EPRANIA 10:30 - PIPÏLIA

³⁰ Ompöwölo kinkïtöcha nyinte nyini kimwa lö, “Kitakat kï nyinyan, oghoktonan,” akïlö ngat, “Rwokyini Echotyon pikachi.”

EPRANIA 10:30 ပူးပေါင်းရင်းမြစ်များ

TUMWÖY 135:14

Rwokyini ECHOTYON pikachi ompö man, syonchini nyinte mötworichi.

TUMWÖY 50:4

Kuröy nyinte yïm nko ngwïny atökïsöwintönchï, otini rwokyini nyinte pikachi.

TUMWÖY 94:1

We ECHOTYON, Tororöt nyo pö kitakat, ngwanituna lakat!

TUMWÖY 96:13

atomïla ECHOTYON atökïpayta ngwïny. Pöytoy pipö ngwïny ompö man nko kitenat.

TUMWÖY 98:9

Otumenö tawu ECHOTYON ompöwölo kengwïn kurwokyï ngwïny. Rwokyini nyinte ngwïny ompö man akïpayta pich ompö kitenat.

ISAYA 59:17

Loköy nyinte man le ato kiloköy karïn nyo körtoy takat nko rïntagh le kopiyo. Lokyini kegh machat nyo awes atökwigh tïkwïn kuten akuchop kong kutak tïkwïn cho kewongunö pich.

ISAYA 61:2

amwatïta lö kikwitïta ato pöropchini ECHOTYON pikachi, nko asis nyo tökisïyi Tororötïnyo, tökïnyorï saghsaghat pich löwïr cho riryot,

ISAYA 63:4

Kyamwaghan lö kikwitïta ato kïsöru piköchan. Ketïta nyu ato kichopöy kong pungkökwa.

ESEKEL 18:30

“Kïlenyona, orwokyinokwa nyu we pipö Israel, orwokyinan chi anka tïkwïl kïrïp kegh nko ortïnechi. Nyo okötenö apïstö ngokikwo tömowonyö. Mwoghöy Echotyon TORORÖT.

ESEKEL 34:17

“Lentöy Echotyon TORORÖT, kïnyïl akwa okwotïnyu, ani nyo orwokyini kech nko kech anka, mökol nko kwoghe.

LAWIN 19:18

Metökisyö anta ipö kegh sikong nko piköku, wölo chama pöröryengu le wölo ichömtonyi kegh nyinte. Ochan ECHOTYON.

NAUM 1:2

Töni ECHOTYON Tororöt sitöt nyo mötïny pich cho söghöy tororötin walaka. Mungöy pich ompö kitököt ompöwölo pïchoni cho kigh nyinte kïnarek.

RUMI 12:19

Chamankachu, matak ghöyïn nyo kighwokwa, wölo opïsinö Tororöt, ompöwölo mwoghöy Kikirut lö, “Ani nyo otökisïyi, ompö ghöyïn nyo kakighwakwa mwoghöy Echotyon.”

RUMI 13:4

ompöwölo mötworinto Tororöt nyinte nyo pöghisïyi ompö kinyiwutyengu. Wölo ato ighanyi nyo gha, kïmïchini nyu waghanyi, ompöwölo tïng nyinte owesyö kutö chi sitöt. Mötworinto Tororöt nyinte nyo töni sitöt pich cho ighöy cho ghach.

2 KORINTO 5:10

Ompöwölo kighyongocha löwïr tawu ngacharu Kristo* nyo pö kirwok nyo mötïny atökurwokwecha nyinte. Kirwokyini chi anka tïkwïl kïrïp kegh nko ighisyewutkachi cho kigh ato ki karamach anta ki ghach.

1 SAMWEL 25:26

Owolwolan ompö kaynata ECHOTYON nko nyingu lö kepöpekinyi ECHOTYON atömemïlta kisön anta itökisyö. Nya kuwonyö le Napal punköku cho mököy kwighunyi ghöyityö.

1 SAMWEL 26:10

Akïlö ngat Daudi, “Owolwolan ompö kaynata ECHOTYON lö, pöröy ECHOTYON nyinte anta itïta asistanyi nyo meghöy anta kïpara poryot.