EPRANIA 11:16 - PIPÏLIA

¹⁶ Wölo kimi chane kïyöröy kore anka nyo karam nyo pö mi yïm. Nka nyoni mölolïyönönye Tororöt kïkurö chane nyinte Tororötïngwa, ompöwölo kikwighchï chane kanasyan.

EPRANIA 11:16 ပူးပေါင်းရင်းမြစ်များ

TOWUNÖT 26:24

Kungwïnchï ECHOTYON oghononi akïlenchï, “Ochan Tororöt pö papongu Apraam. Mewöghisyö ompöwölo omitan nko nyi, operurinyi, tösunyi piko yiyengu kïchangit ompö paraku mötworintenyan Apraam.”

TOWUNÖT 28:13

Akimito ECHOTYON kughyongo parakuto lontöwontononi akïlö, “Ochan ECHOTYON, Tororöt pö papongu Apraam, achï Tororöt pö Isak. Okoninyi koronete irïwenyi kïlïku nyengu töninan piko yiyengu.

WUWÖT 3:15

Aimwochï ngat pipö Israel lö, ‘ECHOTYON, Tororöt pö papotïnekwa Apraam nko Isak nko Yakopo nyo keyokwanïn wölo omitekwa.’ Nyï kï kaynatenyan kokay nyo kurenanïn pïnwöy.

WUWÖT 3:6

Akïlö, “Ochan Tororöt pö papongu, Apraam nko Isak nko Yakopo.” Kïkarta Musa tokochunyi, ompöwölo kiwagh kura Tororöt.

WUWÖT 4:5

Kïlenchï ECHOTYON, “Ighenyi le nyete atökughan chane lö ECHOTYON, Tororöt pö papotïnekwa Apraam nko Isak nko Yakopo nyo kengwïnchinyi.”

YEREMIA 31:1

Lentöy ECHOTYON, “Ompö osiswechoni, konyïtanïn kestoni pipö Israel löwïr lö ochan Tororötïngwa akïlïkwï chane piköchan.”

MATAYO 25:34

Atolapay kïlenchï pöytoghintö pïchinö mi ewunyi pö tagh, ‘Apkana nyu cho kikusoyönok Paponyan! Apkana atacha pöyunöt nyo kikekïlwekwa kïngeta otini le towunöto ngwïny.

MARKO 12:26

Kïkany ompö ngala kitutunöto pich cho kimeghö, tomönye so osomönökwa kitapu Musa atay ngölono wuw nyo kinöghöy? Kïlenchï Tororöt Musa, ‘Ochan Tororöt pö Apraam, achï Tororöt pö Isak, achï Tororöt pö Yakopo.’

MARKO 8:38

Chi anka tïkwïl nyo lolïyonöy ompö ani nko ngalechan ompö tawu pïchï pö osiswechï le kalomok akïmwokïyis, kïlolïyonchini tïkwïl Wero Chi chane ato ngwïn nko ororyeto Kwanta kïmi nko malaykeni Tororöt cho tïlilöch.”

LUKA 12:32

“Amowöghisyö, okwotnï mïnïng, ompöwölo kacham Paponkwa nyo mi yïm kïkonokwa Pöyunötenyi.

LUKA 20:37

Ompö ngalechï pö kitutunöto pich cho kimeghö, olentan Musa nyinte nyo kiporï lasiny atay kikir ngala sïkwïr nyo kinöghöy. Ompö atoni kimwa nyinte lö, Echotyon, ‘Kï Tororöt pö Apraam, akï Tororöt kï Tororöt pö Isak akï Tororöt pö Yakopo.’

YOANA 14:2

Mi korïn cho chang kato Paponyan, ntökömökïlenye nyoni kötomwowokwa. Owetan ye oghwokwa wölo omöngöy.

IGHISYEWUT 7:32

‘Ochan Tororöt pö papotïneku, Tororöt pö Apraam nko nyo pö Isak nko nyo pö Yakopo.’ Kïpotan Musa ompö kiwaghat amemïnye kuros nyinte.

PILIPI 3:20

Wölo acha kïmi möngencha yïm, akemitecha keköngöy ompö machat nyo wow Ghetintenyo kungwïna yïm, nyoni kï Echotyon Yeso Kristo,

2 TIMOTEO 4:18

Sörwanïn Echotyon ompö kïgh anka tïkwïl nyo gha, akïripanïn ntökïtenö atan Pöyunötenyi nyo pö yïm. Nya kïsïch nyinte ororyö kokay nko kokay! Amen.*

EPRANIA 10:34

Kyaghamakwa nyarïl nko pich cho kikïrat. Otini kimasenokwa pich tïkukwo, opïstekwa ompö ngörekyö, ompöwölo kyonkïtökwa lö, otïngetekwa tïkwïn cho karamach tya ompö yïm akï tïkwïn cho tïpiyot kokay.

EPRANIA 11:10

Ompöwölo kimi Apraam kïköngöy kanasyan nyo chïchïmate kanasyan nyo kisyok Tororöt akïtek akï tïngönchï.

EPRANIA 11:14

Ompöwölo poru kïrumï pich cho mwoghöy ngal cho lata choni lö mi chane kïyöröy kor nyo le nyingwa kegh.

EPRANIA 11:40

ompöwölo kimököy Tororöt chane kïköngisyö tökumor kïnye ropöw cho karamach cho kikiyomiswecha.

EPRANIA 12:22

Wölo katukwa kutïng pö Sayon* akwa kanasyanta Tororöt nyo satate, Yerusalem nyo pö yïm, wölo nyoryegho malayken cho makïrar.

EPRANIA 13:14

Ompöwölo mökïtïngetechanye kanasyan nyo mi ngwïnyinï nyo ngötu. Kïmitecha kekönöy kanasyan nyo ngwïnöy.

EPRANIA 2:11

Nyinte nyo tïlilöy nko chane cho kitïlilöy kïtïng löwïr apite akonga nko nyinte. Nka nyoni mösïwïyinye Yeso arasï kïkurö chane tupchenichu.

NGONGUT 21:2

Asïwan Kanasyan nyo tïlil, Yerusalem nyo rel, kïrökunö yïm wölo mi Tororöt, kanasyan nyo kikipïch lasiny akïmi kïpsach, le mïrar nyo nopchini kegh santenyi.