EPRANIA 3:1 - PIPÏLIA

¹ Tupchenicho cho ochï pipö Kristo cho kikurok Tororöt! Anan Yeso, nyo kiyokwï Tororöt akï Tïsin nyo Wow* nyo pö kighanat nyo kïmwotïtoy.

EPRANIA 3:1 ပူးပေါင်းရင်းမြစ်များ

TUMWÖY 110:4

Kakuwalwal ECHOTYON amöwöghökönye kiyomisötenyi nyo lentöy, “Ichinyi tïsin kokay, le wölo kilata tïsin Melkisedek.”

ISAYA 1:3

Nkït tïch chi nyo pö akunkït sïkïryö pidangwa, wölo menkïtnye kïgh Israel, möpköchininye kïgh piköchan.”

ISAYA 41:20

Tökïsïwa pich akunkïtï lö ani ECHOTYON nyo kagh choni. Nkïtu chane asïyech lö Tororöt pö Israel nyo Tïlil nyoni kegh choni kwighisyö.”

ISAYA 5:12

Pöghisyegho ompö okortinekwa, pïkantis nko pkurerun nko kumïn. Wölo menkïtcha kïgh nyo ighöy ECHOTYON anta sïwa ighisyewutko ewunechi.

ESEKEL 12:3

“Kïlenyona wero chi, rata kariku aiwuw pöghet kïsïwïyi pïchï. Iweghonyi korengu le pïnotyon iwetöy kore anka, kïsïwïyinyi chane. Töptoy pköchini ana kïgh kïrkegh kö pich cho le kanyasak.

ESEKEL 18:28

Ompöwölo kenonchï kegh, akïwaghakegha ortïnechi chï ghach kïmömeghönye, wölo söpöy.

AKAY 1:5

Arosa otöptonekwo.

AKAY 2:15

Atolapay kïlö Echotyon, “Ayata konyïn atasïwena ngal cho ighisyot ompö akwa kïngata ye kughegh tagh. Kïtomö otorökwa teksyonï pö Kö pö Tororöt,

YOANA 17:3

Anyï nyu söpon pö kokay, kenkïtunyi nyo ichï onkït Tororöt pö man, akenkïtï Yeso Kristo* nyo kiyonunyi.

YOANA 20:21

Atolapay kïlenchï Yeso chane ngat, “Nya kïtöpö kalya nko akwa. Kïle wölini kiyonwanïn Paponyan, oyontonokwa lenyoni.”

YOANA 20:27

Atolapay kïlenchï Tomas, “Tönö morïku yi airos morichan aighïtö ewungu aitatap karasunyan. Pïstenö tomtomönöt, aighan!”

IGHISYEWUT 1:15

Kughyongö Petro osiswechoni tawu kighönï cho kingata 120 akïlö,

RUMI 11:17

Wölo ato kïtörtö mori orolwo par walaka akenomchï mori orolwo wuw otinö kömi mori orolwo par. Alatekwanyu pipö punton mori orolwo wuw nyo kakinomchï orolwo par, atachagha kisoyönut pö mïkulögh nko pipö Yaudi.

RUMI 15:27

Kicham opïn kaniseni choni kwigh lenyoni, kïrkegh ompö man, kökïmökino chane kungarak mey. Ompöwölo ato kikïgham pipö punton kisoyönut pö pipö Yaudi cho pö mïkulögh, kï mïchini tïkwïl chane kïpöghisyechï pipö Yaudi ompö möchutkökwa cho pö por.

RUMI 15:8

Ompöwölo omwowokwa lö, kipöghisyechï Kristo pipö Yaudi atökumï nyinte kuparta lö, pö man Tororöt akupuntoy kiyomisutkachi cho kimwochï papotïnecho,

RUMI 9:24

Ompöwölo kichicha pich cho kikur nyinte amelö acha cho kikïpkana pipö Yaudi opïn, wölo cho kipkana pipö punton tïkwïl.

1 KORINTO 1:2

Kakikirwakwa cho ochï kanisa Tororöt nyo mi Korinto. Kiketïlilokwa ompö Kristo Yeso akekurokwa alïkuna pipö Tororöt. Kakikiracha tïkwïl tökïnyorï pikö walaka löwïr cho soghöy Echotyontenyo Yeso Kristo akï Echotyontenyo tïkwïl.

1 KORINTO 10:17

Kïlïkunecha por akonga ompöwölo akonga makatyantanoni, kïrkegh kakïchicha chang, ompöwölo kiporecha löwïr makatyantanoni le akonga.

1 KORINTO 9:23

Kaghan choni lapay ompö Lökoyechoni Karamach atonyorï kiparat nyo pö kisoyönutkachi.

2 KORINTO 1:7

Akïchïchïmate kikönötencha ompö akwa, ompöwölo kinkïtöcha lö, kïle otini owongunekwa nko acha oghömekwa tïkwïl saghsaghatencha.

2 KORINTO 9:13

Akwompöwölo rumunote kikïniniot nyo pö ighisyenkwa, kïchongitu nyu pich cho sölöy Tororöt ompö kighanatenkwa nyo otïngetekwa ompö Lökoyo Kristo cho Karamach nko tïkwïl ompö tïkwïn cho otöninekwa chane nko pikö walaka.

EPESO 3:6

Nka nyoni kinyorï pipö punton tïkwïl karerantangwa nyo pö kisoyönöto Tororöt le pipö Yaudi kuwerï amtaghta Lökoy cho Karamach, ngichayay chane cho pö porini le akonga. Akï ghömtoy chane kiyomisötonini le akonga kigh Tororöt kuwerï Kristo Yeso.

EPESO 4:1

Osomokwa nyu ani nyo ochï ratate ompöwölo opöghisyechinan Echotyon lö, otïpinö kïrïp kegh nko kurötononi kikurchokwa Tororöt.

EPESO 4:4

Mi por akonga nko Mïkulögh akonga, le wölini kikurchokwa Tororöt kikönöt akonga.

PILIPI 3:14

Omitan ye nyu orïpöy otöngöy wölo mi kerötenyan, atonyorï ropöwontononi nyo nyoni kuröto Tororöt nyo pö söpon pö parak ompö Kristo Yeso.

KOLOSAY 1:12

Oyokyinö Papo sörö nyo kasïwa lö mïchinecha kenyorunö kareran pö tïkwïn cho kingotyï nyinte kïlankachi ompö paytaghtanyi nyo pö löpoyïn.

KOLOSAY 1:22

Wölo keghakwa Tororöt kongotichi otï le ye ompö megheto Werïnyi, atökumï kwighakwa alïkuna pich cho tïlilöch, cho puryö lelut anta kigheghchin anka tïkwïl ompö tawunyi.

KOLOSAY 3:12

Ochikwa ye pipö Tororöt, kichamakwa nyinte akïkïlakwa alïkuna pikachi kegh. Kïlenyona, olokyinö kegh tïkuchï: kisyonöt, köromnyö, ipöto kegh ngwïny, tölosyö nko mïkukönöt.

1 TESALONIKE 2:12

Kikikilokwa akesaghsaghakwa, totïpinö otöp nyo chömöy Tororöt nyo kikurokwa apara Pöyunötenyi nko öroryenyi.

1 TESALONIKE 5:27

Omwowokwa ngat ompö kaynata Echotyon lö osomönchinö chaman löwïr palalyantanï.

2 TESALONIKE 1:11

Nka nyoni kïmicha kesoghwokwa osis lapay. Kïsoghecha tororötïnyo lö, teghakwa otïpïnö otöp nyo mïchini kuröt, nyo kikurchokwa nyinte. Kïsoghecha lö, tewantegha nyinte owesyenyi machatenkwa nyo pö köromnyö akupuntö ighisyenkwa nyo pö kighanat.

2 TESALONIKE 2:14

Kikurokwa Tororöt ompö aranoni ompö ara Lökoy cho Karamach cho kyalïmekwa acha. Kikurokwa nyinte atosïkö kiparat nyo pö töroryo Echotyontenyo Yeso Kristo.

1 TIMOTEO 6:12

Iporyö lasiny poryo kighanat ainam lö kïng söpon pö kokay nyo kikurchinyi Tororöt otini kimwaghenyi kutingu lö kaghan Kristo ompö tawu söwï cho chang.

1 TIMOTEO 6:2

Akwato mi sekey cho tïng yetïntinekwa cho kikughan Kristo,* kïmömïchininye kuparta konyït nyo mïnïng lö ompöwölo tupchö ompö Kristo. Nyo köteghöy lenyoni mïchini kïpöghisyechï chane nyo karam tya, ompöwölo pich cho nyoru tösunöto pöghisyengwa, kï chaman cho kikughan Kristo. Inet ngalechï aimwochï pich lapay kïrïp.

2 TIMOTEO 1:9

Kisörwecha nyinte akïkurecha kelïkuna pikachi kegh. Kighwecha lenyoni amelö ompö wölo mi kïgh nyo kikighacha, wölo ompö machatenyi nko pöropchenyi nyo kikiyomiswecha pöropchononi könyisyok ompö ara Kristo Yeso,

2 TIMOTEO 2:7

Inan lasiny ngalechï omwoghan, ompöwölo ngörokinyi Echotyon kïpköchinyi kïgh anka tïkwïl.

EPRANIA 10:19

Kïlenyona nyu tupchenichu, kakekonecha kimukat nyo kïlïto Wölo Tïlil Tya* ompö kisön pö Yeso.

EPRANIA 10:21

Nyo kïtïngetecha ye nyu tïsin nyo rumunote nyo pöyu Kö pö Tororöt.

EPRANIA 10:23

Kenama nyu lasiny mwaghateto kikönötenyo nyo kakeghan ompöwölo ghanate Tororöt nyini kiyomisï.

EPRANIA 13:22

Osomokwa ye nyu, tupchenichu lö atere lasiny ngalechï ipu kikilöto kegh, ompöwölo makiranye palalyan nyo kogh tya.

EPRANIA 2:11

Nyinte nyo tïlilöy nko chane cho kitïlilöy kïtïng löwïr apite akonga nko nyinte. Nka nyoni mösïwïyinye Yeso arasï kïkurö chane tupchenichu.

EPRANIA 2:17

Kïlenyona, kimïchï egh nyinte kïkarkeyit nko tupchenichi ompö ngal lapay atökumï kïlïkwï tïsintengwa nyo Wow nyo kighönöy, nyo tïng kisyonöt otini pöghisyechini nyinte Tororöt, atökelöstoghchï pich ngokikwa.

EPRANIA 3:12

Orip kegh tupchenichu, tömötöp ntökïrumunö chi kwenunkwa nyo tïng mïkulögh nyo gha nyo puryö kighanat nyo ighöy nyinte ntökïpïstö Tororöt nyo söpöy.

EPRANIA 3:14

Ompöwölo kichicha ghömote nko Kristo ato kïnamacha lasiny kikönötenyo nyo kikïtïngetö otini le tagh ntökwit söröm.

EPRANIA 6:20

Kinya Yeso kïwö wölini akwompö acha, akïlïkwï nyinte Tïsin nyo Wow* kokay kïrïp kegh nko nyo pö Melkisedek.

EPRANIA 7:26

Yeso nyu onkït nyo le Tïsin nyo Wow* nyo mïchinecha. Tïlil nyinte akïmötïngnye lelut anta ngokï ompö orinyi. Kikepesyö nyinte nko mwokïyis aketotegha kïwö yïm parak.

EPRANIA 7:28

Cheröy kirurut pich cho nyörkölöl kïlïkwï tïsï cho echön: wölo cheröy kiyomisöto Tororöt nyo kyam ompö muma akïrïpï lötu kirurut Worö nyo kikigh kuten kokay.

EPRANIA 9:11

Wölo kikwitï ye Kristo* nyo le Tïsin nyo Wow nyo pö tïkwïn cho karamach cho kikwitï. Pöghisyegho nyinte ema nyo karam akutenate lasiny, nyo kimeghanye chi morïn, akuporu nyoni lö möpönye emanoni ngwïnyinï.

EPRANIA 9:15

Ompö atoni nyu Kristo nyo le kilinyoghinto muma nyo rel atökumï pich cho kikur Tororöt kïsïch kisoyönöt nyo pö kokay. Nyoru chane kisoyönötononi ompöwölo kima Kristo atökïsörunö pich ngokikwa cho kigh otini kitökïmi chane ngwïnyi mumanay pö köny.

1 PETRO 2:9

Wölo ochikwa pich cho kikekïlak akï tïsi pöytoghin, pich cho tïlilöch akï pipö Tororöt kegh, cho kikekïl kïpa kwamta ighisyewut cho pö töngönchin cho pö Tororöt nyo kikurokwa ongetunenö tuwïn, akulutokwa löpoyïntanyi nyo pö töngönchin.

1 PETRO 3:5

Ompöwölo lata nyoni tïkwïl wölo kipïchta kegh koru könyisyok cho kitïlilöch cho kitö kikönötengwa Tororöt kïterchï chane santokökwa.

1 PETRO 5:1

Omökan ye nyu osomöy kïgh poyi kanisen, ani nyo ochï poyon le chane achï söwinto kiwongunöto Kristo* akï nyo oporöy nko nyinte ororyenyi nyo tökengongu asïyech. Osomokwa lö,

1 PETRO 5:10

Wölo ato tenö kowongukwa nyo tangogh, ighokwa atena akuchïchimakwa akïkonekwa owesyö Tororöt nyo pö kalya kïmïkul, akï nyo kikurokwa apara nko nyinte ororyenyi nyo pö kokay otini kyolinyekwa nko Kristo.

1 YOANA 1:3

Kïmicha kemwowokwa kïgh anka tïkwïl nyo kikïsïwecha akelïm, atamuka oghömenö nko acha ompö ghömïchö nyo kïtïngetecha nko Tororöt Papo nko Werïnyi Yeso Kristo.*

YUDA 1:1

Ani Yuda palalyantanï, nyay le mötworinto Yeso Kristo* nyo ochï tupchö nko Yakopo nyo kakir palalyantanete. Kakirwokwa chona kikurok Tororöt, cho otïpïsot ompö chomnyo Tororöt Papo akï cho ripokwa Yeso Kristo.

NGONGUT 17:14

Poryegho pöytoghichay nko tyonyay Wawa Kech, wölo rïntoy Wawa Kech nko kïlankachi cho kikur akughönote, ompöwölo Echotyonto echot nyinte, akï pöytoghinto pöytoghï.”

NGONGUT 18:20

Ngaraka yïmö ompö kiwurata Papilon! Ongörekyenö pipö Tororöt, kiyoktoghï nko werkoy! Ompöwölo kakurwokyï Tororöt nyinte ompö tïkwïn cho kighwakwa!