EPRANIA 12:28 - PIPÏLIA

²⁸ Kesoyönisyenö nyu, ompöwölo kakekonecha pöyunöt nyo metimtimonye. Kesoyönisyenö akesagh Tororöt kïle wölo chömtoy nyinte ompö rïngata kegh nko kiwaghat,

EPRANIA 12:28 ပူးပေါင်းရင်းမြစ်များ

TUMWÖY 19:14

Icham ngaleko kutinyan nko kinonutko mïkulöwunyan, we ECHOTYON nyo ichï köpönenyan aichï sörunintenyan. Ompö kintöghoghinto tumï. Tum pö Daudi.

TUMWÖY 2:11

Opöghisyechinö ECHOTYON ompö konyït,

TUMWÖY 89:7

nyo konyïtote ompö kokwo cho tïlilöch, wow akewöghöy kïtïl löwïr cho kiwit nyinte.

NGÖTÏNYÖ 28:24

Nyinte nyo choröy tïkuko kwanta anta kame akïmwa lö, “Melö ngokï choni,” kïmötïngnye sisïn nko chorï walaka.

ISAYA 56:7

“Omïtwokwa ntatukwa kutïng pö Sayon,* kutïngtönyan nyo tïlil, aghakwa ongörekyenö ompö Konyan nyo pö saghat, atakan amörostin cho otöninekwa ato kïpelo amörosechan. Ompöwölo kïkuro Konyan kö pö saghat nyo pö pich löwïr.”

ISAYA 9:7

Letöy tagh kïghetu owesyo paytaghtanyi, mi kalya paytaghtanyi osis löwïr. Pöytoy nyinte kïtöpö otini kimi Daudi, chïchïmo owesyenyi kitenat nko man, kïngeta nyete le ye nko kokay. Ighöy nyakanata ECHOTYON Kimuktoghin choni lapay.

DANIEL 2:44

Ngetu nyu Tororöt nyo mi yïm pöyunöt anka ompö osiswo pöytoghichoni nyo memukönye chi ntökïpar amöminye paytagh nyo rïntoy, wölo pöröy pöyunötin löwïr kuwonyö akïtöpö kokay.

DANIEL 7:14

“Ketö nyinte paytagh nko ororyo nko pöyunöt, atökïpöghisyechï pich nko punton nko kutïw löwïr nyinte. Melö weröy paytaghtanyi nyonikïny, amelö wonyot pöyunötenyi.

DANIEL 7:27

Ketö pipö Tororöt nyo Töror Tya pöyunöt nko ororyö nko owesyö nyo pö pöyunötin löwïr cho mi ngwïny. Pöyitu pöyunötengwa kokay akïkonyïtöy paytagh löwïr chane akïpöghisyechï.’

LAWIN 10:3

Kïlenchï Musa Aron, “Kimwowï ECHOTYON ngalechï otini kilö, ‘Mïchini kïkonyït pich löwïr cho pöghisyeghwanïn tïlilyenyan aporchinan chane ororyenyan.’ ” Kïsï Aron lasay.

MATAYO 25:34

Atolapay kïlenchï pöytoghintö pïchinö mi ewunyi pö tagh, ‘Apkana nyu cho kikusoyönok Paponyan! Apkana atacha pöyunöt nyo kikekïlwekwa kïngeta otini le towunöto ngwïny.

LUKA 1:33

akïlïkwï nyinte pöytoghinto pipö ara Yakopo kokay akïmewonyotnye paytaghtanyi.”

RUMI 11:20

Lata nyoni nyoman. Kikïtörtö chane ompöwölo kimeghancha, wölo ighyongonenyi atoni ompö kighanatengu, wölo mekwolö kegh nyoni, wölo ripö kegh nyoman.

EPESO 1:6

Kesala nyu Tororöt ompö pöropchenyi nyo töror nyo kikonecha nyinte kwïle ompö Werïnyi nyo le chamanenyi!

EPESO 5:10

amukyï onkïtï kïyinö chömöy Echotyon.

PILIPI 4:18

Konyorwan tïkwïn löwïr cho kyokonanïkwa, ki chang tïkuchoni kïtïl cho kyomökan, otïngetan kïgh anka tïkwïl nyo omökan otï le ye, kakwipkanïn Epapradito ropöwekwa cho karkegh nko körösyon nyo ngutoy nyo karam akïkarkegh nko amöros nyo chömöy akïngörökyini Tororöt.

EPRANIA 10:19

Kïlenyona nyu tupchenichu, kakekonecha kimukat nyo kïlïto Wölo Tïlil Tya* ompö kisön pö Yeso.

EPRANIA 13:15

Kesala nyu Tororöt osis lapay ompö ara Yeso, salatanoni nyo tötoy pich lapay cho kikughan kaynenyi.

EPRANIA 13:21

Nya kïkonok Tororöt pö kalya kïgh anka tïkwïl nyo omökekwa atamuka agha machatenyi, nya kwigh nyinte kïgh anka tïkwïl nyo tenate ompö ara Yeso Kristo. Nya kïpöyit Kristo ororyö kokay nko kokay! Amen.*

EPRANIA 3:6

Wölo ghanate Kristo Wero Tororöt nyo kikitö kughyongchï ato paponyi Tororöt. Kïchicha konyi ato kïripöcha lasiny nyakanatenyo nko kikönötenyo ntökwit söröm.

EPRANIA 4:16

Kerikyinö nyu ngacharu Tororöt nyo pö ororyö ompö nyakanat, atökenyorunö pöropchö. Kïsïkonecha nyinte kisyonöt nko pöropchö nyo ngörokecha ompö asispa machat.

EPRANIA 5:7

Kisagh Yeso Tororöt nyo kimuköy kïsöruno nyinte meghat akïrirchï atanya kimi ngwïnyinï. Kïterchï Tororöt nyinte ompöwölo kipöghisyechini nyinte Tororöt.

1 PETRO 1:17

Otini osoghekwa Tororöt okurokwa nyinte Papo. Kïlenyona mïchini onkïtunökwa lö, rwokyini nyinte chi anka tïkwïl kïrïp kegh nko ighisyewutkachi amökïlönye pich. Opöghisyeghenö nyu osiswekwo cho totïngetenö ompö ngwïnyinï omikwa le to ompö kiwaghata Tororöt.

1 PETRO 2:20

Ompöwölo nyoru chi salat ne nyo mïkukönöy ato kïmi kemunyöy ompö lelutkachi? Wölo ato omïkukönökwa ompö nyörïlwok, kïrkegh omitenökwa oghöy nyo karam, soyönokwa Tororöt ngölyontononi.

1 PETRO 2:5

Opkonchinö nyinte le köghïn cho sötote, akonï kegh alïkwï koghi cho teko nyinte kö pö saghat, atopöghisyeghenö wöloni le tïsï cho tïlilöch cho tötoy köröstino mïkulögh cho chömöy Tororöt ompö ara Yeso Kristo.*

NGONGUT 1:6

akwighecha kelïkuna tïsï cho pöghisyechini Paponyi Tororöt. Nya nyu kïpöyit ororyö Yeso Kristo nko owesyö, kokay nko kokay! Amen.

NGONGUT 15:4

Ekï ngo nyo mewöghinyinye köny? Akï ngo nyinte nyo töghöy lö taparta owesyengu? Nyi onkït nyo ichï tïlil. Pkonöy puntonï lapay kïsoghinyi, ompöwölo rumteghote ighisyewutköku cho tenote ompö chane löwïr.”

NGONGUT 5:10

Keghanyi chane kilïkwï pipö pöyunöt nko tïsï cho pöghisyechini Tororötïncha, akïpayta ngwïny.”