EPRANIA 10:22 - PIPÏLIA

²² Akanya nyu kerika wölo mi Tororöt ompö mïkulögh nyo pö man nyo tïng kighanat nyo mötïngnye tomtomönöt. Kaketïlilwecha mïkulisköcho kïngetunö sïkunöt nyo gha akemwata porwöyicha pögh cho tïlilöch.

EPRANIA 10:22 ပူးပေါင်းရင်းမြစ်များ

1 PÖYTOGHÏ 15:3

Kwigh Apiya tïkwïl ngokichanye kigh kwanta, amelö kitenate mïkulöwunyi ompö tawu ECHOTYON Tororötïnyi le paponyi Daudi.

1 OTÖPTINO OSIS 28:9

Kïlenchï Daudi Solomon, “Werïnyu, inkïtï Tororöt pö papongu aipöghisyechï nyinte ompö mïkulögh akonga nko kinonut akonga. Nkït nyinte kinonsyewutköcha nko möchutköcha, ato iwechinyi nyinte kïtokinyi. Wölo ato itaghanyi nyinte, kïtöghinyi kokay.

1 OTÖPTINO OSIS 29:17

Onkïtön lö ityömenyi mïkulis, aichömenyi pich cho tïng konyït. Kokonwan chete ompö konyït nko ompö chamatenyan kegh, akasïwan piköku chï kötuyechï yi lö kepunyi ropöw ompö ngörekyö.

TUMWÖY 111:1

Asala ECHOTYON! Oyokyinan sörö ECHOTYON ompö mïkulöwunyu kïmïkul, ompö ghömïcho pich cho tenote nko tuyeto pikachi.

TUMWÖY 119:10

Oyörinyi ompö mïkulöwunyu kïmïkul, mekany opotan kirurutköku.

TUMWÖY 119:145

Okursïyan ompö mïkulöwunyu kïmïkul we ECHOTYON, imölyongwante, oripan kikirutköku!

TUMWÖY 119:2

Soyönote pich cho ripöy kirurutkachi, akïkonyïtöy nyinte ompö mïkulöwekwa kïmïkul.

TUMWÖY 119:34

Konante pköchin atoripön kirurutköku, okomönan ompö mïkulöwunyu kïmïkul.

TUMWÖY 119:58

Osoghinyi ompö mïkulöwunyan kïmïkul lö, syonchante kïrïp kegh nko kiyomisötengu!

TUMWÖY 119:69

Kömïrchanïn put pich cho meghönöcha Tororöt, wölo oripan kinetutköku ompö mïkulöwunyu kïmïkul.

TUMWÖY 119:7

Osölinyi ompö mïkulögh nyo tenate otini omitan onetöy kegh kirwokutköku cho pö man.

TUMWÖY 119:80

Nya kuten mïkulöwunyan ompö kikirutköku atömosïkön arasï!

TUMWÖY 32:11

Ongörekyenö ompö ECHOTYON, oturonchö cho ochï pipö man. Otumö ompö ngörekyö, akwa löwïr cho ochï tenote ompö mïkulögh.

TUMWÖY 51:10

Konante mïkulögh nyo karam, we Tororöt, aitö orinyan mïkulögh nyo sis.

TUMWÖY 73:28

Wölo nyo le ani, mïchinanïn olekïtitwan nko Tororöt. Oghïponan ECHOTYON Tororöt. Omwotïtonan ngal löwïr cho kigh nyinte. Tum pö Asap.

TUMWÖY 84:11

Ompöwölo ECHOTYON Tororöt kï asis akï longa, soyönecha nyinte ompö tölosyö nko konyït. Mötöghonye ECHOTYON kïgh nyo karam, pich löwïr cho ighöy man.

TUMWÖY 9:1

Oyokunyi sörö tya, we ECHOTYON, ompö mïkulöwunyan kïmïkul. Omwochinan pich töngönchin cho kighanyi.

TUMWÖY 94:15

Tuyot ngat kirwokötö nko man, atökïrïp pipö man.

WUWÖT 29:4

“Imïtunyi Aron nko werkachi kïpka kuka Ema nyo mi ECHOTYON* aimwata chane pögh.

NGÖTÏNYÖ 23:26

Werïngu, terwante omwowun kïgh, rïpa kelyechan lasiny.

ISAYA 29:13

Kïlö Echotyon, “Lentöy pïchï kïsoghanïn, wölo melö tïng kinyiwut ngalekwa, ompöwölo lowöch mïkuliskökwa. Tigho kegh chane dini nyo rïpöy kinetut pö pich nko otöptinekwa cho kenet kegh akelimlim.

ISAYA 52:15

Wölo töngönchini ye nyu pipö punton cho chang sisyot pöytoghï lasay ompö töngönchin. Sïwïyi chane akïpköchï kïgh nyo melö kinkït chane tagh.”

YEREMIA 24:7

Otöninan chane mïkulögh nyo muköy kunkïtu lö ochan ECHOTYON. Lïku nyu chane piköchan, alïkwan Tororötïngwa ompöwölo yoku kegh chane kïpka wölo omitan ompö mïkuliskökwa kïmïkul.

YEREMIA 3:10

Amelö ompö kitökïmïleghchanïn Yuda, cheptompö Israel nyo le lïsin ompö mïkulöwunyi kïmïkul wölo ompö lïs.” Mwoghöy ECHOTYON.

YEREMIA 30:21

Ngwïno pöytoghintengwa kwenungwa akungwïno kintöghoghintengwa kwenungwa. Muköy pöytoghintengwa nyoni kïrikanïn otini kokurön lö nyonö ompöwölo ngo chi nyo lentöy orikanïn ompö owesyenyi kegh?” Mwoghöy ECHOTYON.

ESEKEL 16:9

“ ‘Achengan pögh amwatinyi, awuntö kisönköku atolapay ayileninyi mwagh.

ESEKEL 36:25

Atolapay opïspisyokwa pögh cho tïlilöch totïlilitunökwa ompö sïmnyontönengwa nyo mamïnïng nyo pö körkeyïntinekwa löwïr.

LAWIN 14:7

Atolapay kwisö kïnyïl mut nko odeny chichay kitïsöy ompö sömew akïmwa lö melö tökïsïmnyon chichï. Atolapay kïpïstö tarite nyay satate kupiltö.

LAWIN 16:4

Wunöy kegh Aron kïtomö kïwö Wölo Tïlil Tya akulak sïro cho tïlilöch cho pö tïsï sïra nyo kogh nyo tïlil nko sïrwali nko angwa mu nko kopiyö nyo pö katani.

LAWIN 8:6

Atolapay kïkur nyinte Aron nko werkachi kïpka tagh akïmwata pögh.

SAKARIA 13:1

Lentöy ECHOTYON Kimuktoghin, “Kïyotyini asisoni kompö pögh pipö ara pöytoghin Daudi nko pipö Yerusalem nyo mwötöy ngokï nko sïmnyontengwa.

KIYITUT 8:7

Ighenyi le nyï atetïlilö chane: Isonyi chane pögho kitïlilöt aimwochï kïrwak porwoyikwa kïmïkul akuwun sïrokökwa akutïlil kegh.

MATAYO 3:11

Opötisönekwa ompö pögh tökuporï lö kokötekwa ngokikwo, wölo pïnï chi nyo lötunyan nyo pötisönekwa ompö Mïkulögh nyo Tïlil nko ma. Wow nyinte kïtïlanïn amömïchinanïnye ompö ntopchï nyinte kweghkachi.

LUKA 1:1

Takwes apoy Teopilo: Inkïtönyi lö chang pich cho kikumukyï kukir ngalechay kighisyeghö kwenunyo.

YOANA 3:5

Kuyokyï Yeso chichay lö, “Omwowunyi nyoman lö möminye chi nyo muköy kïlïtöy Pöyunöto Tororöt kïpoto ato kïyï nyinte ompö pögh nko Mïkulögh.

YOANA 8:9

Otini kilïm chane ngalechoni, kïnget löwïr kwakonga akonga, kutorö cho kile poyi. Kïngötï Yeso onkït nko kokononi kitökïmi kughyongo atoni.

IGHISYEWUT 22:16

Akï yeo, ne nyo iköngenyi? Ngeta kepatisanïn atökemwötun ngokiku otini ikurenyi kaynata Echotyon.’

IGHISYEWUT 8:21

Möminye karerantangu anta ghömïchö nyo itïngetenyi ompö ighisyencha, ompöwölo metenatenye mïkulöwungu ompö tawu Tororöt.

1 KORINTO 6:11

Kimi pich walaka ompö kwenunkwa cho kighöy le pïchoni. Wölo kikemwatakwa ye aketïlilokwa akelinyokwa nko Tororöt ompö kaynata Echotyon Yeso Kristo* nko ompö ara Mïkulöwu Tororötïnyo.

2 KORINTO 7:1

Kïlenyona nyu, werköcho, otï kakekonecha kiyomisutchï löwïr, ketïlilö nyu kegh akewirta kïgh anka tïkwïl nyo muköy kusïmnyonöy por nko mïkulögh atökelïkuna pich cho tïlilöch lasiny ompö techata Tororöt.

EPESO 3:12

Otini kikilinyecha kegh nko Kristo kemantech kegh nyinte, akesïköcha nyakanat kelïtö wölo mi Tororöt, ompöwölo kighönecha nyinte.

EPESO 5:26

Kigh lenyoni atökïmwat akutïlilchï Tororöt kanisa otini kikikuwany kuwunö pögh nko ngölyontenyi,

EPESO 6:5

Akwa sekey, ateka echotkökwo ompö kiwaghat nko potanat, apöghisyö ompö kitenata mïkulögh le ato kötopöghisyechinekwa Kristo.*

1 TIMOTEO 4:2

Kinetut cho lata choni chay ipsötoy pich cho le lïsï, cho kimeytoy choghïntinekwa kïlentöy chi kikïpela karïn nyo nöghöy lakat.

TITO 3:5

kïsörwecha nyinte. Melö ompö pöghisyewut cho karamach cho kikighacha, wölo kïsörwecha ompö kisyonötenyi nyinte kegh, ompö kiwunöto yiyö nyo rel nko söpon nyo konecha nyinte ompö ara Mïkulögh nyo Tïlil.

EPRANIA 10:1

Ompöwölo ki rurwö kwïle kirurut cho pö tïkwïn cho karamach cho melö körkeyïn lasiny nyo pö ngale chunö le chane. Memukönye nyu amörostinechoni kïroptoy osis löwïr ompö könyi anka tïkwïl ntökwigh pich cho soghöy kïtïlilöchitu.

EPRANIA 10:19

Kïlenyona nyu tupchenichu, kakekonecha kimukat nyo kïlïto Wölo Tïlil Tya* ompö kisön pö Yeso.

EPRANIA 11:28

Kigh kighanata nyinte kwam Pasaka* akïmwochï pich kuchukö kisön kukot, tömengwïn Malaykayanta Meghat kïtïgh poretayi pipö Israel.

EPRANIA 12:24

Kapkanakwa wölo mi Yeso nyo kingwïn kwigh muma* nyo rel akï kïmïlta kisönkachi cho ngölonöy tïkwïn cho karamach kïtïl chanya pö Apel.

EPRANIA 4:16

Kerikyinö nyu ngacharu Tororöt nyo pö ororyö ompö nyakanat, atökenyorunö pöropchö. Kïsïkonecha nyinte kisyonöt nko pöropchö nyo ngörokecha ompö asispa machat.

EPRANIA 6:11

Wölo kïtïngetecha machat akonga lö tenoghyö chi anka tïkwïl ompö akwa ntökwit sörömuto söpontanyi, ntökwitïta ngalechoni omitekwa okönöy.

EPRANIA 7:19

Ompöwölo kimemïcha Kirurut pö Musa ntökwigh kïgh anka tïkwïl kuten. Wölo kakekonï ye nyu kikönöt nyo pïchigh tya nyo kimukonecha kelekïtitunö nko Tororöt.

EPRANIA 9:10

Pörtoy ngalechoni löwïr kirurut pö omisyewut cho lata gheghsyö nko otöptino tïlilyö. Pö ngalechoni löwïr sany akitökïtïng kinyïwut ntökïtenö kwitï ato ighöy Tororöt tötutkö walaka cho relach.

EPRANIA 9:19

Kinya Musa kïmwochï pich löwïr kiyomisutchoni le wölo kikikïrta ompö kirurut atolapay kïcheng kisön pö mogh nko pögh nko puto kech cho pïröch akïpöghisyeghö kamisyan nyo pö ket nyo kïkuro isop* akwisö kitapu Kirurut* nko pikö kïmïkul,

YAKOPO 1:6

Wölo mïchini chichoni kïsom Tororöt ompö kighanat amötomtomön. Ompöwölo chi anka tïkwïl nyo tomtomönöy kï karkegh nko mirtino pögho nanam cho kutöy yomöt akïyumtö kïpa wölnö nko wölnö.

YAKOPO 4:8

Arika wölo mi Tororöt atökïrikakwa nyinte. Owunö ewunekwo akwa mwokïyischï! Amwata mïkuliskökwo, akwa lïsichï!

1 PETRO 1:2

Kikïkïlakwa kïrïp kegh nko machata Papo Tororöt aketïlilokwa ompö Mïkulöwunyi atoterchinö Yeso Kristo atökuwunokwa kisönkachi. Osoghan lö nya kïtasa tya pöropchö nko kalya ompö akwa.

1 PETRO 3:21

Kicheng ngalechoni körkeyïn pö kipatisanat nyo sörwokwa otï le ye ompö owesyo Kristo. Molenchï kegh kipatisanat kï kemwatïta sïmnyonto por, wölo ayomis nyo kïmwochini Tororöt ompö choghïn. Sörwokwa kipatisanata ompö kitutunöto Yeso Kristo,

NGONGUT 1:5

nko cho pkono Yeso Kristo, söwin nyo ghanate nyo pö tagh kututunö ngwen akï nyinte nyo pöytoy pöytoghi ngwïny kïmïkul. Chömecha nyinte akutyakecha ompö meghenyi kengetunenö rötut pö ngokicho