EPRANIA 10:10 - PIPÏLIA

¹⁰ Akwompöwölo kigh Yeso Kristo machata Tororöt kutötö kegh kïlïkwï amöros nyo pö ngoki pich kïnyïl akonga akïmïchï ketïlilecha ompö ngokicho.

EPRANIA 10:10 ပူးပေါင်းရင်းမြစ်များ

SAKARIA 13:1

Lentöy ECHOTYON Kimuktoghin, “Kïyotyini asisoni kompö pögh pipö ara pöytoghin Daudi nko pipö Yerusalem nyo mwötöy ngokï nko sïmnyontengwa.

YOANA 17:19

Kotïlilön kegh ompö chane atokumï chane tïkwïl kutïlil kegh ompö man.

YOANA 19:34

Wölo kïpïsïghö ngot karastanyi askaryon akong akïtökïnyini lawel, kïpkana kisön nko pögh.

YOANA 6:51

Ochan makatyan nyo satate nyo kirökunö yïm. Ato töp chi anka tïkwïl ntökwam makatyantanoni, kïsöpöy kokay. Akï makatyan nyo otöninan nyinte kï portönyan nyo okonunan atökïsöpö ngwïnya.”

1 KORINTO 1:30

Wölo kelinyokwa Tororöt nyinte nko Kristo Yeso nyo kigh Tororöt nyinte kïlïkwï ngöghomnyencha, kaketenacha ye ompö tawu Tororöt ompö nyinte. Kakelïkucha pipö Tororöt cho tïlilöch cho tyokote.

1 KORINTO 6:11

Kimi pich walaka ompö kwenunkwa cho kighöy le pïchoni. Wölo kikemwatakwa ye aketïlilokwa akelinyokwa nko Tororöt ompö kaynata Echotyon Yeso Kristo* nko ompö ara Mïkulöwu Tororötïnyo.

EPESO 5:2

Akanya kuntöghoghchï chomnyogh otöptinekwa, le wölo kichamtecha Kristo* tökïkonecha söpontanyi kïlïkwï tïsöwon nyo ngutoy nyo anyïm, akïlïkwï amöros nyo karam ngörökyini Tororöt.

EPESO 5:26

Kigh lenyoni atökïmwat akutïlilchï Tororöt kanisa otini kikikuwany kuwunö pögh nko ngölyontenyi,

EPRANIA 10:12

Wölo kikonï Kristo amöros akonga nyo pö ngokï amöros nyo mïchini kokay atolapay kïwö kïtöpunö okumpö tagh nyo pö Tororöt.

EPRANIA 10:14

Ompöwölo kakwigh nyinte pich cho kitïng ngokï kïtïlilöchitu kokay ompö amörostanyi nyoni le akonga.

EPRANIA 10:20

Kiyotwecha nyinte or nyo rel nyo pö söpon kuwer ananka nyo kingotyot nyoni kï portanyi kegh.

EPRANIA 10:29

Anane nyu lasiny lö nyarïl nyo ngwan kïtya nyo sïköy pich cho sösöy Wero Tororöt akïsas kisön pö muma Tororöt cho mwöto pich ngokï akuswom Mïkulöwu Tororöt nyo ipu pöropchö.

EPRANIA 10:5

Nka nyoni nyu otini kingwïnöy Kristo* ngwïnyinï kilenchï Tororöt, “Melö imökenyi amöros anta ropöw, wölo keghwaninyi por.

EPRANIA 13:12

Nka nyoni kïyoni kigh Yeso tïkwïl kikinyaril nyinte ompö sanypa kanasyan atökumï kuwunö pich ngokikwa ompö kisönkachi kegh.

EPRANIA 2:11

Nyinte nyo tïlilöy nko chane cho kitïlilöy kïtïng löwïr apite akonga nko nyinte. Nka nyoni mösïwïyinye Yeso arasï kïkurö chane tupchenichu.

EPRANIA 2:14

Akwompöwölo tïng pïchoni kikur lö, monïng, por nko kisön, kïkarkegh nyu Yeso nyinte nko chane kipar otöptöngwa nyo pö ptangengmöt. Kigh lenyoni atökumï ompö areto meghenyi kunyar Onyöt nyo kitïng owesyö ompö paraku meghat,

EPRANIA 5:7

Kisagh Yeso Tororöt nyo kimuköy kïsöruno nyinte meghat akïrirchï atanya kimi ngwïnyinï. Kïterchï Tororöt nyinte ompöwölo kipöghisyechini nyinte Tororöt.

EPRANIA 7:27

Sis nyinte nko tïsï walaka cho echön, mötïngnye machat nyo tötoy amörostin osis löwïr cho pö ngokichi kegh atolapay kutötö cho pö ngoki pikö walaka. Kigh lenyoni kïnyïl akonga nyo mïchini könyis löwïr otini kikonï kegh nyinte.

EPRANIA 9:12

Otini kilït Kristo emanoni kïwö Wölo Tïlil Tya, akilït kïnyïl akonga kïpoto, kïmelö kip kisön pö ngaror nko cho pö mogh atökïropta amöros, wölo kip kisönkachi kegh cho kyala sörunötenyo nyo pö kokay.

EPRANIA 9:14

Wowitu nyu tya tïlilyö nyo kïsïkonecha kisön pö Kristo! Nyinte nyini kikonï kegh kïlïkwï amöros nyo lïpop ompö tawu Tororöt ompö ara Mïkulögh nyo Tïlil nyo pö kokay. Wunöy kisönkachi sïkunöteto mïkulisköcha kïngetunö ighisyewut cho puryö kinyiwut atökemuka kepöghisyechinö Tororöt nyo söpöy.

EPRANIA 9:26

Ntökilenyoni kitökichopöy kong Kristo kïngeta otini le towunöto ngwïny. Wölo ye otï karich osiswechï pö löt sörö, kuchumï nyinte kïnyïl akonga kïkonï kegh kïlïkwï amöros nyo löstoy ngoki pich.

EPRANIA 9:28

Kïlenye nyoni tïkwïl, kikonï kegh Kristo kïlïkwï körösyon kïnyïl akonga tökupuktö ngoki pich cho chang. Chumu nyinte nyu panto odeny amelö ngwïnöy tökunoghyechï ngokï, wölo tökïsoru pich cho köngöy nyinte.

1 PETRO 2:24

Nyinte Kristo nyo kikasana portanyi ngokicha ompö kimurtöwon atökemuka kekarakegh nko pich cho kimeghö ompö ara ngokï akesöpchö ompö ara man. Kikisopokwa ompö perutöyichi.

1 PETRO 3:18

Ompöwölo kimegha tïkwïl Kristo ngokï kïnyïl akonga akumuchö. Kuwongwï chi nyo karam ompö mwokïyis atökumï kumïtakwa wölo mi Tororöt. Kima nyinte kïma ompö por, wölo kisöpote ompö mïkulögh,

1 YOANA 5:6

Nyinte Yeso Kristo nyo kingwïn ompö pögh cho pö kipatisanatenyi nko kisön cho pö meghenyi. Melö kingwïn ompö pögh onkït, wölo ompö pögh nko kisön. Akïsöwintön Mïkulögh lö lenye nyoni, ompöwölo pö man Mïkulögh.