EPRANIA 7:19 - PIPÏLIA

¹⁹ Ompöwölo kimemïcha Kirurut pö Musa ntökwigh kïgh anka tïkwïl kuten. Wölo kakekonï ye nyu kikönöt nyo pïchigh tya nyo kimukonecha kelekïtitunö nko Tororöt.

EPRANIA 7:19 ပူးပေါင်းရင်းမြစ်များ

TUMWÖY 73:28

Wölo nyo le ani, mïchinanïn olekïtitwan nko Tororöt. Oghïponan ECHOTYON Tororöt. Omwotïtonan ngal löwïr cho kigh nyinte. Tum pö Asap.

LOK 3:57

Kingwïnchaninyi ailenchanïn, ‘Mewoghisyö!’

YOANA 1:17

Kikonï Tororöt kirurut kuwerï Musa, wölo kikonï pöropchö nko man kuwerï Yeso Kristo.*

YOANA 14:6

Kïlenchï Yeso, “Ochan ore nko man nko söpon, möminye chi nyo wetöy wölo mi Papo kïpoto ato werwanïn.

IGHISYEWUT 13:39

ankïtï nyu lö anka tïkwïl nyo ghönöy nyinte, ketyoko ngokichi löwïr cho kimemuchönye kutyoköy Kirurut pö Musa.

RUMI 5:2

Keghecha Kristo kenkïtunö lö nen pöropcho Tororöt ompöwölo kighönecha nyinte. Nka nyete nyu kïngörokyinecha kikönötencha nyo kïghömöy nyo pö ororyo Tororöt.

RUMI 7:7

Kïmwoghecha ne nyu nya? Ngokï so kirurut? Ewo! Wölo ntökimö kirurut, kitömonkïtönye ngokï lö, ne. Ompöwölo kitömonkïtunanye lö ne pïrchin ntökimamwa kirurut lö, “Mepïrchï tïpö pich.”

RUMI 8:3

Kigh Tororöt kïgh nyo kimemïnye kirurut kwigh, ompöwölo ki nyarkalal otöp pö ptangengmöt. Kilot Tororöt ngoki ptangengmöt, otini kiyonï Werïnyi kegh nyo kingwïn kitïng asïl pö ptangengmöt akuwur ngokï lödo.

KALATIA 2:16

Wölo kinkïtöcha nyoman lö melö tenöy chi nko Tororöt ompöwölo rïpöy nyinte kirurut, poto pat ato ghan Yeso Kristo. Akakeghanacha tïkwïl Kristo Yeso atökemuka ketena nko Tororöt ompö kighanat ompö Kristo amelö, ompöwölo kakighacha tïkwïn cho mököy kirurut. Ompöwölo möminye chi nyo tenöy nko Tororöt ato igh tïkwïn cho mököy kirurut.

KALATIA 3:21

Poru so nyoni lö, poryegho kirurut kiyomisut pö Tororöt? Ewo! Ompöwölo, ntökikitö pich kirurut cho muköy kïkonu söpon, kötökimukecha nyu löwïr ketene ompö tawu Tororöt ompö kirurutyononi.

KALATIA 3:24

Kïpaytecha nyu kirurut tökïtenö kwitï Kristo atömanyïl keyitwech man ompö tawu Tororöt ompö kighanat.

EPESO 3:12

Otini kikilinyecha kegh nko Kristo kemantech kegh nyinte, akesïköcha nyakanat kelïtö wölo mi Tororöt, ompöwölo kighönecha nyinte.

KOLOSAY 1:27

Mököy Tororöt kïngongchini pikachi lö wow akï oror kïtya kinyiwutyö nyo nyorchini pipö punton wïnyatenyi nyo lentöy, mi Kristo orinkwa, akupöru nyoni lö oporekwa asïyech ororyo Tororöt.

1 TIMOTEO 1:1

Kakirwan ante Paulö kiyoktoghinto* Kristo* Yeso kïle wölini kimakta Tororöt Ghetintenyo nko Kristo Yeso nyo le kikönötenyo.

EPRANIA 10:1

Ompöwölo ki rurwö kwïle kirurut cho pö tïkwïn cho karamach cho melö körkeyïn lasiny nyo pö ngale chunö le chane. Memukönye nyu amörostinechoni kïroptoy osis löwïr ompö könyi anka tïkwïl ntökwigh pich cho soghöy kïtïlilöchitu.

EPRANIA 11:40

ompöwölo kimököy Tororöt chane kïköngisyö tökumor kïnye ropöw cho karamach cho kikiyomiswecha.

EPRANIA 11:6

Akwoto puryö kighanat kïmemukonye kegh Tororöt kïngarak. Ompöwölo mïchini chi nyo wechini Tororöt, kughan lö mi Tororöt akutöni ropöw chane cho yöröy nyinte.

EPRANIA 3:6

Wölo ghanate Kristo Wero Tororöt nyo kikitö kughyongchï ato paponyi Tororöt. Kïchicha konyi ato kïripöcha lasiny nyakanatenyo nko kikönötenyo ntökwit söröm.

EPRANIA 4:16

Kerikyinö nyu ngacharu Tororöt nyo pö ororyö ompö nyakanat, atökenyorunö pöropchö. Kïsïkonecha nyinte kisyonöt nko pöropchö nyo ngörokecha ompö asispa machat.

EPRANIA 6:18

Mi nyu tïkuchoni le odeny: kiyomisöt nko muma, memuköcha tïkuchoni ntökïwöghökisyö, amemukönye Tororöt kïmwoghöy putintön, nyo ighecha chï kiketach kiyomisötononi kekile kegh lasiny otini kïmitecha kerïpöy kikönöt nyo kiketö tawuncha.

EPRANIA 7:11

Ki ompö ara tïsöto pipö Lawi nyo kikitönö kirurut pipö Israel. Ntökipuryö nyu lelut ighisyononi pö pipö Lawi, kitömökïminye nyu machata ngat nyo kitökuchumuno tïsinte anka nyo sis, tïsin nyo kirïp tötut pö Melkisedek amelö chanya pö Aron.

EPRANIA 7:20

Katasa Tororöt muma otï le ye kiyomisötenyi nyo kimewolwolchïnye pich cho kipö tagh.

EPRANIA 7:25

Kïlenyona, muköy nyinte kïsöru pich kokay cho petöy wölo mi Tororöt kuweröy nyinte ompöwölo söpöy nyinte kokay akïsoghchini chane.

EPRANIA 8:6

Wölo kakitö ye nyu Yeso kïlïkwï tïsin nyo pö tïlat, kïlenyona kulinyö pich nko Tororöt ompö muma nyo karam tya nyo kikïteka towunöto teksyo kiyomisöto man.

EPRANIA 9:9

Körkeyïn pö osiswechï le chicho emanoni. Poru lö memuköcha ropöwo amörostino kyak cho kïroptoy ntökwigh mïkulöwu chichoni soghöy kuten.

YAKOPO 4:8

Arika wölo mi Tororöt atökïrikakwa nyinte. Owunö ewunekwo akwa mwokïyischï! Amwata mïkuliskökwo, akwa lïsichï!