EPRANIA 2:3 - PIPÏLIA

³ Ekechïwïtyonecha nyu lö ne, ato mökïyangachanye sörunöt nyo wow nyo tenö nyï? Kinya Echotyon nyinte tagh kimwowï sörunötononi, kukïniniewecha pich cho kilïm ngalechoni lö, pö man.

EPRANIA 2:3 ပူးပေါင်းရင်းမြစ်များ

ISAYA 12:2

“Ghetintenyan Tororöt, otighonan kegh nyinte amowöghanye kïgh. Ompöwölo konanïn ECHOTYON owesyö, ghetintenyan nyinte.”

ISAYA 20:6

Otini ketï asisoni, kïlö pich cho möngöy sörömu nanampa koro Pilisti, ‘Arose kïgh nyo kegha ompö pïchay kökikönecha lö köghetenecha pöytoghinto Asirya! Ekengötunecha ompö or ne köny?’ ”

ISAYA 51:5

Ongwïnan osöru chane lawel, melö low sayenyan nyo opunan sörunöt. Opöytonan ante pipö punton. Mito koroswö cho lowöch kïkönganïn, könanïn tosörwan chane.

ISAYA 51:8

Ompöwölo omöy chane rirïm le sïra! Wölo töpo ghetunötenyan kokay, amöminye söröm nyo pö sörunötenyan.”

ISAYA 62:11

Lechini ECHOTYON pipö ngwïny kïmïkul, omwochinö pipö Sayon lö, “Ngwïnöy ECHOTYON kïsörwokwa, akungwïnöy nko pich cho kikïsörï nyinte.”

ESEKEL 17:15

Wölo kipeny pöytoghinto Yuda, kïyonta pich kïpa Misri kïlenchï pöytoghin kutö nyinte angoletin nko pipö lïk. Ekumuköy tökumukta? Ekumuköy kïchïwït chi nyo ighöy ngal cho lenye chï nya? Memukönye kïpeny amam kïgh anta nyorï ngölyon.

ESEKEL 17:18

Kipeny nyinte tagh mumanay kyam kïcham kwigh mis wölo makïrïpnye le otini kicham. Möminye nyu wölo chïwïto ompö ngalechï tenö chï kigh löwïr.”

MATAYO 23:33

Heywey moroyut chï otïngetö ngwonö! Omukekwa ochïwïtyegho kirwoko mapa kokay lö ne nya?

MATAYO 4:17

Kïngeta atoni kutor kwamtata lö, Yeso, “Okötenö ngokikwo, ompöwölo kikïlekïtit Pöyunöto Yïm!”

MARKO 1:14

Otini kikïrat Yoana, kïwö Yeso kutang Kalilaya kwomtotoy Lökoy cho Karamach cho pö Tororöt,

LUKA 1:2

Kikir chane ngalechoni le otini kimwowecha pich cho kisïwa tïkuchoni kïngeta otini kighisyö akwamtata ngalechoni.

LUKA 1:69

Akïkonecha Ghetin nyo le nyakan tya nyo pö areto mötworintenyi Daudi.

LUKA 24:19

Kïtep Yeso lö, “Ne tïku?” Kuyokyï lö, “Tïkwïn cho kighisyö ompö Yeso nyo pö Nasaret, nyo kile werkoyon nyo awes ompö ighisyewutkachi nko kinetutkachi ompö tawu Tororöt nko nyo pö pich löwïr.

YOANA 15:27

Osöwintönchinanïkwa tïkwïl, ompöwölo kyomitekwa nko ani kïngeta otini le towunöt.

IGHISYEWUT 1:22

kutorö kipatisanata Yoana, ntökwit asisanya kikimït Yeso kïwö yïm. Lïku akong ompö pïchoni söwin nko acha nyo pö kitutunöto Yeso.”

IGHISYEWUT 2:22

“Atere ngalechï pipö Israel! Yeso nyo pö Nasaret kï chi nyo kikïla Tororöt kwenunkwa akutö ighisyö nyo pö owesyö nko töngönchin nko kimukat nko kiporunöt cho kigha Tororöt kwenunkwa ngalechoni kuwerï Yeso le wölo onkïtïtekwa so.

IGHISYEWUT 4:12

Amöminye sörunötö nyo kïnyoruno chitö anka, ompöwölo, möminye kaynat anka ngwïny nyo kikitö pich tökïsörwecha.”

RUMI 11:14

Töptoy ighöy nyoni piköchan, pipö Yaudi, kwam nyonyintön ompö akwa, atamanyïl osörï walaka ompö chane.

RUMI 2:3

Wölo, inonenyi so, otini irwokyinenyi pich cho ighöy tïkuchoni lö ichïwötonenyi kirwoko Tororöt akwanyï ighenyi nyinte tïkwïl tïkuchoni?

1 KORINTO 1:21

Ompöwölo kitagh Tororöt kunkïtï pich nyinte ompö ngöghomnyengwa kegh. Nyo kitölïku nyoni, kïcham nyinte kïsörï pich cho ghönöy ompö or nyo sïwïyi pich cho ngöghomöch lö sölwontön, choni kï lökoy cho kyomtonecha.

1 TESALONIKE 5:3

Ato mi pich kïlentöy, “Mi pöghisyö nko kalya,” miröy nyu chane wïrata le ato itini kichïr korka nyo lusïyi amemuköcha pïchoni tökïchïwïtyöt!

1 TIMOTEO 1:15

Pö man ngölyontonï akïmïchini kecham lasiny, lö kingwïn Kristo Yeso ngwïny atökïsörï mwokïyis akwani mwokïyonte nyo gha tya kïtïl pïchoni löwïr.

TITO 2:11

Ompöwölo kikuporï Tororöt pöropchenyi nyo ipchini pich löwïr sörunöt.

EPRANIA 1:1

Kingalan Tororöt könyisyok kïnyïl cho chang nko papotïnecha kuwerï ortïn cho chang akïngalan kuwerï werkoy,

EPRANIA 1:14

Mömïkulisnye so chane cho kikïyonï kïpöghisyechï pich cho nyoru sörunöt asïyech?

EPRANIA 1:2

wölo ompö osiswechï pö söröm kïngölonöy nko acha kuwerï Werïnyi nyo kigh ngwïny ompö nyinte akwigh nyinte kïlïkwï mïlinto tïkwïn löwïr.

EPRANIA 12:25

Arose kegh nyu tömatagh nyinte nyoni ngölonöy. Ompöwölo ato kimöchïwïtyöcha pich cho kitagh kïlïm ngala chichoni kingwïn ngwïnyinï akuyomisï ngala yïm, ekechïwïtyonecha lö ne nyu ato kïghöpönöcha nyinte nyoni rirwecha ompö yïm?

EPRANIA 4:1

Kïlenyona nyu kewagha, otete tökïmi kiyomisötö nyo kïlïto kimïnytanyi, atömötöp chi anka tïkwïl ompö akwa ntökïrörchï pöroyïn nyo nyoruno kiyomisötononi pö kimïny.

EPRANIA 4:11

Kekilö nyu kegh kelïtö kimungötononi atömötöp ntökïchïnta chi nyonikïny ompö akwa nyo pïstoy kimungötononi le wölo kitagh pïchoni ompöwölo kimötïngcha kighanat.

EPRANIA 5:9

Otini kikigh nyinte kuten, kegh nyinte kïlïkwï towunöto sörunöt nyo pö kokay ompö pich lapay cho terchini nyinte.

EPRANIA 9:28

Kïlenye nyoni tïkwïl, kikonï kegh Kristo kïlïkwï körösyon kïnyïl akonga tökupuktö ngoki pich cho chang. Chumu nyinte nyu panto odeny amelö ngwïnöy tökunoghyechï ngokï, wölo tökïsoru pich cho köngöy nyinte.

1 YOANA 1:1

Kakikirucha akwa paraku ngölyonto söpon, nyo kimito kïngeta otini le towunöt. Ngölyonto söpon nyo kikïlïmacha akesïwegha konyicho, nyo kikirosöcha, aketatapa moricho.

YUDA 1:17

Wölo mïchini tupchenichu anana ngalechanya kimwowokwa kiyoktoghi Echotyontenyo Yeso Kristo.

NGONGUT 7:10

Kuteghyö lö, “Ngwïno sörunötencha wölo mi Tororötïncha, nyo töpo ngacharu paytagh akungwïno wölo mi Wawa Kech!”