EPRANIA 5:12 - PIPÏLIA

¹² Kötö kalïkukwa otï le ye pich cho le konetï, wölo tomitenökwa oyöre chi nyo netokwa kinetutchay pö tagh pö ngölyonto Tororöt. Nyo kötö omekwa omisyewut cho oghïghe, kïtökïmïchinokwa olïwe chö.

EPRANIA 5:12 ပူးပေါင်းရင်းမြစ်များ

2 SAMWEL 16:23

Kirïp Daudi nko Apsolom ngölyon nyo kimwowï Aitopel osiswechoni kïkarkegh nko nyo kimwowï Tororöt.

ESRA 7:10

Kinet kegh Esra kirurut pö ECHOTYON akwigh akïrïp akunet pipö Israel kirurut löwïr cho pö Tororöt.

TUMWÖY 34:11

Apkana monïngö ater ngalechan, atanetakwa wölo kïkonyïtïtoy ECHOTYON.

ISAYA 28:13

Nka nyoni ngwïnöy ECHOTYON kunetokwa keyokyini kegh kirurut akeyokyini kegh kinetut, kite ompö wöl, kï kite ompö wölnö. Kïlenyona, otini petöy chane, kupïtyotoy akïkörtoy kegh löt, atökwilyö akenama chane ngöghöp akerang kïlïkwï mampustin.

ISAYA 55:1

Mwoghöy ECHOTYON lö, “Nyonö chi anka tïkwïl nyo omin maral, achï pöghe ghegha! Nyonö nyo chopöy ropïyen, nyonö ala aiyomisyö! Nyonö ala dipay* nko chö! Melö mito kïgh nyo itötonyi akï puryö olyot!

MATAYO 17:17

Kuyokyï Yeso chane lö, “Ne pïnta nyï mötïng kighanat akïchumpönote nya! Otöponan nko akwa nko oyï? Omïkukönan nko akwa nko oyï? Amïtuna montö yi omitan!”

MARKO 9:19

Kuyokyï Yeso chane kïlenchï, “Ne pïnta nyï puryö kighanat, otöponan nko akwa nko oyï? Omïkukönan nko akwa nko oyï? Amïtuna nyinte.”

IGHISYEWUT 7:38

Ki nyinte nyoni kimi nko pipö Israel ompö sïrkwen. Kimito nko kukötinecho nko malaykayan nyo kingölonchï nyinte ompö kutïng pö Sinay. Kïtacha wöloni ngölyonto Tororöt nyo satate akïkonecha.

RUMI 3:2

Tïngeto nyu so lasiny ompö or anka tïkwïl! Nyo pö tagh kï ompöwölo kitö Tororöt pipö Yaudi ngölyontenyi.

1 KORINTO 14:19

Wölo ochöman tya ongölonöy ngal mut cho lïmöy pich ato kïtuyegho kanisa atamuk anet pikö walaka, kïtïl kengalan ngal cho mökïrar ompö kutïw cho mökïlïmöy.

1 KORINTO 14:20

Makarkegh, werköcho nko tengon ompö kinonutkökwo, wölo alïkuna le tengon ompö ngal cho ghach, alïkwï pich cho echön ompö kinonutkökwo.

KALATIA 4:3

Kïlenyoni tïkwïl, otini kitökechicha monïng kikïchicha sekeyo oy cho pöytoy wölnö le mïröt.

PILIPI 3:1

Nyo pö lötï nyu werköcho, ongörekyenö ompöwölo kotuyekwa nko Echotyon. Melö oghöchan amwagh ngat ngalechanye kyakiran ato le tagh, ompöwölo konokwa tösunöt ngalechoni.

KOLOSAY 3:16

Akanya kïtöpö orinkwa ngölyonto Kristo kïmïchï. Aneta kegh, arur kegh ompö ngöghomnyö anka tïkwïl. Otumö sölut nko tumwöyi mïkulögh cho kïtumchini Tororöt, ayokyï nyinte sörö.

EPRANIA 10:32

Anane otöptönkwa nyo kipö tagh. Kyowongunekwa tïkwïn cho chang osiswechoni kïtenö osïkökwa löpoyïn pö Tororöt, amöminye kïgh nyo kipölokwa.

EPRANIA 5:11

Chang ngala cho kimukecha kemwoghe ompö chichoni, wölo aghïgh kenetokwa, ompöwölo möpköchinokwanye ngala lawel.

EPRANIA 5:13

Ompöwölo chi anka tïkwïl nyo lïwöy chö kïpoto, kïkarkegh nko monïng nyo menkïtnye kïgh nyo karam nko nyo gha.

EPRANIA 6:1

Keleta nyu tagh kerïpa kinetut cho kirïr, akepïsï löt kinetut cho pö tagh cho pö kighanatenyo ompö Kristo.* Mömïchinechanye keyokyinö kegh ngat kitoröto ighisyewut pö kighanat ompö Tororöt nko nyo pö kötogh otini töketïngetenöcha ighisyewutköcho cho kipö tagh cho mötïngcha söpon,

1 PETRO 2:2

Kïle mnyarkiltin cho möro kong chö, mïchinokwa tïkwïl amarena kong chepö mïkulögh, atoyetunö ompö owesyenyi tonyorunö sörunöt.

1 PETRO 4:11

Ato kikïkurïn lïkuna ngölonin, ingalan kïrïp kegh nko ngölyonto Tororöt, kïkany nyo pöghisyechini pikö walaka, kïmïchini kwigh lenyoni ompö owesyö nyo töni Tororöt nyinte. Ato aghakwa lenyoni, kïnyoru Tororöt salat ompö ara Yeso Kristo nyo nyenyi ororyö nko owesyö kokay nko kokay. Amen.