EPRANIA 5:1 - PIPÏLIA

¹ Kikikïlöy tïsin anka tïkwïl nyo wow kekïlo kwenu pich atökungarak chane kïpöghisyechï Tororöt kutötö ropöw nko amöröstin ompö ngokï.

EPRANIA 5:1 ပူးပေါင်းရင်းမြစ်များ

LAWIN 8:2

“Kurö Aron nko werkachi aicheng sïrokökwa nko mwagh nyo kiyiltoy aikötï egh nyo le ropöwonto ngokï nko mökol odeny nko köröp nyo mi makatina cho puryö mumar

LAWIN 9:7

Kïlenchï Musa Aron, “Nyonö ato kïpelo amöros ateroptena ropöwonto ngokiku nko amöros nyo kïpelöy, atelinyenö nko ECHOTYON nyinte nko piköku, lenyini kimwa ECHOTYON.”

RUMI 15:17

Kïlenyona nyu, le otini kolinyan nko Kristo Yeso, omukan okwolone kegh ompö tïkwïn cho kyoghchan Tororöt.

1 KORINTO 15:3

Ompöwölo kyokonokwa ngal cho pö kinyiwut cho kyonyorwan ante otini le tagh lö, kima Kristo ompö ngokicho kïrïp kegh nko Kikirut,

EPRANIA 10:11

Akiwetöy tïsinto pipö Yaudi anka tïkwïl kïsoghöy asis anka tïkwïl akutötoy amörostinechaye kïnyïl cho chang, amörostin cho memuköcha kïmis ngokï.

EPRANIA 10:12

Wölo kikonï Kristo amöros akonga nyo pö ngokï amöros nyo mïchini kokay atolapay kïwö kïtöpunö okumpö tagh nyo pö Tororöt.

EPRANIA 11:4

Kigh kighanat Apel kutö Tororöt amöros nyo karam kïtïl nyo pö Kain. Kuyit Tororöt nyinte lö, pö man akwompö kighanatenyi, kïsöwintönchï Tororöt kïcham ropöwechi. Kima Apel wölo mi kïngölonöy akwompö kighanatenyi.

EPRANIA 2:17

Kïlenyona, kimïchï egh nyinte kïkarkeyit nko tupchenichi ompö ngal lapay atökumï kïlïkwï tïsintengwa nyo Wow nyo kighönöy, nyo tïng kisyonöt otini pöghisyechini nyinte Tororöt, atökelöstoghchï pich ngokikwa.

EPRANIA 7:27

Sis nyinte nko tïsï walaka cho echön, mötïngnye machat nyo tötoy amörostin osis löwïr cho pö ngokichi kegh atolapay kutötö cho pö ngoki pikö walaka. Kigh lenyoni kïnyïl akonga nyo mïchini könyis löwïr otini kikonï kegh nyinte.

EPRANIA 8:3

Kïkïlöy Tïsin anka tïkwïl nyo Wow atökutö Tororöt ropöw nko kyak cho kïpelchini nyinte kïlïkwï amörostin. Kïlenyoni tïkwïl ompö Tïsintencha nyo Wow, mïchini nyu kïtïng nyinte kïgh nyo roptoy.

EPRANIA 8:4

Ntökipö nyinte ngwïnyinete, melö kitölïku nyinte tïsin nyonikïny, ompöwölo mi tïsï wölete cho roptoy tïkwïn kïrïp kegh nko kirurut pö pipö Yaudi.

EPRANIA 9:9

Körkeyïn pö osiswechï le chicho emanoni. Poru lö memuköcha ropöwo amörostino kyak cho kïroptoy ntökwigh mïkulöwu chichoni soghöy kuten.