EPESO 6:5 - PIPÏLIA

⁵ Akwa sekey, ateka echotkökwo ompö kiwaghat nko potanat, apöghisyö ompö kitenata mïkulögh le ato kötopöghisyechinekwa Kristo.*

EPESO 6:5 ပူးပေါင်းရင်းမြစ်များ

TOWUNÖT 16:9

Kïlenchï malaykayantanay, “Mïlena wölini mi nyinte aipöghisyechï ompö tölosyö.”

1 OTÖPTINO OSIS 29:17

Onkïtön lö ityömenyi mïkulis, aichömenyi pich cho tïng konyït. Kokonwan chete ompö konyït nko ompö chamatenyan kegh, akasïwan piköku chï kötuyechï yi lö kepunyi ropöw ompö ngörekyö.

TUMWÖY 123:2

Kirosinyi, we ECHOTYON Tororötïnyo tökïtenö syonchechanyi, le wölo rostoy mötworintö echotyontenyi, nko wölo rostoy työ korka nyo pöytoy nyinte.

TUMWÖY 86:11

Netante, we ECHOTYON, kïgh nyo imökenyi oghan, atarïpinyi ompö man ainet mïkulöwunyan kïkonyït kaynatengu.

MALAKI 1:6

Lenchini ECHOTYON Kimuktoghin tïsï, “Konyïtöy monïng kwanta akïkonyït mötworintö echotyontenyi. Kwato ochan paponkwa, kunko konyïtönkwa? Akwato ochan echotyontenkwa, kwompö ne tömokonyïtanïkwa? Osösanïkwa, ayokyï atep lö, ‘Kakïsasichanyi lö ne?’

MATAYO 6:22

“Kong kï kitömöwonto por, nyo ato karam kontangu, kïmi löpoyïn kïmïkul.

MATAYO 6:24

“Möminye chi nyo pöghisyechini echot odeny, ompöwölo töghöy anka kïcham anka, anta terchï nko anka kïsas anka. Momukekwanye topöghisyechï Tororöt nko mökosyö.

MATAYO 8:9

Ompöwölo ochan chi nyo kïpöytenon tïkwïl atïngetan askarin cho opöytenan. Omwochinan akonga lö, ‘Wïyö,’ kïwetöy, amwochan anka lö, ‘Nyonö yi,’ kungwïnöy, amwochinan sekeyontenyu lö, ‘Igha ki,’ kwighöy!”

IGHISYEWUT 2:46

Kulet tagh osis löwïr kwam tuyot ompö Kö pö Tororöt* nko ompö kestonikwa, kumoröy omisyö ompö ngörekyö nko ompö mïkulis cho karamach,

RUMI 9:3

akwompö piköcha cho kïpo kut akonga! Ntökemuko lö ngöroköy chane, kötolentan opï kö ani kegh nyo kochï chïpot akepesyon nko Kristo.

1 KORINTO 2:3

Kyochan nyarkalal atanye kyomitan nko akwa apotanan ompö otyogh nyo wow.

1 KORINTO 7:22

Ompöwölo tyoko chi ompö Echotyon nyo kökur Echotyon kï sekeyon. Kïlenyoni tïkwïl, nyinte nyo kakïkur kutyakate kïlïku sekeyonto Kristo.

2 KORINTO 1:12

Kïkwolecha kegh ompöwölo söwintönchini mïkulöwecha lö, kakemangacha ompö tïlilyö nko kitenat, mïr tya atanya kimitecha nka akwa. Melö kintöghoghwecha ngöghomnyo ptangengmöt kïpoto pöropcho Tororöt.

2 KORINTO 7:15

Nka nyoni mi kïtöso chomnyenyi ompö akwa otini nonöy wölini kyatachtekwa löwïr nyinte ompö kiwaghat nko potanat.

EPESO 5:22

Oterchinö korï santokökwo, le ato orterchinekwa Echotyon.

EPESO 6:24

Nya kïtöpö pöropcho Tororöt nko pich lapay cho chömöy Echotyontenyo Yeso Kristo ompö chomnyogh nyo mewonyotnye.

PILIPI 2:12

Kïlenyona nyu chamankachu, otïpinö otöpnanye pö terchin kyotïngetekwa kïnomnyö, ntökïmïr tya otete le ye ochan low ompö akwa. Opöghisyenö ompö kiwaghat nko mïghöt ompöwölo sörunötengwo,

PILEMON 1:16

Akï ye meyit Onesimo lö sekeyon pat, wölö tïlöy sekeyon ompöwölo werïnyo nyinte nyo chamate ompö Kristo. Pö kinyiwut nyinte nyo wow ompö ani, wölo wow tya kinyiwutyenyi ompö nyi, le sekeyon akïle nyo otupchö ompö Echotyon.

YOSWÖ 24:14

Kïlenyona kïtas tagh Yoswö kïlö, “Okonyïtö ECHOTYON, apöghisyechï nyinte ompö mïkulögh nyo melö pö lïs nko ompö man, opïstenö tororötinechay kipöghisyechini papotïnekwa ompö koro Mesopotamiya nko ompö Misri, apöghisyechï ECHOTYON.

1 PETRO 3:2

Mukoy lenyoni ompöwölo sïwïyi chane wölo tïliltö otöptönkwa nyo tïng kiwaghat ompö tawu Tororöt.