EPRANIA 12:22 - PIPÏLIA

²² Wölo katukwa kutïng pö Sayon* akwa kanasyanta Tororöt nyo satate, Yerusalem nyo pö yïm, wölo nyoryegho malayken cho makïrar.

EPRANIA 12:22 ပူးပေါင်းရင်းမြစ်များ

2 PÖYTOGHÏ 19:4

Köyonï pöytoghinto Asirya Rapsyake nyo kengwïn kumwagh Tororöt nyo söpöy. Nya kunan ECHOTYON Tororötïngu ngalechï pö chïpö atökïkar kong pïchoni kangalana kutingwa ngalechoni. Kïlenyona, soghchinö piköcho cho le ngötunön.”

TUMWÖY 2:6

“Kotönön pöytoghintenyu kïtöpö Sayon,* kutïngtönyan nyo tïlil.”

TUMWÖY 42:2

Omchinanïn maral Tororöt, maral nyo pö Tororöt nyo satate. Owetan oyï atotuyö nko nyinte?

TUMWÖY 48:2

Kogh akï pïchigh Sayon,* kutïng pö Tororöt nyo mi okumpö löt. Ipchini kanasyanta pöytoghin pipö ngwïny kïmïkul ngörekyö nyo wow. Lata Sayon kutïng pö Sapon parak.

TUMWÖY 68:17

Ngwïno Echotyon Sinay, kutöngu möngenyi nyo tïlil kïmi nko nkarinechi pö lïk cho owesöch cho makïrar.

TUMWÖY 84:2

Omchinanïn emö kïtya, Kö nyo pö Tororöt! Tumchini mïkulöwunyan kïmïkul Tororöt nyo satate ompö ngörekyö.

TUMWÖY 87:3

Ngölono pich parakungu ngala ororyö, we kanasyanta Tororöt.

ISAYA 12:6

Akwa cho omöngöy Sayon,* oteghyenö atum ompö ngörekyö! Ompöwölo wow Tororöt pö Israel nyo Tïlil.”

ISAYA 14:32

Ekeyokyinecha ne pich cho yonu pipö Pilisti köny? Kïmwochinecha chane lö kakuchïchim ECHOTYON konyi nyo mi Sayon* akakutö pikachi cho kikirey kïryoghchï wöloni tïghume.

ISAYA 24:23

Atolapay kïtuwit arawa tökulïwu asis ngat, ompöwölo lïku ECHOTYON Kimuktoghin pöytoghin. Pöytoy nyinte ompö kutïng pö Sayon* nko ompö Yerusalem, atökïsïwa kintöghoghi pich ororyenyi.

ISAYA 27:13

Kïkutöy kontï otini ketï asisoni nyo kuruno pich koro Asirya nko nyo pö Misri pipö Israel cho kipïnchï koroswechoni. Mïlonchot chane akïpka kïsagha ECHOTYON kanasyanta Yerusalem, kutïngtanyi nyo tïlil.

ISAYA 28:16

Anyï ye nyu kïgh nyo mwowu Echotyon TORORÖT Kimuktoghin lö, “Otöninan Sayon kogh nyo tighöy kö, kogh nyo kiketyam, kogh nyo töpuno luch nyo pö olyot nyo wow, tighöyonto kö nyo pö man, melö kuskusöy chi nyo ghanate.

ISAYA 51:11

Mïlisyot pich cho kisörï ECHOTYON Sayon, pkonöy kïtumonu ompö ngörekyö nyo wow Ngöreksot chane kokay. Roryot chane akïngörekyö, akïngeta chane nyarïl nko ngwonïn kokay.

ISAYA 51:16

Kotönön ngalechan kutingu, awïngchinyi rurwo ewunyan. Kyoghïtan wölnö le mïröt atek pchörin cho tighöy ngwïny. Olenchinan pipö Sayon, ‘Ochikwa piköchan!’ ”

ISAYA 59:20

“Ongwïnan nyo ochï Ghetintenkwa Sayon,* ongwïnchinan pipö Yakopo cho kökötö ngokikwa. Mwoghöy ECHOTYON.

ISAYA 60:14

Pkonöy pipö ara pïchoni reyinyi kïkïtïngö tawungu ompö konyït, kïpka cho kisösinyi kïkïtïng akïsagh ompö kelyeku. Kurinyi lö, ‘Kanasyanta ECHOTYON,’ ‘Sayon,* kanasyanta Tororöt pö Israel Nyo Tïlil.’

YEREMIA 10:10

Wölo ECHOTYON kï Tororöt pö man. Tororöt nyinte nyo söpöy, Pöytoghin nyo pö kokay. Otini kanarek kurïngring ngwïnya. Kor ne nyo köngöy nörkyengu nya?

YEREMIA 17:25

kïlïtu, pöytoghï cho mïlöy ngacharu pöytoghin Daudi nko yetïntinekwa kukotï kanasyantanete kïpegho angoletin nko nkaritin. Lïtu chane nko pipö Yuda nko löwïr cho möngöy Yerusalem. Lïku nyu Yerusalem kanasyan nyo mangate kokay.

DANIEL 6:26

Kamwaghan ompö pöyunötenyan kïmïkul lö mïchini kuwagh akïkonyït chi anka tïkwïl Tororöt pö Daniel. Ompöwölo Tororöt nyinte nyo satat akïtöpo nyinte kokay. Melö kinyoröy pöyunötenyi nyonikïny amelö wonyot owesyenyi kokay.

DANIEL 7:10

Kiyinuna champilwa ma tawunyi. Kïpka pich cho chang cho kipöghisyechï nyinte. Akughyongö tawunyi pich cho makïrar. Kutor kokwö kurwoch, kengany kitapun.

OSEA 1:10

Wölo chongitu nyu pipö Israel le ngayam ompö sörömu nanam, cho mökimukönye kepim anta kiyit. Wölay kilenchï Tororöt chane, “Mochikwanye piköchan,” wölo itïtoy ato lenchini, “Ochikwa monïngo Tororöt nyo satate!”

YOEL 2:32

Wölo chïwïtöy chi anka tïkwïl nyo kuröy kaynata ECHOTYON, ompöwölo lentöy ECHOTYON, ‘Mi ngötunön cho kïsöru ompö kuntïng pö Sayon nko Yerusalem cho okuran ante.’ ”

MATAYO 16:16

Kuyokyï Simon Petro lö, “Ichinyi Kristo,* Wero Tororöt nyo satate.”

MATAYO 5:35

anta wolwolchï kegh ngwïny, ompöwölo ngacharu kelyechi anta ompö Yerusalem, ompöwölo kanasyanta Pöytoghin nyo wow.

RUMI 11:26

Kïsöru nyu atoni pipö Israel kïmïkul, kïle wölo mwoghöy Kikirut lö, “Ngwïno asïyech Ghetin Sayon,* akupuktegho nyinte pipö Yakopo ghöyityö.

RUMI 9:26

Akwompö atoni kikïmwochinegho chane lö, ‘Mochikwanye piköchan,’ kikuröy chane ompö atoni lö monïngo Tororöt nyo söpöy.”

KALATIA 4:26

Wölo tyakate kanasyanta Yerusalem nyo pö parak akï yoncha nyinte.

EPESO 2:19

Kïlenyona mochikwanye ngat pipö punton pïnot nko to, kalïkukwa ye pipö möngot akonga nko pipö Tororöt, pich cho omitö Kö pö Tororöt.*

KINONO KIRURUT 33:2

Kingwïna ECHOTYON kutïng pö Sinay, kipusuna Edom le asis akulïwchï pikachi kïngetunö kutïng pö Paran. Kimi nyinte nko malayken cho makïrar akimi ewunyi nyo pö tagh lyopötö.

KINONO KIRURUT 5:26

Möminye ptangengmöt nyini kïny nyo kimï kïlïm kuti Tororöt nyo satate kïngölonuno ma akïngötï lenyini kakïlïmacha.

PILIPI 3:20

Wölo acha kïmi möngencha yïm, akemitecha keköngöy ompö machat nyo wow Ghetintenyo kungwïna yïm, nyoni kï Echotyon Yeso Kristo,

1 TESALONIKE 1:9

Ngölono pich tïkwïl wölo kyataktekwa acha, atanya kikïrutowucha nko wölo kyataghtekwa saghata körkeyïntin, apöghisyechï Tororöt pö man nyo söpöy,

2 TIMOTEO 4:18

Sörwanïn Echotyon ompö kïgh anka tïkwïl nyo gha, akïripanïn ntökïtenö atan Pöyunötenyi nyo pö yïm. Nya kïsïch nyinte ororyö kokay nko kokay! Amen.*

EPRANIA 10:31

Möminye kïgh nyo gha tya kïsir atosïkö chi kirwok Tororöt nyo satate!

EPRANIA 11:10

Ompöwölo kimi Apraam kïköngöy kanasyan nyo chïchïmate kanasyan nyo kisyok Tororöt akïtek akï tïngönchï.

EPRANIA 11:16

Wölo kimi chane kïyöröy kore anka nyo karam nyo pö mi yïm. Nka nyoni mölolïyönönye Tororöt kïkurö chane nyinte Tororötïngwa, ompöwölo kikwighchï chane kanasyan.

EPRANIA 13:14

Ompöwölo mökïtïngetechanye kanasyan nyo mi ngwïnyinï nyo ngötu. Kïmitecha kekönöy kanasyan nyo ngwïnöy.

EPRANIA 3:12

Orip kegh tupchenichu, tömötöp ntökïrumunö chi kwenunkwa nyo tïng mïkulögh nyo gha nyo puryö kighanat nyo ighöy nyinte ntökïpïstö Tororöt nyo söpöy.

EPRANIA 9:14

Wowitu nyu tya tïlilyö nyo kïsïkonecha kisön pö Kristo! Nyinte nyini kikonï kegh kïlïkwï amöros nyo lïpop ompö tawu Tororöt ompö ara Mïkulögh nyo Tïlil nyo pö kokay. Wunöy kisönkachi sïkunöteto mïkulisköcha kïngetunö ighisyewut cho puryö kinyiwut atökemuka kepöghisyechinö Tororöt nyo söpöy.

YOSWÖ 3:10

Tosöwunö ompö yete lö mito Tororöt nyo satate kwenunkwa akï yonöy akwompö akwa nyo mötïny, pipö Kanan nko pipö Ititi nko pipö Ipiti nko pipö Peris nko pipö Kirkasyi nko pipö Amori nko pipö Yepusi.

YUDA 1:14

Kingor werkoynön Enok, nyo kile kuköto mut nko odeny kïngetunö Adam paraku pïchete lö, “Ngwïnöy Echotyon nko malaykenichi cho tïlilöch cho le elpun cho chang.

NGONGUT 14:1

Atolapay asïwan Wawa Kech kughyongo kutïng pö Sayon* nko pich 144,000 cho kikikirchï tokochwekwa kaynata Yeso nko nyo pö Kwanta.

NGONGUT 21:10

Kïnamanïn Mïkulöwu, Tororöt atolapay kumïtanïn malaykayantanay ntatan paraku kutïng nyo kogh tya. Kuporwanïn Yerusalem, Kanasyan nyo Tïlil nyo ngwïno yïm wölo mi Tororöt

NGONGUT 21:2

Asïwan Kanasyan nyo tïlil, Yerusalem nyo rel, kïrökunö yïm wölo mi Tororöt, kanasyan nyo kikipïch lasiny akïmi kïpsach, le mïrar nyo nopchini kegh santenyi.

NGONGUT 22:19

Kïlenyoni tïkwïl, ato chïchuk chi ngölyonto werkoynön nyo mi kitapunï, kïsöro Tororöt nyinte karerantanyi nyo pö ket pö söpon nko karerantanyi nyo pö Kanasyantanay tïlil kakïmwowunö kitapunete.

NGONGUT 3:12

Oghan chi nyo rïntoy kïlïku koghpa luch nyo pö Kö pö Tororötïnyan* amöngetonye wölini kokay. Okirchinan nyinte kayneto Tororötïnyan nko kayneto kanasyanta Tororötïnyan, nyoni kï Yerusalem nyo rel nyo rökuno yïm kungwïno wölo mi Tororötïnyan, akirchinan chane ngat kaynenyan nyo rel.

NGONGUT 7:2

Asïwan malaykayan anka nyo kipusuna kongasis nyo kitïng macheypa Tororöt nyo satate. Kïlenchï malaykenichay le angwan kitö Tororöt owesyö kunyar ngwïny nko nanam,