EPRANIA 4:11 - PIPÏLIA

¹¹ Kekilö nyu kegh kelïtö kimungötononi atömötöp ntökïchïnta chi nyonikïny ompö akwa nyo pïstoy kimungötononi le wölo kitagh pïchoni ompöwölo kimötïngcha kighanat.

EPRANIA 4:11 ပူးပေါင်းရင်းမြစ်များ

MATAYO 11:12

Kïngeta osiswo Yoana Kipatisanin nko ye, wow ryöpötö nyo könyorï pöyunöto yïm, wölo pich cho köromöch cho chengo kat.

MATAYO 7:13

“Olïtö kukat nyo marich ompöwölo pöro kukat akï tapes or nyo itöy ngwen akï chang pich cho petöy aranoni.

LUKA 13:24

“Okil kegh lasiny atamuka olïtö kukat nyo marich, ompöwölo omwowokwa lö, chang pich cho möröy lö, tökïlït pöyunöto Tororöt, wölo memuköcha.

LUKA 16:16

“Kintöghoghwokwa Kirurut pö Musa nko kikirut pö werkoy ntökïtenö osiswo Yoana Kipatisanin. Kïngeta atoni Lökoy cho Karamach cho pö pöyunöto Tororöt, pöyunöt nyo mi chi anka tïkwïl kïporyot kïlït ompö owesyö.

YOANA 6:27

Mosïngo omisyö nyo wonyot, wölo asïngena omisyö nyo ghyongtoy ntökwitïta söpon pö kokay. Konokwa omisyononi Wero Chi nyo kakukïniniö Paponyi Tororöt akutö nyinte macheyunyi nyo pö chamat.”

IGHISYEWUT 26:19

“Kïlenyona, pöytoghin Akripa, kimalïkwanye tighin ompö sïwïyaghnoni pö yïm.

EPESO 2:2

cho kyaghakwa atakinya kyorïpekwa otöp pö ngwïnyinï nyo gha, aterchini pöytoghinto oy nyo mi wölnö le mïröt, mïkulögh nyo le sïmnyon, nyo pöyu pich cho töghöy Tororöt.

EPESO 5:6

Makany kïlïsenak chi ngal cho pö kwïle, ompöwölo nyoru pich cho le penyï nörekyo Tororöt ompö ngal cho lata choni. Kïlenyona

PILIPI 2:12

Kïlenyona nyu chamankachu, otïpinö otöpnanye pö terchin kyotïngetekwa kïnomnyö, ntökïmïr tya otete le ye ochan low ompö akwa. Opöghisyenö ompö kiwaghat nko mïghöt ompöwölo sörunötengwo,

KOLOSAY 3:6

Chumchini pich cho le penyï sïngiryo Tororöt.

TITO 1:16

Lenchini kegh chane kinkït Tororöt, wölo ompö ighisyewutkökwa kï kikïtagh nyinte. Pich cho nyïghïtat kireyata, akï tighï nyo melö mïchini pöghisyö anka tïkwïl nyo karam.

TITO 3:3

Ompöwölo kikïchicha köny sölwöy, pich cho le tïghï, cho kimasta. Kikïchicha sekeyiko möchutköcho cho pö pïrchin. Kikïtïpicha ompö ghöyityö nko nyonyintön, kireyecha pikö walaka, akereyacha chane tïkwïl.

EPRANIA 3:12

Orip kegh tupchenichu, tömötöp ntökïrumunö chi kwenunkwa nyo tïng mïkulögh nyo gha nyo puryö kighanat nyo ighöy nyinte ntökïpïstö Tororöt nyo söpöy.

EPRANIA 3:18

Ngo chï kyomchï Tororöt muma nya lö, mölïtöcha kimïnytanyi, möpïchonicha kipeny ngala Tororöt?

EPRANIA 4:6

Ompö atoni kïtökïni pöroyïn kïlït pikö walaka. Pïchinö kinya kïlïm Lökoy cho Karamach kyomtoy kï kimachamcha kïlït ompö tighintön.

EPRANIA 6:11

Wölo kïtïngetecha machat akonga lö tenoghyö chi anka tïkwïl ompö akwa ntökwit sörömuto söpontanyi, ntökwitïta ngalechoni omitekwa okönöy.

YOSWÖ 7:3

Otini kimïlisyö pïchay wölo mito Yoswö kïlenchï, “Mekany kïpa pich löwïr kïpusta kupokyï Ai, kanya kïpa cho ngata nyïngwïn odeny anta sömök. Mepara pich or kwïle ompöwölo ngörï pïchini nyoman.”

2 PETRO 2:6

Kirwokyï Tororöt kanastina Sodoma nko Komora akïpela chane ma akwigh kanastinechoni kïlïkwï körkeyïn nyo igho ompö pich cho mewöghöy Tororöt.