EPRANIA 11:26 - PIPÏLIA

²⁶ Kisïwa lö kaykay tya kuwongwï chi nko Kristo* kïsir kenyorï monkornöno koro Misri kïmïkul ompöwölo kimi kukönöy ropöwon nyo mi tagh.

EPRANIA 11:26 ပူးပေါင်းရင်းမြစ်များ

TUMWÖY 37:16

Ngwangwa meywontöno chi pö man kïtïl mökosyo mwokïyis.

TUMWÖY 69:20

Kenyar sasata mïkulöwunyan nka nyï ye kowongwan. Koyöran kisyonöt, wölo melö konyorwan. Kayaran soghsoghï, wölo monyorwanye.

TUMWÖY 69:7

Kakïsasanïn ompö nyi nka nyï ye kelum tokochunyan arasï.

NGÖTÏNYÖ 11:18

Nyoru mwokïyon ropïyeni lïs, wölo nyoru chi nyo kötkötöy man ropöwon nyo mötïnye.

NGÖTÏNYÖ 23:18

Mito kikönötö nyo pö osis cho pkonöy nyo mötïny, amelö kingötïyöy kikönötengu. Ngöghomnyö nyo pö taman nko mut

ISAYA 51:7

“Atera ngalechan pich cho onkït man, cho okomönchini kinetutköchan mïkuliskökwo. Mowöghisyö ato roröchokwa pich akïchïpokwa.

MATAYO 10:41

Akwanka tïkwïl nyo toköy werkoyon ompöwölo werkoyon nyinte, kïnyoru ropöwonto werkoynön, akwanka tïkwïl nyo toköy chi pö man ompöwölo pö man nyinte, kïnyoru ropöwonto chi pö man.

MATAYO 5:12

Oturonchenö angörekyö, ompöwölo wow ropöwontenkwa nyo mi yïm. Ompöwölo kikichop kong werkoy cho kimi tawunkwa lenyoni.

MATAYO 6:1

“Orip kegh moporï ighisyewutkökwo cho karamach cho pö saghat ompö tawu pich lö tökesïwak. Ato aghakwa lenyoni melö tonyorunekwa ropöwon ompö Paponkwa nyo mi yïm.

LUKA 14:14

Ato ighanyi lenyoni, isïkenyi kisoyönöt, ompöwölo memuköcha chane ntökïghokunyi tïkuchoni kepaghenyi chane. Ghokunyi Tororöt otini ketutunö pipö man ngwen.”

LUKA 14:33

Kïlenyona nyu, möminye chi ompö akwa nyo lïku kinetanenyan, kïpoto ato mayangnye tïkuchi löwïr cho tïng ompö parakunyan.

IGHISYEWUT 5:41

Kïngeta kiyoktoghï Kokwö nko ngörekyö nyo wow, ompöwölo kisïwa lö, mïchini kuwongunö chane kaynata Yeso.

2 KORINTO 12:10

Kïlenyona, ochömonan kegh nyörkölelut nko chïput nko nyörilwok nko kinyarilata kong nko kiwongunöt ompö Kristo, ompöwölo otini ochan nyarkalal, kï atoni ato ochan awes.

2 KORINTO 6:10

Kïrkegh kelatenacha pich cho wongu wölo kïngöreksocha kïtenö osis. Kïlatecha mey cho tïryolöch, wölo kimökosecha pich cho chang, kïlatecha pich cho kïmitö kïtuw akwanyï kïtïngetecha kïgh anka tïkwïl.

EPESO 1:18

Osoghan kutö nyinte mïkuliskökwa löpoyïn tasïwena, ankïtï wölo tenö kikönötö nyo kikurchokwa nyinte nko ororyö nyo pö ropöw cho kiyomisï nyinte pikachi,

EPESO 3:8

Kikïkonanïn kïrkegh ochan mïnïng nyoman kïtïl pipö Tororöt löwïr, wölo Tororöt nyo kikonanïn pöropchö omchï pipö punton Lökoy cho Karamach cho pö sïkönöto Kristo nyo möminye söröm,

PILIPI 3:7

Wölo tïkwïn löwïr cho kyolentan pö tösunöt kï koyitön ye kïlïkwï tïkwïn cho puryö tösunöt ompöwölo Kristo.

EPRANIA 10:33

Kikimwaghakwa ompö tawu pich akeghapghapekwa kïnyïl cho chang wölo amukakwa tonyoryö nko pikö walaka cho kikinyaril kong le akwa.

EPRANIA 10:35

Mopïstö nyakanatengwo ompöwölo tïng ropöwon nyo wow.

EPRANIA 11:6

Akwoto puryö kighanat kïmemukonye kegh Tororöt kïngarak. Ompöwölo mïchini chi nyo wechini Tororöt, kughan lö mi Tororöt akutöni ropöw chane cho yöröy nyinte.

EPRANIA 13:13

Kepe nyu sanypa kanasyan wölo mi nyinte atökepara arasï nyo kisïch nyinte.

EPRANIA 2:2

Kirumtö lö, pö man ngölyon nyo kikonï malayken akwanka tïkwïl nyo kimarïpnye anta ter ngölyontononi, kï kinyorï chane nyarïl nyo kimïchï lelutyononi.

1 PETRO 1:11

Kimukyï chane kunkïtï lö, itu oyï akwosis cho nenach choni kiporchini chane Mïkulöwu Kristo nyo kimi oringwa, otini kimi kïngoröy paraku kiwongunöt nyo kïnyoru Kristo nko ororyö nyo rïpuchoni.

1 PETRO 4:14

Ongörekyenö ato mwaghakwa pich ompöwölo ochikwa pipö Kristo. Poru nyoni mi kïtöpo nko akwa Mïkulöwu ororyö akï nyoni kï Mïkulöwu Tororöt.

NGONGUT 2:9

Onkïtön nyörilwokökwa nko chopatengu, wölo ichinyi sïkön, ankïtön ngalechoni ghach ngöloneninyi pich cho lentöy kïchï pipö Yaudi amenkacha, pö chane Onyöt!

NGONGUT 3:18

Nyo kanya orurin ye nyu lö, alenanïn koltin cho kikiwunö ma atelïkuna sïkön, aiyal ngat sïra nyo rel nyo iloköy tökuyen arasingu nko chïrutyengu aiyal ngat sakïtya konyïn, atemuka rosïtena.

RUS 2:12

Nya kuyokun ECHOTYON choni lapay kighanyi, akïkonïn ECHOTYON Tororöt pö Israel ropöwon nyo wow nyo kengwïnanyi irïpchï nyinte tökïyetïn.”