EPRANIA 5:9 - PIPÏLIA

⁹ Otini kikigh nyinte kuten, kegh nyinte kïlïkwï towunöto sörunöt nyo pö kokay ompö pich lapay cho terchini nyinte.

EPRANIA 5:9 ပူးပေါင်းရင်းမြစ်များ

TUMWÖY 45:17

Oghan kaynatengu kenonöy ompö pïnwöy löwïr, sölinyi nyu puntonï kokay nko kokay. Ompö kintöghoghinto tum pö werpö Kora. Kïrïp kegh nko tum pö tipïn. Tum.

TUMWÖY 51:6

Imökenyi man ompö söpontönyan, nyïghita ngöghomnyengu sïkunötenyan.

TUMWÖY 51:8

Nya olïmchan kegh ngörekyö nko turönöt, kïrkegh kökeraprapaninyi.

ISAYA 45:22

“Omïlonchenö wölo omitan, akwa pipö ngwïny kïmïkul atökesörwok! Ompöwölo ochan Tororöt amöminye anka.

ISAYA 49:6

Kimwowanïn ECHOTYON lö, “Möghömönye pat lïkunanyi mötworintenyan, nyo isyolöy pipö Israel chi kingötï, wölo oghinyi tïkwïl lïkune löpoyïn pö pipö punton atökesörï nyu ngwïny kïmïkul.”

ISAYA 50:10

Ngo ompö akwa nyo konyïtöy ECHOTYON nya? Akï ngo nyo rïpöy ngaleko mötworintenyi? Kïrkegh kötuw lö ne or nyo orïpekwa wölo aghanakwa ECHOTYON, otighenö kegh Tororötïngwo.

ISAYA 55:3

“Atera nyu pikachu, apkonchanïn. Apkana wölo omitan atonyorunö söpon! Ononan mumenyan nko akwa kokay, akonokwa chomnyogh nyo kyoyomisön Daudi.

DANIEL 9:24

“Kakïmutyï piköku nko kanasyan nyo tïlil könyis 70 kïnyïl mut nko odeny atökïpïstö ngokï nko ghöyïn atökemista ngokï akegh man nyo pö kokay atökïpïntö ngala sïwïyagh nko werkoynön aketïlil Kö pö Tororöt* nyo tïlil.

SAKARIA 6:15

Pkono pich koros cho lowöch cho pkonöy kungöroköy ompö teksyo Kö pö Tororöt. Atoteka kumuchö, onkïtukwa lö nyinte ECHOTYON Kimuktoghin nyo kiyokwanïn ompö akwa. Ighisyot choni löwïr ato arïpakwa lasiny lenyini mwowokwa ECHOTYON Tororötïnkwa.

MATAYO 17:5

Otini kitökïngölonöy, kulum polta chane nyo rel akungwïna kut poltonini nyo kilö, “Werïnyan Anyï nyo le chamanenyan nyo ochömonan kegh nyoman atera ngalechi.”

LUKA 13:32

Kuyokyï Yeso chane lö, “Ape omwochinö Erode, tïsintonona karkegh nko chepkonö lö, ‘Oyonan oy, asopan pich cho chiryote asisete nko asïyech, ato mi köyoghi awangan pöghisyenyu.’

YOANA 19:30

Kïkany kïgha Yeso dipayichoni kumuchö kïlö, “Kewonyö!” Atolapay kungïruk mötïnyi akutötö mïkulöwunyi.

IGHISYEWUT 3:15

Aparakwa kitorinto söpon, wölo kigh Tororöt nyinte kututï akechicha söwi.

IGHISYEWUT 4:12

Amöminye sörunötö nyo kïnyoruno chitö anka, ompöwölo, möminye kaynat anka ngwïny nyo kikitö pich tökïsörwecha.”

IGHISYEWUT 5:32

Akechicha söwiko ngalechete acha nko Mïkulögh nyo Tïlil, nyo kikonï Tororöt kutö pich cho ghönöy nyinte.”

RUMI 1:5

Kikonanïn Tororöt pöropchö ompö Werïnyi alïkwï kiyoktoghin atamukan ontöghoghchï pipö Punton löwïr kughan akïterchï nyinte ompö.

RUMI 10:16

Wölo melö chane lapay cho kirïp Lökoy cho Karamach, ompöwölo kimwa Isaya nyinte lö, “Echotyon ngo nyo kighan ngalecha nya?”

RUMI 15:18

Omwoghan ompö nyakanat kïgh anka tïkwïl, nyo kigh Kristo Yeso otini kipöghisyeghenanïn tökumï kïter Tororöt pipö punton. Kigh nyinte lenyoni ompö ngal nko ighisyewut

RUMI 2:8

Wölo nyoru sito Tororöt pich cho yongöy kegh opïn, cho melö konyïtöy man wölo chömöy kwighöy cho merokonye.

RUMI 6:17

Wölo sörö ompö Tororöt, ompöwölo kïrkegh kyochikwa sekeyi ngokï osiswechanya pö tagh, wölo ye, ompö kinetut cho kyonyorukwa, kyoterchikwa man lasiny ompö mïkulöwekwo.

2 KORINTO 10:5

Kiwurecha kimölöto kegh nko kïgh anka tïkwïl nyo nisönöy akupapech pich kïlowöchitunö kinkïtöto Tororöt. Kighecha kinonut anka tïkwïl kïlïkwï naman akechikyï kïterchï Kristo,

PILIPI 2:12

Kïlenyona nyu chamankachu, otïpinö otöpnanye pö terchin kyotïngetekwa kïnomnyö, ntökïmïr tya otete le ye ochan low ompö akwa. Opöghisyenö ompö kiwaghat nko mïghöt ompöwölo sörunötengwo,

2 TESALONIKE 1:8

atökuchop kong pich cho möchömöcha Tororöt nko cho mörïpöcha Lökoy cho Karamach cho pö Echotyontencha Yeso.

2 TESALONIKE 2:16

Kïsoghecha Echotyontenyo Yeso Kristo nko Paponyo Tororöt nyo kichamech akïkonecha saghsaghat nyo pö kokay nko kikönöt nyo karam ompö pöropchenyi,

2 TIMOTEO 2:10

Nka nyoni ye omitan omïkukönöy ompö ngwonïn anka tïkwïl ompö kinyiwutyo pipö Tororöt cho kikïlöwön, atökumï chane tïkwïl kïnyorï sörunöt ompö Kristo Yeso nyo ipu ororyö nyo pö kokay.

EPRANIA 1:14

Mömïkulisnye so chane cho kikïyonï kïpöghisyechï pich cho nyoru sörunöt asïyech?

EPRANIA 11:40

ompöwölo kimököy Tororöt chane kïköngisyö tökumor kïnye ropöw cho karamach cho kikiyomiswecha.

EPRANIA 11:8

Kigh kighanata Apraam kïterchï Tororöt otini kikur kïwö kor nyo kiyomisyï Tororöt lö, töni nyinte. Kïwuwö nyinte korenyi akimenkïtnye wölini kiwetöy kutöngöy.

EPRANIA 12:2

Ketanga wölo mi Yeso, nyinte nyo le kitorinte akï nyinte nyo puntoy kighanatenyo. Kimïkukönö nyinte kimurtöwon akwompö ngörekyö nyo kimi tawunyi. Wölo kimas arasï nyo pö kuwongunöto kimurtöwon, akï mi ye okumpö tagh nyo pö ngacharu paytaghpa Tororöt.

EPRANIA 2:10

Ki mïchinote, ompö Tororöt nyo ighöy akukomönöy tïkwïn löwïr, kwigh Yeso kuten ompö ara kiwongunöt, atökumïtï monïng cho chang akïchagh ororyenyi nko chane. Ompöwölo Yeso nyo ntöghoghchini chane kïnyorï sörunöt.

EPRANIA 2:3

Ekechïwïtyonecha nyu lö ne, ato mökïyangachanye sörunöt nyo wow nyo tenö nyï? Kinya Echotyon nyinte tagh kimwowï sörunötononi, kukïniniewecha pich cho kilïm ngalechoni lö, pö man.

EPRANIA 9:12

Otini kilït Kristo emanoni kïwö Wölo Tïlil Tya, akilït kïnyïl akonga kïpoto, kïmelö kip kisön pö ngaror nko cho pö mogh atökïropta amöros, wölo kip kisönkachi kegh cho kyala sörunötenyo nyo pö kokay.

EPRANIA 9:15

Ompö atoni nyu Kristo nyo le kilinyoghinto muma nyo rel atökumï pich cho kikur Tororöt kïsïch kisoyönöt nyo pö kokay. Nyoru chane kisoyönötononi ompöwölo kima Kristo atökïsörunö pich ngokikwa cho kigh otini kitökïmi chane ngwïnyi mumanay pö köny.

EPRANIA 9:28

Kïlenye nyoni tïkwïl, kikonï kegh Kristo kïlïkwï körösyon kïnyïl akonga tökupuktö ngoki pich cho chang. Chumu nyinte nyu panto odeny amelö ngwïnöy tökunoghyechï ngokï, wölo tökïsoru pich cho köngöy nyinte.

1 PETRO 1:22

Kökitïlil mïkuliskökwa ye otï karïpakwa ngala man, achomnyekwa akwane ompö chomnyot nyo puryö. Okilö nyu kegh aparta chomnyononi ompö mïkuliskökwo kïmïkul.

1 YOANA 5:20

Kinkïtöcha lö kikungwïn Wero Tororöt akïkonecha pköchin kenkïtunö Tororöt pö man. Kïmicha orito Tororöt pö man, akemi tïkwïl orito Werïnyi Yeso Kristo. Nyete nyu kï Tororöt pö man, akï nyete nyo le söpon pö kokay.

YUDA 1:21

akany kïkamanakwa chomnyo Tororöt otini omitö oköngöy Echotyontenyo Yeso Kristo, kïkonokwa söpon pö kokay ompö kisyonötenyi.