwölo onkïtön chichini kaghanan, ankïtön nyoman lö, muköy kïkomönöy lasiny kïyoni kökonanïn ntökwit asispa mïlaghtanyi.

EPRANIA 11:6

Akwoto puryö kighanat kïmemukonye kegh Tororöt kïngarak. Ompöwölo mïchini chi nyo wechini Tororöt, kughan lö mi Tororöt akutöni ropöw chane cho yöröy nyinte.

EPRANIA 13:15

Kesala nyu Tororöt osis lapay ompö ara Yeso, salatanoni nyo tötoy pich lapay cho kikughan kaynenyi.

EPRANIA 2:18

Nyo muköy ye nyu kungöroköy pich cho kityömöy, ompöwölo kikïtyam nyinte tïkwïl akechop kong.

EPRANIA 2:9

Wölo kïsïwïyecha Yeso nyo kikigh kwapta kite osis cho ngörï kïtïl malayken kelokyini ororyö nko konyït ompöwölo kiwongunö meghat atökumï ompö pöropcho Tororöt kïmegha chi anka tïkwïl.

EPRANIA 5:7

Kisagh Yeso Tororöt nyo kimuköy kïsöruno nyinte meghat akïrirchï atanya kimi ngwïnyinï. Kïterchï Tororöt nyinte ompöwölo kipöghisyechini nyinte Tororöt.

EPRANIA 7:16

Kimeghnye chi nyinte kïlïkwï tïsin kïrïp kegh nko otöptino pich, wölo ompö owesyo söpon nyo möminye söröm.

EPRANIA 7:19

Ompöwölo kimemïcha Kirurut pö Musa ntökwigh kïgh anka tïkwïl kuten. Wölo kakekonï ye nyu kikönöt nyo pïchigh tya nyo kimukonecha kelekïtitunö nko Tororöt.

EPRANIA 7:24

Wölo söpöy Yeso kokay, kïlenyona, möngetonye nyinte ighisyo tïsö.

EPRANIA 7:8

Tïsi cho toköy kareran pö taman kï pich cho meghsot wölo chichï toköy kareranpa taman nyoni kï Melkisedek, akengölono lö, mömeghönye.

EPRANIA 9:24

Ompöwölo kimölïtnye Kristo Wölo Tïlil kikigha morïn nyo le körkeyïn pat nyo pö nyinö pö man, wölo kiwö kïlït yïm tökuparta kegh ompö tawu Tororöt ompö acha.

YUDA 1:24

Nya kïsïch Tororöt ororyö, nyinte nyo muköy kïripokwa tömopïtyö, akumïtakwa ape tawuto ororyenyi ompö ngörekyö kïpuryö lelut, nyinte nyo le Tororöt onkït akï Ghetintenyo ompö Yeso Kristo Echotyontenyo. Nyenyi wowïn nko owesyö nko paytagh kïngeta könyisyok nko ye nko kokay! Amen.