EPRANIA 3:6 - PIPÏLIA

⁶ Wölo ghanate Kristo Wero Tororöt nyo kikitö kughyongchï ato paponyi Tororöt. Kïchicha konyi ato kïripöcha lasiny nyakanatenyo nko kikönötenyo ntökwit söröm.

EPRANIA 3:6 ပူးပေါင်းရင်းမြစ်များ

TUMWÖY 2:12

oturonchenö ap kegh ngwïny, atömanarek nyinte atömowonyeghö arawet. Ompöwölo ngwan lö kat nörekyenyi. Soyönote cho ghïpchegho wölo mi nyinte. Tum pö Daudi nyo kitum otini kipertegha werïnyi Apsolom.

ESEKEL 46:10

Otini lïtöy chane ori kïlïtöy tïkwïl pöytoghintö nko chane, ato lïtöy sany kïlïtöy tïkwïl sany.

MATAYO 10:22

Nguyokwa pich tïkwïl akwompö ani. Wölo anka tïkwïl nyo ghyongtoy ntökwit söröm, kesöru.

MATAYO 16:18

Kïlenyona ye nyu, omwowunyi Petro lö, ichinyi ghat atekan paraku ghatyanï kanisenyan nyo memukönye ompö meghat kïrïntoy.

MATAYO 24:13

Wölo ato mïkukön chi ntökwït söröm, kesöru.

RUMI 11:22

Arose nyu köromnyo Tororöt nko ngwonïntanyi. Ngwan ompö pich cho kikupïtyö, wölo karam ompö akwa ato oletekwa tagh otïpisot ompö köromnyenyi, wölo ato mölenye nyoni, ketörtonokwa tïkwïl.

RUMI 12:12

Akanya kïkonok kikönötengwo ngörekyö kïnomnyö, amïkukön ompö nyörilwok, akil kegh kïnomnyö ompö saghat.

RUMI 15:13

Nya kunyïghitakwa Tororöt nyo töni pich kikönöt, ngörekyö nko kalya, kïrïp kegh nko kighanatenkwa, atökïtasa kikönötenkwa ompö owesyo Mïkulögh nyo Tïlil.

RUMI 5:2

Keghecha Kristo kenkïtunö lö nen pöropcho Tororöt ompöwölo kighönecha nyinte. Nka nyete nyu kïngörokyinecha kikönötencha nyo kïghömöy nyo pö ororyo Tororöt.

1 KORINTO 3:16

Monkïtökwanye so lö ochikwa Kö pö Tororöt* akïmöngöy Mïkulöwu Tororöt orinkwa?

1 KORINTO 6:19

Monkïtökwanye so lö porwöyikwa kï kö pö Mïkulögh nyo Tïlil nyo mitonekwa, akï Tororöt nyo kikonokwa? Melö opoyekwa nyu kegh.

2 KORINTO 6:16

Tïngeto tïlyantan ne Kö pö Tororöt* nko körkeyïntino putintön? Ompöwölo kïchicha Kö pö Tororöt nyo satate. Kïle wölo mwoytoy nyinte Tororöt lö, “Oghan möngenyu orito pikachu, atöponan nko chane. Olïkunan Tororötïngwa, kïlïkwï chane piköchan.”

KALATIA 6:10

Kïlenyona nyu, mïchinecha keghchine chi anka tïkwïl nyo karam otete töketïngetenö pöroyïn tökïmïr tya werköcho cho ghönote.

KALATIA 6:9

Kïlenyona, mökyoghochö otini kighöy ighisyewut cho karamach, ompöwölo ato mökyoghochechanye, kwitu nyu ato kilecha.

EPESO 3:12

Otini kikilinyecha kegh nko Kristo kemantech kegh nyinte, akesïköcha nyakanat kelïtö wölo mi Tororöt, ompöwölo kighönecha nyinte.

KOLOSAY 1:23

Mïchinokwa nyu aleta tagh ompö kighanat nyo chïchïmate nyo melö wöghöko, kïpïstö kikönöt nyo kipkokwa Lökoyechay Karamach kyalïmakwa, aki cho kikyomchï pipö ngwïny löwïr. Ani Paulö nyo kikïlan Tororöt alïkwï mötworintenyi nyo omtoy Lökoyechoni Karamach.

1 TESALONIKE 5:16

Ongörekyenö kïtenö osis,

2 TESALONIKE 2:16

Kïsoghecha Echotyontenyo Yeso Kristo nko Paponyo Tororöt nyo kichamech akïkonecha saghsaghat nyo pö kokay nko kikönöt nyo karam ompö pöropchenyi,

1 TIMOTEO 3:15

nyo ato mangwïnanye lawel, kïtenö kïnye kyonkïtukwa wölo mïchini kïtöptö chi anka tïkwïl ompö kwenu pipö Tororöt, nyo le kanisa Tororöt nyo satate akï pchörï nyo tighöy man.

EPRANIA 1:2

wölo ompö osiswechï pö söröm kïngölonöy nko acha kuwerï Werïnyi nyo kigh ngwïny ompö nyinte akwigh nyinte kïlïkwï mïlinto tïkwïn löwïr.

EPRANIA 10:19

Kïlenyona nyu tupchenichu, kakekonecha kimukat nyo kïlïto Wölo Tïlil Tya* ompö kisön pö Yeso.

EPRANIA 10:21

Nyo kïtïngetecha ye nyu tïsin nyo rumunote nyo pöyu Kö pö Tororöt.

EPRANIA 10:23

Kenama nyu lasiny mwaghateto kikönötenyo nyo kakeghan ompöwölo ghanate Tororöt nyini kiyomisï.

EPRANIA 10:35

Mopïstö nyakanatengwo ompöwölo tïng ropöwon nyo wow.

EPRANIA 11:1

Kighanat, kï kenkïtï lö pö man tïkwïn cho kïmi keköngöy, akekïniniö tïkwïn cho melö kïsïwïyi.

EPRANIA 3:14

Ompöwölo kichicha ghömote nko Kristo ato kïnamacha lasiny kikönötenyo nyo kikïtïngetö otini le tagh ntökwit söröm.

EPRANIA 4:11

Kekilö nyu kegh kelïtö kimungötononi atömötöp ntökïchïnta chi nyonikïny ompö akwa nyo pïstoy kimungötononi le wölo kitagh pïchoni ompöwölo kimötïngcha kighanat.

EPRANIA 4:14

Mïchinecha nyu kenama lasiny kighanatenyo. Ompöwölo kïtïngetecha Tïsin nyo Wow nyo kiwö ntökwit wölo mi Tororöt Yeso, Wero Tororöt.

EPRANIA 4:16

Kerikyinö nyu ngacharu Tororöt nyo pö ororyö ompö nyakanat, atökenyorunö pöropchö. Kïsïkonecha nyinte kisyonöt nko pöropchö nyo ngörokecha ompö asispa machat.

EPRANIA 6:11

Wölo kïtïngetecha machat akonga lö tenoghyö chi anka tïkwïl ompö akwa ntökwit sörömuto söpontanyi, ntökwitïta ngalechoni omitekwa okönöy.

EPRANIA 6:18

Mi nyu tïkuchoni le odeny: kiyomisöt nko muma, memuköcha tïkuchoni ntökïwöghökisyö, amemukönye Tororöt kïmwoghöy putintön, nyo ighecha chï kiketach kiyomisötononi kekile kegh lasiny otini kïmitecha kerïpöy kikönöt nyo kiketö tawuncha.

EPRANIA 7:19

Ompöwölo kimemïcha Kirurut pö Musa ntökwigh kïgh anka tïkwïl kuten. Wölo kakekonï ye nyu kikönöt nyo pïchigh tya nyo kimukonecha kelekïtitunö nko Tororöt.

1 PETRO 1:8

Ochömekwa nyinte, kïrkegh kötomönye asïwenakwa, aghönekwa kïrkegh mosïwïyekwanye nyinte nyete le ye. Kïlenyona ongöreksokwa ompö ngörekyö nyo pö töngönchin nyo möngölononye chi kutinyi,

1 PETRO 2:5

Opkonchinö nyinte le köghïn cho sötote, akonï kegh alïkwï koghi cho teko nyinte kö pö saghat, atopöghisyeghenö wöloni le tïsï cho tïlilöch cho tötoy köröstino mïkulögh cho chömöy Tororöt ompö ara Yeso Kristo.*

1 PETRO 4:17

Kikwitïta asispa kirwok akï pipö Tororöt cho kïnyoghöy kerwokyini. Kwato nya kutorenecha kirwokononi ekïlïku ne nyu köny ompö pich cho meghönöcha Lökoy cho Karamach cho pkono wölo mi Tororöt?

NGONGUT 2:18

“Kirchinö malaykayanta kanisa Tuatira lö, ‘Anyï ngölyon nyo ngwïno wölo mi Wero Tororöt nyo lata konyichi lyopöto ma akïlata kelyechi tay nyo kikïsit nyoman.

NGONGUT 2:25

wölo inan chi lasiny kïyoni otïngetö ntökïtenö atwan.

NGONGUT 2:26

Otöninan nyinte nyo rïntoy akïrïpöy ngalechoni ntökwit söröm, owesyö kipayta pipö punton.

NGONGUT 3:11

Otunan lawel, kamana lasiny kïyoni itïngetenyi tömösarenin chi konutyengu nyo pö rïntagh.