35 Mopïstö nyakanatengwo ompöwölo tïng ropöwon nyo wow.
Töni mötworintengu chïreryö. Nyinte nyo rïpöy kïnyoru ropöwon.
“Chi anka tïkwïl nyo portonanïn ompö tawu pich, oportonan nyinte tïkwïl lenyoni ompö tawuto Paponyan nyo mi yïm.
Akwanka tïkwïl nyo töni kikompo pögh cho köghïte akonga ompö rïpankachan chete mïnkech, ompöwölo rïpanïn nyinte, kïnyoru ropöwontenyi nyo mötïny.”
Oturonchenö angörekyö, ompöwölo wow ropöwontenkwa nyo mi yïm. Ompöwölo kikichop kong werkoy cho kimi tawunkwa lenyoni.
Ato ighanyi lenyoni, isïkenyi kisoyönöt, ompöwölo memuköcha chane ntökïghokunyi tïkuchoni kepaghenyi chane. Ghokunyi Tororöt otini ketutunö pipö man ngwen.”
Kïlenyona Werköcho cho le chaman achïchïma, amakany ketimtimok, alet tagh agh ighisyo Echotyon kïtenö osis, ompöwölo onkïtökwa lö möpönye kwïle pöghisyenkwa nyo opöghisyechinekwa Echotyon.
Otini kikilinyecha kegh nko Kristo kemantech kegh nyinte, akesïköcha nyakanat kelïtö wölo mi Tororöt, ompöwölo kighönecha nyinte.
Kïlenyona nyu tupchenichu, kakekonecha kimukat nyo kïlïto Wölo Tïlil Tya* ompö kisön pö Yeso.
Kisïwa lö kaykay tya kuwongwï chi nko Kristo* kïsir kenyorï monkornöno koro Misri kïmïkul ompöwölo kimi kukönöy ropöwon nyo mi tagh.
Kirumtö lö, pö man ngölyon nyo kikonï malayken akwanka tïkwïl nyo kimarïpnye anta ter ngölyontononi, kï kinyorï chane nyarïl nyo kimïchï lelutyononi.
Ompöwölo kichicha ghömote nko Kristo ato kïnamacha lasiny kikönötenyo nyo kikïtïngetö otini le tagh ntökwit söröm.
Wölo ghanate Kristo Wero Tororöt nyo kikitö kughyongchï ato paponyi Tororöt. Kïchicha konyi ato kïripöcha lasiny nyakanatenyo nko kikönötenyo ntökwit söröm.
Mïchinecha nyu kenama lasiny kighanatenyo. Ompöwölo kïtïngetecha Tïsin nyo Wow nyo kiwö ntökwit wölo mi Tororöt Yeso, Wero Tororöt.
Kïlenyona nyu orip kegh atömepot kïgh nyo kökyasïngekwa, wölo tonyorunö ropöwontengwo kïmïkul.
