EPRANIA 10:29 - PIPÏLIA

²⁹ Anane nyu lasiny lö nyarïl nyo ngwan kïtya nyo sïköy pich cho sösöy Wero Tororöt akïsas kisön pö muma Tororöt cho mwöto pich ngokï akuswom Mïkulöwu Tororöt nyo ipu pöropchö.

EPRANIA 10:29 ပူးပေါင်းရင်းမြစ်များ

2 PÖYTOGHÏ 9:33

atolapay kïlenchï Yeu chane, “Achununa nyinte!” Kïnyini kechunï Yesepel kïtoyechï kisön nayat, kïpechï walaka angoletine, atolapay kunyaknyaka Yeu angoletinechi mïntïrïchnay

TUMWÖY 143:10

Netante arïp machatengu, ompöwölo ichinyi Tororötïnyan! Nya kuntöghoghwanïn mïkulöwungu arïpan or nyo karam.

TUMWÖY 91:13

Itïkenyi wara ngötïny nko mïny, inyirkitenyi ngötuny nko moroyut.

WUWÖT 24:8

Kïcheng Musa kisön akwisö pich akïlö, “Chï kï kisön cho pö muma nyo kam ECHOTYON nko akwa ompö ngalechï.”

ISAYA 14:19

wölo metïngetenyinye pïrïm, kïwirchininyi sany wölo lowö pïrïmpengu. Kïle monïng nyo kakityorunö muyeto kame, akï karkegh nko sïro pö pich cho kikepar, cho röytoy ntökwitïta ngwen kïle mïntïrïch nyo tïkotegho pich kelyön.

ISAYA 28:3

Kïtïkotegho kelyön asïyech menöto kintöghoghi choni le ptangengmötin.

ISAYA 63:10

wölo kïpeny ngalechi akwigh nyinte kuwongwï ompö chane. Nka nyoni kilïkwï ECHOTYON punyontengwo nyo kiporyeghö chane.

YEREMIA 1:5

“Kyonkïtunyi tagh kïtomö aghinyi ompö muyeto yongu akïlchinyi kegh kïtomö keyiyinyi aghinyi lïkuna werkoyon ompö pipö punton.”

LOK 1:15

“Kisas Echotyon nyökon pö piköchan cho pö poryot, akïyonï lïk nyo kingwïn kïpar piköchan cho le chumwak Kitïghotïgh piköchan cho pö Yuda le matay cho kïtïgho könö.

ESEKEL 16:6

“ ‘Otini kyaweran ato lekïto nyi, asïwinyi tyorsïye ompö kisönköku. Olenchinyi isöp lasiny

DANIEL 8:13

Alïman malaykayan nyo kïtep anka lö, “Tösöy tagh tïkuchï mi sïwïyagh nko oyï? Ighöy chane ngokï nko oyï kötö pelöy amörostin? Kïtyökotyököy lïko yïm nko Kö pö Tororöt nko oyï?”

MIKA 7:10

Sïwïyi nyu pungköchan, akïnam arasï chane cho mwowanïn lö, “Mi onö ECHOTYON Tororötïngu tagh nya?” Orosan ye nyu chane ketyökotyököy le norayonto ara kanasyan.

SAKARIA 12:10

“Onyïghitan mïkulöwu kisyonchin nko saghat pipö ara pöytoghin Daudi nko pipö kanasyanta Yerusalem. Ato topön chane nyinte nyo kipara chok, kïsönönchï le chi nyo sönönchini montanyi nyo le akonga atoma, anta le nyo kamegha poretyenyi.

MATAYO 26:28

Ompöwölo kisönköchan chete, nyo puntoy muma* Tororöt cho kïmïltoy ompö pich cho chang atökelöstoghchï chane ngokikwa.

MATAYO 7:6

“Motö kukïdin kïgh nyo tïlil, ompöwölo ngetöy kïsïrokwa. Amowirchï sanayikwo cho pïchighöch tawu nkïruwen atömekurkurö ngwïny.

MARKO 7:2

Kïsïwa kinetanpa Yeso walaka kwomisïyi nko morïn cho le sïmnyon, cho tomönye kewun.

LUKA 12:10

“Kïlöstoghchini ngokï chi anka tïkwïl nyo mwoghöy ngölyon nyo gha paraku Wero Chi, wölo melö kïlöstoghchini chi ngokï nyo mwoghöy Mïkulögh nyo Tïlil.

YOANA 10:36

Kikïlanïn Paponyu akuyokwanïn angwïn ngwïny, kwompö ne tolentekwa ochïpan Tororöt, ompöwölo kolan, ‘Ochan Wero Tororöt?’

YOANA 17:19

Kotïlilön kegh ompö chane atokumï chane tïkwïl kutïlil kegh ompö man.

IGHISYEWUT 7:51

“Akwa tighï! Karkegh mïkulöwekwa nko cho pö pich cho tomöcha kughan Tororöt. Minyote yitikwa kïlïm ngölyonto Tororöt, olyoke Mïkulögh nyo Tïlil le wölo kida alatekwa kukötinekwa, nyoni tïkwïl!

RUMI 16:20

Nyoknyoköy atolekït Tororöt, nyo le towunöteto kalya, Onyöt akutö ngwïnyi kelyekwa. Nya kïtöpö pöropcho Echotyontenyo Yeso nko akwa.

1 KORINTO 11:27

Kïlenyona nyu, chi anka tïkwïl nyo omöy makatyantanoni anta ghegha mpalaw Echotyon ompö or nyo melö mïchinote, kurechini kegh kirwok nyo pö por nko kisön pö Echotyon.

1 KORINTO 11:29

Ompöwölo nyinte nyo omöy akïgheghöy, kwomöy akïgheghöy kirwokenyi kegh.

1 KORINTO 15:25

Ompöwölo pöytoy Kristo lenyini tökïtenö kïrïnta Tororöt pungkachi löwïr akutö chane ngwïnyito kelyechi.

1 KORINTO 15:27

Ompöwölo lentöy Kikirut, “Kikutö Tororöt tïkwïn löwïr ngwïnyito kelyechi.” Wölo otini mwoghöy Kikirut lö, “Kitöni tïkwïn löwïr ngwïnyito kelyechi atökïpayta,” kuporu lö melö kighomisot Tororöt nko tïkuchoni, ompöwölo nyinte nyo kitö tïkuchoni ngwïnyi Kristo.

1 KORINTO 6:11

Kimi pich walaka ompö kwenunkwa cho kighöy le pïchoni. Wölo kikemwatakwa ye aketïlilokwa akelinyokwa nko Tororöt ompö kaynata Echotyon Yeso Kristo* nko ompö ara Mïkulöwu Tororötïnyo.

EPESO 4:30

Orip kegh magh Mïkulögh nyo Tïlil nyo pö Tororöt kïnarek, ompöwölo nyinte kï macheypa Tororöt nyo poru lö ochikwa pikachi akukïniniot lö itu Asis ato tyokokwa Tororöt.

EPESO 5:26

Kigh lenyoni atökïmwat akutïlilchï Tororöt kanisa otini kikikuwany kuwunö pögh nko ngölyontenyi,

EPRANIA 10:10

Akwompöwölo kigh Yeso Kristo machata Tororöt kutötö kegh kïlïkwï amöros nyo pö ngoki pich kïnyïl akonga akïmïchï ketïlilecha ompö ngokicho.

EPRANIA 12:25

Arose kegh nyu tömatagh nyinte nyoni ngölonöy. Ompöwölo ato kimöchïwïtyöcha pich cho kitagh kïlïm ngala chichoni kingwïn ngwïnyinï akuyomisï ngala yïm, ekechïwïtyonecha lö ne nyu ato kïghöpönöcha nyinte nyoni rirwecha ompö yïm?

EPRANIA 13:20

Nya kwighakwa Tororöt pö kalya otïlilitunö ompö köromnyö anka tïkwïl nyo kigh Echotyontencha Yeso nyo le Mösöwonto kechir nyo Wow ompö areto meghenyi kututunö wölo mi cho kimeghö akukïninieghö nyoni muma* nyo pö kokay.

EPRANIA 2:11

Nyinte nyo tïlilöy nko chane cho kitïlilöy kïtïng löwïr apite akonga nko nyinte. Nka nyoni mösïwïyinye Yeso arasï kïkurö chane tupchenichu.

EPRANIA 2:3

Ekechïwïtyonecha nyu lö ne, ato mökïyangachanye sörunöt nyo wow nyo tenö nyï? Kinya Echotyon nyinte tagh kimwowï sörunötononi, kukïniniewecha pich cho kilïm ngalechoni lö, pö man.

EPRANIA 4:14

Mïchinecha nyu kenama lasiny kighanatenyo. Ompöwölo kïtïngetecha Tïsin nyo Wow nyo kiwö ntökwit wölo mi Tororöt Yeso, Wero Tororöt.

EPRANIA 6:4

Ompöwölo, ato töp pich cho kitach löpoyïn pö Tororöt, akïchamcham ropöwonto yïm, akïsïch ghamtagh nko Mïkulögh nyo Tïlil,

EPRANIA 6:6

atolapay kïpïstö kighanatengwa, kïmökïminye nyu or ngat nyo kiyokuno chane tökïkötö, ompöwölo köwudochï chane Wero Tororöt kimurtöwon akurat nyinte ompö tawu pich.

EPRANIA 9:13

Ompöwölo ato kimï kutïlil pich kipispisöto kisön pö ngaror nko cho pö eghin nko aren cho pö mogh cho kikïpel.

EPRANIA 9:20

kïlentöy, “Chï kï kisön cho kïniniot muma nyo kimwowokwa Tororöt lö okonyït.”

NGONGUT 1:5

nko cho pkono Yeso Kristo, söwin nyo ghanate nyo pö tagh kututunö ngwen akï nyinte nyo pöytoy pöytoghi ngwïny kïmïkul. Chömecha nyinte akutyakecha ompö meghenyi kengetunenö rötut pö ngokicho