EPRANIA 10:36 - PIPÏLIA

³⁶ Mïchini omïkukönökwa atamuka agha machata Tororöt, tonyorunö kini kikiyomisï.

EPRANIA 10:36 ပူးပေါင်းရင်းမြစ်များ

TUMWÖY 37:7

Sisa nyu ompö tawu ECHOTYON aikön nyinte. Mesus kegh ompö pich cho mökosöch anta tötoy wököt.

TUMWÖY 40:1

Kyakanyan ECHOTYON ompö mïkukönöt, kïwaghaka akïter riratenyan.

MATAYO 10:22

Nguyokwa pich tïkwïl akwompö ani. Wölo anka tïkwïl nyo ghyongtoy ntökwit söröm, kesöru.

MATAYO 12:50

Ompöwölo chi anka tïkwïl nyo ighöy machata Paponyan nyo mi yïm, kï nyoni nyo le werïncha akï cheptöncha akï yonyan.”

MATAYO 21:31

Ngo nyu nya werchï kwodeny nyo kigh machata kwanta?” Kuyokyï lö, “Nyay pö tagh.” Kïlenchï Yeso, “Omwowokwa nyoman lö nyoghöy kïlïtöy kwöghi surï nko cheporestin Pöyunöto Tororöt kïtïlekwa.

MATAYO 24:13

Wölo ato mïkukön chi ntökwït söröm, kesöru.

MATAYO 7:21

“Molenchï kegh lïtöy Pöyunöto Yïm chi anka tïkwïl nyo mwoghöy lö, ‘Echotyon, Echotyon,’ kïpoto chi cho ighöy machata Paponyan nyo mi yïm.

MARKO 3:35

Chi anka tïkwïl nyo ighöy machata Tororöt, kï werïncha akï cheptöncha akï yonyan.”

LUKA 21:19

Achïchïm nyu lasiny tonyorunö söpon.

LUKA 8:15

Kïnyïl kösïghechay kichïnchï nyïngwïtyan nyo akwagh kï pich cho lïmöy ngölyonto Tororöt akïkomönchï mïkulögh nyo ghanat, akï nyo karam, akïmïkukön ntökïyï akwa.

YOANA 7:17

Ato cham chi kwigh tïkwïn cho mököy Tororöt nyinte kwighöy, kunkïtu lö ekapkana ngalechï onetan wölo mi Tororöt anta ongölonan ngalechan kegh.

IGHISYEWUT 13:22

Kïkany kunategha nyinte, kutö Tororöt chane Daudi kïlïkwï pöytoghintengwa, akïsöwintönchï lö, ‘Kasïwan Daudi wero Yese lö chi nyo koyöran akï chi nyo ighöy machatenyan lapay.’

IGHISYEWUT 13:36

Ompöwölo kikany kuwany Daudi kwigh machata Tororöt ompö pïntanyi, kïpas aketïp nko papotïnechi, akïnïn portanyi.

RUMI 12:12

Akanya kïkonok kikönötengwo ngörekyö kïnomnyö, amïkukön ompö nyörilwok, akil kegh kïnomnyö ompö saghat.

RUMI 12:2

Marïp otöptino pipö ngwïnyinï, wölo nya kïwaghach Tororöt kinonutkökwo. Pköchokwa nyu atoni lö ne machata Tororöt, ankïtukwa kïgh nyo karam nyo ngörokini nyinte akï kïltït.

RUMI 2:7

Töni Tororöt söpon pö kokay pich cho ighchini pikö walaka nyo karam akïsomöy Tororöt kutö chane ororyö nko konyït nko söpon nyo melö wïröy.

RUMI 8:25

Wölo ato kikönöcha kïgh nyo melö kïsïwïyecha, keköngisïyecha ompö mïkukönöt.

1 KORINTO 13:7

Kömöghöy chomnyogh ngal löwïr, akughönöy tïkwïn löwïr, akukönisïyi, akïmïkukönöy ompö ngal löwïr.

KALATIA 6:9

Kïlenyona, mökyoghochö otini kighöy ighisyewut cho karamach, ompöwölo ato mökyoghochechanye, kwitu nyu ato kilecha.

EPESO 6:6

Agha lenyoni amelö otinö rosokwa chane atökïkwolokwa, wölo aghena mïkulöwungwo kïmïkul kïrïp kegh nko machata Tororöt le mötwori Kristo.

KOLOSAY 1:11

Nya kuchïchimakwa Tororöt ompö owesyo ororyenyi kïmïkul atamuka omïkukönö, akamagh kïgh anka tïkwïl ompö ngörekyö.

KOLOSAY 3:24

ompöwölo onkïtökwa lö konokwa Echotyon ropöwon nyo omïlekwa, nyo kirorchï nyinte pikachi. Ompöwölo nyinte nyo opöghisyechinekwa kï Echotyon Kristo.

KOLOSAY 4:12

Ketakwesakwa tïkwïl Epapra nyay ngwïno korenkwa akï mötworinto Yeso Kristo. Soghwokwa nyinte nyoman kïnomnyö atamukakwa oghyongö le pich cho kikïkil lasiny ompö ngal cho mököy Tororöt.

1 TESALONIKE 1:3

Kinonecha ompö tawu Tororöt akï Paponyo ighisyenkwa nyo pö kighanat nko pöghisyo chomnyogh nko chïchïmata kikönötenkwa ompö Echotyontenyo Yeso Kristo.

EPRANIA 11:39

Kiporï kegh pichoni lö nyökon ompö kighanatengwa. Wölo kimönyorïcha tïkwïn cho kiyomisyï Tororöt chane,

EPRANIA 12:1

Kïtïngetecha acha söwï cho chang nyoman cho kiwitwitecha. Kenateghena nyu nïkisyö anka tïkwïl nyo tungecha nko ngokï cho sïkwïrecha, akeryagh ompö nyakanat kanyanyighos nyo mi tawunyo.

EPRANIA 13:21

Nya kïkonok Tororöt pö kalya kïgh anka tïkwïl nyo omökekwa atamuka agha machatenyi, nya kwigh nyinte kïgh anka tïkwïl nyo tenate ompö ara Yeso Kristo. Nya kïpöyit Kristo ororyö kokay nko kokay! Amen.*

EPRANIA 6:12

Malïkwï körsong, wölo okil kegh, arïp pich cho kighan akïmïkukön atomi söröm kïnyorï tïkwïn cho kiyomisyï Tororöt chane.

EPRANIA 6:15

Kïmïkukön Apraam ato mi söröm kïnyorï kïyoni kiyomisyï Tororöt.

EPRANIA 6:17

Kimököy Tororöt kuporu lasiny lö, möwöghökönye nyinte ngölyontenyi ompö pich cho kikuyomisyï nyinte, nka nyoni kïtasa kiyomisötenyi kiwalwalatenyi.

EPRANIA 9:15

Ompö atoni nyu Kristo nyo le kilinyoghinto muma nyo rel atökumï pich cho kikur Tororöt kïsïch kisoyönöt nyo pö kokay. Nyoru chane kisoyönötononi ompöwölo kima Kristo atökïsörunö pich ngokikwa cho kigh otini kitökïmi chane ngwïnyi mumanay pö köny.

1 PETRO 1:9

ompöwölo katakakwa sörunöto mïkuliskökwa nyini le keröto kighanatenkwa.

1 YOANA 2:17

Weröy ngwïnya nko tïkuchi löwïr cho pïrchini pich, wölo söpöy kokay chi anka tïkwïl nyo ighöy machata Tororöt.

NGONGUT 13:10

Chi nyo kakemutyï kenam akewuw, kenömöy akewuwöy lenyoni nyo mötïny. Akwanka tïkwïl nyo kakemutyï kepara chok, kepöro chok nyo mötïny. Kïlenyona, mïchini pipö Tororöt kïmïkukön ompö kighanat.

NGONGUT 14:12

Akwompö choni, mïchini kïmïkukön pipö Tororöt. Choni kï chane cho rïpöy Kirurut pö Tororöt amötomtomön kughönöy Yeso.