EPRANIA 2:14 - PIPÏLIA

¹⁴ Akwompöwölo tïng pïchoni kikur lö, monïng, por nko kisön, kïkarkegh nyu Yeso nyinte nko chane kipar otöptöngwa nyo pö ptangengmöt. Kigh lenyoni atökumï ompö areto meghenyi kunyar Onyöt nyo kitïng owesyö ompö paraku meghat,

EPRANIA 2:14 ပူးပေါင်းရင်းမြစ်များ

TOWUNÖT 3:15

Otöninan punyontön kwenungu nko kokonï nko kwenuto yiyengu nko yiyenyi. Tïghöy nyinte mötïngu lö körpïs isïrenyi nyinte kowo monion.”

ISAYA 25:8

Wuröy Echotyon TORORÖT Kimuktoghin meghat kokay! Miso nyinte lok konyi pich lapay, akïchenga arasï nyo kökikuwongunö pikachi ompö ngwïny kïmïkul. Ompöwölo ECHOTYON nyinte nyo kangalan.

ISAYA 53:12

Kïlenyona otöninan nyinte kïtöpo ato töror, atökupar pöröw nko pich cho owesöch. Ompöwölo kichamta kegh nyinte kepar, akïcham keyitïtö nyinte akonga nko mwokïyis. Kikasan nyinte ngoki pich cho chang, akïsoghchï chane tökelöstoghchï ngokikwa.”

ISAYA 7:14

Kïlenyona nyu konokwa Echotyon nyinte kiporunöt. Arosa lö sïkisïyi mïrar akïyï worö nyo kuro kaynenyi Imanuel.

OSEA 13:14

Oghetunonan chane owesyo ngwen, asörunan chane meghat. Mi onö ngwonengu nya we meghat? Akï mi onö kiwuratengu nya we ngwen? Melö totïngetan kisyonchin ompö akwa nyonikïny.

MATAYO 16:17

Kïlenchï Yeso, “Ichinyi soyönote, Simon Par Yona, ompöwölo melö kenkïtunyi ngalechï pö man ompö chïreryo ptangengmöt, wölo köngongunyi Paponyan nyo mi yïm.

MATAYO 25:41

“Atolapay kïlenchï pïchinö mi ewu löt, ‘Apeghena wölo omitan cho kikechïpok, ape olïte mapa kokay nyo kikengotyï Onyöt nko malaykenichi!

YOANA 1:14

Kiwaghaka Ngölyontononi kïlïkwï ptangengmöt akïmang kwenuncha, chi nyo nyïghitate pöropchö nko man. Kesïwecha ororyenyi, ororyö nyo kitö Kwanta Werïnyi nyo le akonga onkït.

YOANA 12:24

Omwowokwa nyoman lö, ato möchïnchïnye kösïghyonto nkanun nyïngwïtyan akïma, kïtökï nyinte onkït, wölo ato ma, kuyinu pakan cho chang.

RUMI 14:9

Ompöwölo kima Kristo* akututï atökumï kïlïkwï Echotyonto cho söpsot nko cho kimeghö.

RUMI 8:3

Kigh Tororöt kïgh nyo kimemïnye kirurut kwigh, ompöwölo ki nyarkalal otöp pö ptangengmöt. Kilot Tororöt ngoki ptangengmöt, otini kiyonï Werïnyi kegh nyo kingwïn kitïng asïl pö ptangengmöt akuwur ngokï lödo.

1 KORINTO 1:28

Kikïl tïkwïn cho sösöy kinonut pö ngwïny akuyitöy lö kwïle, tökunyar tïkwïn cho nonöy ptangengmöt lö pïchighöch.

1 KORINTO 15:50

Omökan omwoghöy lö, tupchenichu: memukönye kïgh nyo kikigha por nko kisön ntökïmïl Pöyunöto Tororöt akïmemukönye kïgh nyo wïröy ntökïsïch otöp nyo möwïrönye.

KALATIA 4:4

Wölo otini kitï asisoni kikyomchï ngamata, kïyonï Tororöt Werïnyi kegh nyo kiyï korka kïrïp kegh nko kirurut pö pipö Yaudi,

KOLOSAY 2:15

Akwompö kimurtöwontononi, kirïnta Kristo owesyo pöytoghi mïkulis nko wowïn anka tïkwïl akutö chane arasï ompö tawu pich otini kisara kariko lïk akuretö chane le ratan ompö rïntaghtanyi.

1 TIMOTEO 3:16

Kimukecha kemwagha lö wow nyoman wïngata nyo pö kighanatenyo nyo kighönöy Tororöt lö, Kurumï nyinte ompö por pö ptangengmöt, keporï Mïkulögh lö pö man, kisïwa malayken nyinte. Kyamta ngalechi kïghomï pipö koros, kughan nyinte pipö ngwïny, akesït kïwö yïm parak ompö ororyö.

2 TIMOTEO 1:10

wölo kikengongwecha ye pöropchononi ompö kingwïnata Ghetintenyo Kristo Yeso. Nyinte nyo kewany owesyo meghat akïngongwï söpon pö kokay kuwerï Lökoy cho Karamach.

EPRANIA 10:10

Akwompöwölo kigh Yeso Kristo machata Tororöt kutötö kegh kïlïkwï amöros nyo pö ngoki pich kïnyïl akonga akïmïchï ketïlilecha ompö ngokicho.

EPRANIA 10:5

Nka nyoni nyu otini kingwïnöy Kristo* ngwïnyinï kilenchï Tororöt, “Melö imökenyi amöros anta ropöw, wölo keghwaninyi por.

EPRANIA 2:17

Kïlenyona, kimïchï egh nyinte kïkarkeyit nko tupchenichi ompö ngal lapay atökumï kïlïkwï tïsintengwa nyo Wow nyo kighönöy, nyo tïng kisyonöt otini pöghisyechini nyinte Tororöt, atökelöstoghchï pich ngokikwa.

EPRANIA 2:18

Nyo muköy ye nyu kungöroköy pich cho kityömöy, ompöwölo kikïtyam nyinte tïkwïl akechop kong.

EPRANIA 4:15

Ompöwölo kïtïngetecha Tïsin nyo Wow nyo muköy ntökungarakecha ompö nyörkölelyenyo, nka nyoni kikïtyam nyinte ompö or anka tïkwïl le acha, akimeghnye ngokï.

EPRANIA 9:15

Ompö atoni nyu Kristo nyo le kilinyoghinto muma nyo rel atökumï pich cho kikur Tororöt kïsïch kisoyönöt nyo pö kokay. Nyoru chane kisoyönötononi ompöwölo kima Kristo atökïsörunö pich ngokikwa cho kigh otini kitökïmi chane ngwïnyi mumanay pö köny.

1 PETRO 1:20

Kikïl Tororöt nyinte otini kitomönye kwigh ngwïny, akïngongwï nyinte osiswechete pö söröm akwompö kinyiwutyenkwa.

NGONGUT 1:18

Ochan nyinte nyo satate! Kikyameghan, wölo ochan ye satate kokay nko kokay. Otïngetan owesyö ompö meghat nko ngwen.

NGONGUT 12:9

Ketyorchï sany ntaranoni wow. Nyinte kï moroyonanya pö köny kikuro, Onyöt anta Oyin, nyanye kigh pipö ngwïny kïmïkul kwigh ngokï. Kikityorï nyinte kungwïn ngwïny nko malaykenichi löwïr.

NGONGUT 2:10

Meway kïgh nyonikïny nyo mach kwipunyi nyarïl. Rosa! Työmokwa Onyötö akïtorchokwa chela, akechopokwa kong osis taman. Alïkwï cho ghönote ompö ani, kïrkegh meghe, ato konok tenta söpon.

NGONGUT 20:2

Kïnam ntaranay moroyonanya kipö könyisyok, nyaye le Onyöt akï Oyin. Kinam akïrat nyinte könyis elpu akonga