EPRANIA 10:12 - PIPÏLIA

¹² Wölo kikonï Kristo amöros akonga nyo pö ngokï amöros nyo mïchini kokay atolapay kïwö kïtöpunö okumpö tagh nyo pö Tororöt.

EPRANIA 10:12 ပူးပေါင်းရင်းမြစ်များ

TUMWÖY 110:1

Mwochini Tororöt echotyontenyan pöytoghin lö, “Töpenö ewunyan nyo pö tagh tökïtenö otönön punköku moriku.”

MARKO 16:19

Otini kiwany kïngölonöy Echotyon Yeso nko chane, kep nyinte kutang yïm akïtöpö okumpö tagh nyo pö Tororöt.

RUMI 8:34

Mï ngo nyu nyo rwokyini chane? Puryö, ompöwölo Kristo Yeso nyo kima, atolapay kitutunö ngwen, akïmi ye ewu tagh nyo pö Tororöt. Mi nyinte ye kïsoghwecha!

EPESO 5:2

Akanya kuntöghoghchï chomnyogh otöptinekwa, le wölo kichamtecha Kristo* tökïkonecha söpontanyi kïlïkwï tïsöwon nyo ngutoy nyo anyïm, akïlïkwï amöros nyo karam ngörökyini Tororöt.

KOLOSAY 3:1

Kïkany ato kyotutukwa nko Kristo,* ayarena kong tïkwïn cho mi yïm, wölini mi Kristo kumpuruno ewu tagh nyo pö Tororöt.

EPRANIA 1:3

Nyinte nyo le kwörkwöryö nyo pö ororyo Tororöt akï nyinte nyo le körkeyïn pö Tororöt tighöy tïkwïn löwïr ngölyontenyi nyo pö owesyö kiwö nyinte kïtöpunö ewu tagh nyo pö wowïn pö Tororöt otini kiwany kutïlilöy pich ompö ngokikwa.

EPRANIA 10:10

Akwompöwölo kigh Yeso Kristo machata Tororöt kutötö kegh kïlïkwï amöros nyo pö ngoki pich kïnyïl akonga akïmïchï ketïlilecha ompö ngokicho.

EPRANIA 10:14

Ompöwölo kakwigh nyinte pich cho kitïng ngokï kïtïlilöchitu kokay ompö amörostanyi nyoni le akonga.

EPRANIA 5:1

Kikikïlöy tïsin anka tïkwïl nyo wow kekïlo kwenu pich atökungarak chane kïpöghisyechï Tororöt kutötö ropöw nko amöröstin ompö ngokï.

EPRANIA 5:3

Akwompöwölo nyarkalal nyinte, kemökyini kutötöy köröstin cho pö ngoki pich nko cho le chechi kegh.

EPRANIA 7:27

Sis nyinte nko tïsï walaka cho echön, mötïngnye machat nyo tötoy amörostin osis löwïr cho pö ngokichi kegh atolapay kutötö cho pö ngoki pikö walaka. Kigh lenyoni kïnyïl akonga nyo mïchini könyis löwïr otini kikonï kegh nyinte.

EPRANIA 8:1

Anyï nyu kïgh nyo wow nyo kïmwowunecha lö, kïtïngetecha Tïsin nyo Wow* nyo lata nyoni nyo töpuno ewu tagh nyo pö ngacharu paytaghpa Tororöt Kimuktoghin nyo mi yïm.

EPRANIA 9:12

Otini kilït Kristo emanoni kïwö Wölo Tïlil Tya, akilït kïnyïl akonga kïpoto, kïmelö kip kisön pö ngaror nko cho pö mogh atökïropta amöros, wölo kip kisönkachi kegh cho kyala sörunötenyo nyo pö kokay.

EPRANIA 9:14

Wowitu nyu tya tïlilyö nyo kïsïkonecha kisön pö Kristo! Nyinte nyini kikonï kegh kïlïkwï amöros nyo lïpop ompö tawu Tororöt ompö ara Mïkulögh nyo Tïlil nyo pö kokay. Wunöy kisönkachi sïkunöteto mïkulisköcha kïngetunö ighisyewut cho puryö kinyiwut atökemuka kepöghisyechinö Tororöt nyo söpöy.