29 ompöwölo ma Tororötïncha nyo pelöy lömïs.
Kïpusta ighöt nyo kingwïna sörunöyichi, kungwïna lyopötö nyo ngwan kutinyi, kingwïtu ngöset cho nöghyot.
Ngwïnöy Tororötïncha amelö sisonu, mi lyopötö nyo ngwan tawunyi, chepkïrïri nyo wow nyo kiwit nyinte.
Ntöghoghchini ma tawunyi akïpel pungkachi ompö wop löwïr.
Irïntonyi punköku ompö owesyeto ororyengu, iyontonyi nörekyengu kïpel chane le sus.
Kirumï ororyo ECHOTYON ompö pipö Israel le ma nyo kinöghöy ompö kutïng.
Wöghisïyi mwokïyis cho mi Sayon. Potonchot chane ompö nyökoryö, akïmi kïlentöy, “Karkegh kirwoko Tororöt nko ma nyo nöghöy kokay. Ekïngo ompö acha nyo muköy kïngötuno ma nyo lata nyoni?”
Ompöwölo ECHOTYON nko ma. Wegho nyinte köpepoy pö chepkiriri otini ngwïnöy kuchopöy kong pungkachi.
Kïryöghsetö okwotinö cho koketïyi tagh ompö kalya, ompö nörekyo ECHOTYON nyo ngwan
Omwoghan nyu lö rïngringöy koro Israel asisoni nyoman ompö kililatenyan nko nörekyenyan nöghöy le ma.
“Otini kitorosan, ketat ngöcherwo paytagh, kïtöpö nyinte nyo kisöpöy kïngata könyisyok ngacharunyi. Kirelach sïrokachi löka, kïrelach putechi löpöt. Ki lyopöt ngacharunyi ki ma nyo kinöghöy kelye.
Kitor pich kïngwïrngwïronchï ECHOTYON ompö kömpölelutkökwa. Nyini kilïm ECHOTYON, kïnyala akuyokwï ma nyo kipel kareranpa möngot.
Kuyokwï ECHOTYON ma nyo kipel pïchay le 250 kitïng tïkuchay ngutoy cho onyïn.
Kinkïtöcha nyu wölo kïtechtoy Echotyon anka nyoni kikilecha kegh akekïnkïnöy pich, nkïtecha Tororöt lasiny, akönan lö onkïtanïkwa tïkwïl ompö mïkuliskökwo.
ompöwölo ECHOTYON Tororötïnkwa kï ma nyo pelöy kïgh anka tïkwïl. Kï Tororöt nyo le söstoghin ompö tororötin walaka.
Kïlenyona, onkïtï asisete lö, ECHOTYON Tororötïnkwa nyo ntöghoghwokwa le ma nyo nöghöy. Nyinte nyu nyo rïntoy pïchoni atamukakwa nyu ayona chane awany kïrïp kegh nko kiyomisöto ECHOTYON.
akïkonokwa kimungöt nko acha tïkwïl cho kichopech kong ato kïngongunö yïm Echotyon Yeso nko malaykenichi cho owesöch nko lyöpoto ma,
atökuchop kong pich cho möchömöcha Tororöt nko cho mörïpöcha Lökoy cho Karamach cho pö Echotyontencha Yeso.
nyo köngötï nyu kï kirwoko Tororöt nyo pö otyogh nko ma nyo ngwan nyo ngwïnöy kuwuröy pich löwïr cho möterchinicha nyinte.
Möminye kïgh nyo gha tya kïsir atosïkö chi kirwok Tororöt nyo satate!
Wölo kïmi keripöy yïmöy nko ngwïny cho pö osiswechete ompö ngölyonto Tororöt atökewura chane ma. Kïrïpöy lenyoni ntökïtenö kwitï Asis ato kirwokyini akewur pich cho melö wöghöy Tororöt.
