EPRANIA 13:4 - PIPÏLIA

⁴ Mïchini kïkonyït pich tïkwïl kensyö osis löwïr, mïchini kumpur ngetot nko korukwa ompö kighanat, ompöwölo rwokyini Tororöt pich cho le cheporestin kalomok.

EPRANIA 13:4 ပူးပေါင်းရင်းမြစ်များ

TOWUNÖT 2:21

Atolapay kwigh ECHOTYON Tororöt chichay kïsïch rïwön nyo nïkis akwotini kimi rïwön, kïcheng karasyanta chichay nyo le akonga akuyenö peny otini.

TOWUNÖT 2:24

Nka nyay pïstoy chi kwanta nko kame akïtuyö nko korkenyi akïlïkwï chane por akonga.

2 PÖYTOGHÏ 22:14

Kïlenyona, kïwö Ilkia nko Aikam nko Akpor nko Syapan nko Asaya wölo mi Ulda, werkoyon nyo le korka, koko Syalum wero Tikpa wero Aras nyo kiripöy wölo kïrorchini sïro pö Kö pö Tororöt (kimöngöy nyinte kareranpa Yerusalem nyo kitö keteköy) akïmwochï nyinte ngalechay keghisyö.

AYUPU 31:12

Kölïku alominoni ma nyo pelanïn owonyö, akïpel tïkuchan löwïr cho otïng.

ISAYA 8:3

Kiwer osiswö cho te, kïsïkisyö korkenyan akïyï weri, kïlenchanïn ECHOTYON, “Kurenö kaynatenyi, ‘Pokyinö Lawel, Ritö Pöröw.’

LAWIN 15:18

Ato rï chi nko korka kuwunöy kegh kwodeny akïlïku chane sïmnyon ntökwimön.

LAWIN 18:20

Amerï nko korketo pöröryengu isïmnyon kegh nko nyinte.

MALAKI 3:5

“Ongwïnchinokwa atorwokyan ponï nko cheporestin nko cho tötoy söwintön nyo pö putintön nko cho moso pich cho kekir ropïyenikwa nko cho yonöy mïsïktin nko pönon nko to nko pich löwïr cho melö konyïtanïn.

1 KORINTO 5:13

Kurwokyï Tororöt chane chinö mi sany. Kïlenyona ayona mwokïyis ompö kwenungwo.

1 KORINTO 6:18

Okïrenö kegh cheporesnan. Ighisyegho ngokï walaka löwïr sanypa por, wölo igho chi nyo le cheporesyan ngokï portanyi ori.

1 KORINTO 6:9

Anta monkïtökwanye lö mönyorucha pich cho ghach Pöyunöto Tororöt? Malïs kegh! Melö nyoru Pöyunöto Tororöt pich cho le cheporesay anta cho soghöy körkeyïntin anta ptakalis anta kalomök

1 KORINTO 7:38

Kïlenyona, ighöy chi nyo karam nyo kep mïrarunoni kökakulotokïn, wölo ighöy nyo karam tya chi nyo katagh kïkensyö.

1 KORINTO 9:5

Motïngetanye so man owestotan nko korka nyo ghönöy Kristo* ompö rutoghtinechan le wölo idoy pikö walaka cho kiyoktö Yeso nko werko ompö Echotyon nko Petro tïkwïlï?

2 KORINTO 5:10

Ompöwölo kighyongocha löwïr tawu ngacharu Kristo* nyo pö kirwok nyo mötïny atökurwokwecha nyinte. Kirwokyini chi anka tïkwïl kïrïp kegh nko ighisyewutkachi cho kigh ato ki karamach anta ki ghach.

KALATIA 5:19

Melö wïngote nyu ighisyewut pö por kïsïwïyegho: alomi, sïmnyontön, möchut cho ghach,

KALATIA 5:21

Kepö kegh sikong, tamasa, chepomutnön nko ngale walaka cho karkegh nko choni. Orirwokwa ye le atanye kökyarirwakwa tagh lö, mömïlöcha Pöyunöto Tororöt pich cho ighöy tïkwïn cho lata choni.

EPESO 5:5

Onkïtï nyoman lö, möminye chi nyo le cheporesyan anta nyo le sïmnyon anta nyo pïrchini tïpö pich (ompöwölo pïrchin kï saghata körkeyïntin), nyo nyoru kïgh ompö Pöyunöto Kristo nko nyo pö Tororöt.

KINONO KIRURUT 22:22

“Ato kïnyorï chi nyo rïwöy nko koko chi ketïghöy chane kwodeny. Aranoni nyo omukekwa onoteghone ghöyityö ompö kwenunkwa.

1 TESALONIKE 4:6

Mömïchininye nyu kïlelchï chi anka tïkwïl tupchenyi anta lïs nyinte ompö ngölyontononi. Kikïnyaghacha kemwowokwa tagh lenyoni akenyïlecha ngat kerirwokwa lö chopöy kong Echotyon pich cho ighöy ngalechoni.

1 TIMOTEO 3:12

Mïchini kingörokinto kanisa nyo le mïrön kwip korka akonga kïpoto, akïlïkwï chi nyo muköy kïpayta monechi nko katanyi kuten,

1 TIMOTEO 3:2

Mömïchininye kïntöghoghinto kanisa kïsïch kaynat nyo gha nyonikïny. Mïchini kwip korka akonga kïpoto akï chi nyo ripöy kegh, chi nyo röröy ngal lasiny akï tïng konyït nko otöp nyo karam, chi nyo toköy to akï nyo muköy kunetisïyi,

1 TIMOTEO 3:4

Mïchini tïkwïl kïlïkwï chi nyo muköy kïpayta katanyi akunet monechi terchini nko konyït ompö ngal lapay.

1 TIMOTEO 4:3

Netöy pïchoni lö, merokonye kekensyö amerokonye kyam omisyewut walaka. Kigh Tororöt omisyewutchoni kwam pich cho kikughan kunkïtï man otini kakumuchö kuyokyï nyinte sörö.

1 TIMOTEO 5:14

Nyo osïwïyan lö ngwangwa kep mïsïktin cho tökïmïnkech atökïsïch monekwa akï rip kestonikwa. Ato igh lenyoni kïmosïkönye pungköcho pöroyïn nyo ngölono nyo gha parakunyo.

TITO 1:6

Mïchini poyonto kanisa kïtöpö kïpuryö lelut, chi nyo tïng korka akonga, mïchini monechi tïkwïl kïtïngeti kighanat, merokonye kelïmchï chane ghöyityö anta tighintön.

EPRANIA 12:16

Orip kegh tömörumunö chi kwenunkwa nyo ighöy cheporesnan anta chi nyo mewöghönye Tororöt nyo karkegh nko Esau nyo kyalta mïlatenyi nyo pö poretnan omisyö nyo pö asakonga kwïle.

NGONGUT 22:15

Wölo kïkorchini sany pich cho pochï otöp nyo lata nyo pö kukïdin nko ponï nko rïmï nko cho soghöy körkeyïntin nko cho chömo kegh putintön.