EPRANIA 6:2 - PIPÏLIA

² cho pö kinetut pö kipatisanat nko cho pö kikanaghata morïn, nyo pö kitutunöto pich cho kimeghö nko nyo pö kirwok nyo pö kokay.

EPRANIA 6:2 ပူးပေါင်းရင်းမြစ်များ

OMTOGHIN 12:14

Ompöwölo ipu Tororöt kirwok ighisyö anka tïkwïl nyo wïnyate, ato kö karam anta kö gha.

ISAYA 26:19

Söpsot ngat piköcha cho kikuwonyö! Tutuno porwoyikwa ngwen, akïtökïngetuno chane pïrïmpotikwa, atökïpka kïtum ompö ngörekyö. Töni ECHOTYON kimïny pich cho kimeghö könyisyok kïle wölo töntoy röyöntö ngwïny wïsöt.

DANIEL 12:2

Akututu pich atoni cho kiruyö, petöy walaka söpon nyo pö kokay, kïnyorï walaka arasï nyo pö kokay.

MATAYO 28:19

Ape agha pipö punton löwïr kïlïkwï kinetankachan apatisan chane ompö kaynata Papo nko Weri nko Mïkulögh nyo Tïlil,

MATAYO 3:14

Wölo kimököy Yoana kïtöghöy lö, “Kö nyi nyo kepötisönanïn, irïpönyi nyu ingwïn wölo omitan lö ne?”

MARKO 16:16

Chichona ghönöy akepatisan kesöru akï nyo meghönönye kerwokyini.

MARKO 7:4

Akwato pkana chane donyö, kïmomisïyicha kïtomö kuwun kegh akimito ngala walaka cho kitach akïrïp cho lata, kewun mpalawis tören nko otupeni cho kikïgha taghoy.)

MARKO 7:8

“Kopïstekwa Kirurut pö Tororöt anama kegh asïltino pich.”

LUKA 11:38

Kikany kïsïwa Parisayontonay lö, kyomisyö nyinte kïtomö kuwun mörïn kïrïp kegh nko asïltino pipö Yaudi, kwotyö.

LUKA 12:50

Wölo tökisis onyorwan kipatisanat anka nyo sis akïmötïngnye mïkulöwunyan kimïny ntökïtenö kïpïntö.

LUKA 14:14

Ato ighanyi lenyoni, isïkenyi kisoyönöt, ompöwölo memuköcha chane ntökïghokunyi tïkuchoni kepaghenyi chane. Ghokunyi Tororöt otini ketutunö pipö man ngwen.”

LUKA 3:16

Kïlenchï Yoana chane löwïr, “Opötisönekwa ompö pögh, wölo pïnï lötunyan chi nyo wow kïtïlanïn nyo mömïchinanïnye ompö atyak kweghkachi. Pötisönekwa nyinte ompö Mïkulögh nyo Tïlil nko ma.

YOANA 1:33

Kimonkïtönye nyinte, wölo kökimwowanïn nyinte nyini kiyonwanïn apatisana pich pögh lö, ‘Isïwiyenyi chi nyo rökyini Mïkulögh akïtöpö parakunyi, chichoni nyo pötisöno pich Mïkulögh nyo Tïlil.’

YOANA 5:29

akïngetunö chane lapay pïrïmpotikwa, ngetu pich cho kigh nyo karam akïsöpchö, kïngetï chane cho kigh nyo gha atökerwokyï.

IGHISYEWUT 10:47

“Kakïnyorï pïchï ye nyu Mïkulögh nyo Tïlil, kïle wölanye kikïnyoruntecha. Mi chi nyo tögho chane kepatisana pöghï?”

IGHISYEWUT 13:3

Kïkany kuwany kïkïruröy akïsoghöy, kukanagh ewunekwa parakungwa akuyoktö kïpa.

IGHISYEWUT 16:15

Nyini kikipatisan nyinte nko konyi piko löwïr. Kïsomecha lö, “Ato kasïwekwa nyoman lö kaghanan Echotyon, apkan otïpï konyan.” Kïtïkïchecha kepe.

IGHISYEWUT 16:33

Ompö atoni chane panini kwoghonini kïpa kot anka akïmwat moyokökwa, kïnyini lawel kepatisan nyinte nko piko katanyi kïmïkul.

IGHISYEWUT 17:18

Nyinte nko koneti walaka cho ngöghomöch cho kikïkuro Epikurio nko Stoyiko. Kïlo walaka, “Möchöy nyu nyï sölwe lö oporu kegh kïmwowu ne nya?” Kïlo walaka, “Nkïlenye atomököy kïngölono tororötin cho le to.” Kimwa lenyoni ompöwölo kyomchini Paulö ngala Yeso nko kitutunöt.

IGHISYEWUT 2:38

Kïlenchï Petro chane, “Okötenö ngokikwo, atökepatisana löwïr ompö kaynata Yeso Kristo, atökelöstowok ngokikwo. Asïkökwa konunöto, Mïkulögh nyo Tïlil.

IGHISYEWUT 2:41

Kïlenyona, kepatisan chane cho kicham ngölyontenyi pich cho ngata 3,000, kïtösisyö pich asisoni.

IGHISYEWUT 23:6

Nyini kinkïtï Paulö lö, Sadukaytin* walaka kï Parisaytin* walaka ompö pïchoni, kïngölonchï Kokwö ompö kut nyo wow lö, “Tupchenichu. Ochan Parisayon, nyo le wero Parisaytin. Kakirwokwanïn ompö yi ompöwölo okönan lö, tutu asïyech pich cho kikïmeghö.”

IGHISYEWUT 24:15

Atïngetan kighanatanini le akonga tïng chane ompö Tororöt lentöy, tutu pich tïkwïl, cho karamach nko cho ghach.

IGHISYEWUT 24:21

Kïpoto kïgh akonga, nyo kyamwaghan tawungwa oghyönge lö, ‘Korwokwanïkwa ompö tawunkwa asete ompö ngala kitutunöto pich cho kimeghö.’ ”

IGHISYEWUT 24:25

Wölo otini kimi Paulö kuletöy tagh kïngölono ngala rangata kegh nko kingwïnata asispa Echotyon ato itu kurwokini pöghisyewut pö pich, kuwöghisyö Peliki kïlö, wïyö nyi nyu. Okurinyi ngat ato osïkön pöroyin.

IGHISYEWUT 26:8

Ompö ne tökwoghïghchokwa aghana lö muköy Tororöt kwigh pich cho kimeghö kututu?

IGHISYEWUT 4:2

kisïnyorïsyö ompöwölo kinetöy akwomchini pich kinetanchay lö, kitutï Yeso kututunö ngwen, kïgh nyo poru lö tutu pich kïsöpchöt ngat.

IGHISYEWUT 6:6

Kumït pichoni tawu kiyoktoghï, kïsagh akukanagh ewun parakungwa.

RUMI 2:16

Kïlenyona nyu, kïrïp kegh nko Lökoy cho Karamach omtonan lenye nyoni wölo lïku Asisoni rwokyini Tororöt, ompö Yeso Kristo,* pich ompö otöptinekwa cho wïngote.

1 KORINTO 10:2

Kikipatisan chane kïmïkul kïlïkwï rïpanpa Musa ompö poltononi nko nanamoni.

1 KORINTO 12:13

Ompöwölo ato kakïchicha pipö Yaudi anta pipö punton anta sekey anta cho tyokote, kïkakepatisanecha löwïr ompö Mïkulöwunoni le akonga, kelïkwï por akonga, akakekonecha löwïr keghegha Mïkulöwunoni le akonga.

2 KORINTO 5:10

Ompöwölo kighyongocha löwïr tawu ngacharu Kristo* nyo pö kirwok nyo mötïny atökurwokwecha nyinte. Kirwokyini chi anka tïkwïl kïrïp kegh nko ighisyewutkachi cho kigh ato ki karamach anta ki ghach.

PILIPI 3:21

nyo wöghököy porwoyicha chï nyörkölöl akwigh kïkarkegh nko portanyi nyo pö ororyö, ompö owesyö nyo muköy kï pöyuno tïkwïn lapay.

KOLOSAY 2:12

Ompöwölo kikïtïpokwa nko Kristo otini kikipatisanakwa! Akwompö kipatisanatanoni, kyotutukwa nko Kristo ompöwölo kyaghanakwa owesyo Tororöt nyo kigh nyinte kututunö ngwen.

2 TIMOTEO 2:18

Kipïstö chane ara man, akïpechï kïwaghach kighanata pich cho te otini netöy lö, kikwigha kitutunötencha.

EPRANIA 11:35

Kikiyokyï kor cho kitïng kighanat poyikwa kïngetunö ngwen kïsötote. Kitagh walaka ketyak kechop kong ntökïmeghö atökumï kïnyorï söpon nyo karam tya otinö ketutunö chane ngwen.

EPRANIA 9:10

Pörtoy ngalechoni löwïr kirurut pö omisyewut cho lata gheghsyö nko otöptino tïlilyö. Pö ngalechoni löwïr sany akitökïtïng kinyïwut ntökïtenö kwitï ato ighöy Tororöt tötutkö walaka cho relach.

2 PETRO 3:7

Wölo kïmi keripöy yïmöy nko ngwïny cho pö osiswechete ompö ngölyonto Tororöt atökewura chane ma. Kïrïpöy lenyoni ntökïtenö kwitï Asis ato kirwokyini akewur pich cho melö wöghöy Tororöt.