EPRANIA 3:14 - PIPÏLIA

¹⁴ Ompöwölo kichicha ghömote nko Kristo ato kïnamacha lasiny kikönötenyo nyo kikïtïngetö otini le tagh ntökwit söröm.

EPRANIA 3:14 ပူးပေါင်းရင်းမြစ်များ

RUMI 11:17

Wölo ato kïtörtö mori orolwo par walaka akenomchï mori orolwo wuw otinö kömi mori orolwo par. Alatekwanyu pipö punton mori orolwo wuw nyo kakinomchï orolwo par, atachagha kisoyönut pö mïkulögh nko pipö Yaudi.

RUMI 11:22

Arose nyu köromnyo Tororöt nko ngwonïntanyi. Ngwan ompö pich cho kikupïtyö, wölo karam ompö akwa ato oletekwa tagh otïpisot ompö köromnyenyi, wölo ato mölenye nyoni, ketörtonokwa tïkwïl.

1 KORINTO 1:30

Wölo kelinyokwa Tororöt nyinte nko Kristo Yeso nyo kigh Tororöt nyinte kïlïkwï ngöghomnyencha, kaketenacha ye ompö tawu Tororöt ompö nyinte. Kakelïkucha pipö Tororöt cho tïlilöch cho tyokote.

1 KORINTO 10:17

Kïlïkunecha por akonga ompöwölo akonga makatyantanoni, kïrkegh kakïchicha chang, ompöwölo kiporecha löwïr makatyantanoni le akonga.

1 KORINTO 9:23

Kaghan choni lapay ompö Lökoyechoni Karamach atonyorï kiparat nyo pö kisoyönutkachi.

EPESO 3:6

Nka nyoni kinyorï pipö punton tïkwïl karerantangwa nyo pö kisoyönöto Tororöt le pipö Yaudi kuwerï amtaghta Lökoy cho Karamach, ngichayay chane cho pö porini le akonga. Akï ghömtoy chane kiyomisötonini le akonga kigh Tororöt kuwerï Kristo Yeso.

KINONO KIRURUT 1:35

‘Möminye chi nyo le ompö akonga ompö kwenu pïnete gha nyo sïwïyi koronay karam kyomchan muma lö, otöni papotïnekwa,

1 TIMOTEO 6:2

Akwato mi sekey cho tïng yetïntinekwa cho kikughan Kristo,* kïmömïchininye kuparta konyït nyo mïnïng lö ompöwölo tupchö ompö Kristo. Nyo köteghöy lenyoni mïchini kïpöghisyechï chane nyo karam tya, ompöwölo pich cho nyoru tösunöto pöghisyengwa, kï chaman cho kikughan Kristo. Inet ngalechï aimwochï pich lapay kïrïp.

EPRANIA 11:1

Kighanat, kï kenkïtï lö pö man tïkwïn cho kïmi keköngöy, akekïniniö tïkwïn cho melö kïsïwïyi.

EPRANIA 12:10

Kitönecha papotïnecho sitöt cho kiyiyecha osis cho ngörï kïle wölo kisïweghta chane lö roko. Wölo sitöt Tororöt nyo konecha kïtïng kinyiwut, tökemuka kepara tïlilyenyi.

EPRANIA 3:1

Tupchenicho cho ochï pipö Kristo cho kikurok Tororöt! Anan Yeso, nyo kiyokwï Tororöt akï Tïsin nyo Wow* nyo pö kighanat nyo kïmwotïtoy.

EPRANIA 3:6

Wölo ghanate Kristo Wero Tororöt nyo kikitö kughyongchï ato paponyi Tororöt. Kïchicha konyi ato kïripöcha lasiny nyakanatenyo nko kikönötenyo ntökwit söröm.

EPRANIA 6:11

Wölo kïtïngetecha machat akonga lö tenoghyö chi anka tïkwïl ompö akwa ntökwit sörömuto söpontanyi, ntökwitïta ngalechoni omitekwa okönöy.

EPRANIA 6:4

Ompöwölo, ato töp pich cho kitach löpoyïn pö Tororöt, akïchamcham ropöwonto yïm, akïsïch ghamtagh nko Mïkulögh nyo Tïlil,

1 PETRO 4:13

Wölo ongörekyenö ompöwölo lata nyoni ato omitekwa owongwu tïkwïl nko Kristo atamuka onyorunö ngörekyö nyo wow ato ngongwï Tororöt ororyenyi.

1 PETRO 5:1

Omökan ye nyu osomöy kïgh poyi kanisen, ani nyo ochï poyon le chane achï söwinto kiwongunöto Kristo* akï nyo oporöy nko nyinte ororyenyi nyo tökengongu asïyech. Osomokwa lö,

1 YOANA 1:3

Kïmicha kemwowokwa kïgh anka tïkwïl nyo kikïsïwecha akelïm, atamuka oghömenö nko acha ompö ghömïchö nyo kïtïngetecha nko Tororöt Papo nko Werïnyi Yeso Kristo.*