EPESO 6:1 - PIPÏLIA

¹ Akwa monïng, ateka yiyikwo ompö Echotyon, ompöwölo karam lenyoni.

EPESO 6:1 ပူးပေါင်းရင်းမြစ်များ

TOWUNÖT 28:7

Akunkïtï lö kilïmchï Yakopo kwanta nko kame ngalekwa akïwö kutang Mesopotamia.

TOWUNÖT 37:13

kïlenchï Israel Yosep, “Olentan inkïtönyi lö yokwïyi werkökwa kechir wölnö lekïto Syekem. Nyonö oyokïn wölo mi chane.” Kïlenchï Yosep, “Owetan lenyoni.”

TOWUNÖT 48:12

Atolapay kunaytegha Yosep chane ompö kutïngkoti Yakopo, atolapay kungïrukö kïkïtïng ntökwit ngwïny.

TOWUNÖT 50:12

Kigh nyu werkachi kïle otini kiyomis nyinte chane.

NEEMIA 9:13

Kirökunenyi yïm ngwïny kutïng pö Sinay aingölönchinyi chane, atolapay itönyi chane kirurut cho pö man, nko kinetutköku cho karamach.

ESTA 2:20

Kitomönye kinganyta kegh Esta lö opo pich ne anta or ne le wolö kimwochï Mordekay nyinte kïkïr mömwochï chi. Kiterchï Esta nyinte ompö ngalechoni le wölo kikïterchï kïngeta kimïnïng kimi mori Mordekay.

AYUPU 33:27

tumoy tawu pich akïlö, ‘Kyaghan ngokï aghan kïgh nyo tenate kïmasta, wölo melö kyonyorwan sitöt ompö kïyoni.

TUMWÖY 119:128

Ghïtoy kinetutköku söpenyan, otïghan ortïn löwïr cho pö putintön.

TUMWÖY 119:75

Onkïtön lö, pö man kirwokutköku, we ECHOTYON nka nyoni ketönaninyi sitöt ompöwölo ichinyi ghanate.

TUMWÖY 19:8

Pö man kinetut pö ECHOTYON, töni mïkulögh kïturön. Tïlilöch ngala ECHOTYON, töni löpoyïn konyïn.

NGÖTÏNYÖ 1:8

Tera werïnyu, ngaleko kon amesas kïgh nyo netin yongu.

NGÖTÏNYÖ 23:22

Iter ngaleko papongu nyo kisïkïn, amesas komöt ato yosit.

NGÖTÏNYÖ 30:11

Mi pich cho chïpöy papotïnekwa amesoyönöcha kamati.

NGÖTÏNYÖ 30:17

Ködötu kukayoy pö tömkö akwam mötonywö kompa chi nyo nyerero kwanta akïsösöy möterchï yonyi.

NGÖTÏNYÖ 6:20

Werïnyu irip kirurutko kon, amepïstö kinetutko komöt.

YEREMIA 35:14

Anetena kegh pipö ara Yonadap wero Rekap cho kiter akïrïp lenyini kikïmwochï lö maghegh dipay. Nyo pö nyoman melö mi ompö akong nyo kigha dipay kïngata osiswechoni nko nyete le ye. Kyongölonwokwa arurokwa kïnyïl cho chang wölo melö kyateranïkwa.

YEREMIA 35:18

Atolapay omwochan pïchay pö ara Rekap lö kölö ECHOTYON Kimuktoghin, Tororöt pö Israel, “Ompöwölo kyarïpakwa agh lenyini kimwowokwa kukötönkwa Yonadap,

YEREMIA 35:8

Kikerïpacha ngalechoni kimwowecha kukötönyo Yonadap wero Rekap nyini kikïrenecha keghegha dipay. Kïlenyona melö kïgheghöcha dipay amögheghönye korucha nko monecha cho le wor nko tipïn tïkwïl.

OSEA 14:9

Ato mi chi nyo ngöghom, ikany kipköchin ngalechï. Ato mi chi chïrer inkïtï ngalechï. Kï man ortïna ECHOTYON löwïr akirïpöy pipö man, wölo pïtyegho chemwokïyis ortïna ECHOTYON.

LAWIN 19:3

Konyïtö chi anka tïkwïl papongu nko yongu, aikïr Sapato.* Ochan ECHOTYON Tororötïnkwa.

LUKA 2:51

Atolapay kïwö Yeso nko chane kutang Nasaret, kïtech nyinte chane akïterchï. Kïwïnchï kame ngalechoni löwïr mïkulöwunyi.

RUMI 12:2

Marïp otöptino pipö ngwïnyinï, wölo nya kïwaghach Tororöt kinonutkökwo. Pköchokwa nyu atoni lö ne machata Tororöt, ankïtukwa kïgh nyo karam nyo ngörokini nyinte akï kïltït.

RUMI 16:2

Atak nyinte ompö kaynata Echotyon le wölo kömïchini pipö Tororöt kwigh. Otö nyinte kingarokut anka tïkwïl nyo mökenokwa, ompöwölo kikungarak nyinte pich cho chang nko ompö nyete le ani.

RUMI 7:12

Kïlenyona nyu, tïlilöch kirurut akï pö man akï karamach.

1 KORINTO 15:58

Kïlenyona Werköcho cho le chaman achïchïma, amakany ketimtimok, alet tagh agh ighisyo Echotyon kïtenö osis, ompöwölo onkïtökwa lö möpönye kwïle pöghisyenkwa nyo opöghisyechinekwa Echotyon.

KINONO KIRURUT 21:18

“Ato tïng chi worö nyo aghïgh möt akï penyöy ngal akï melö teröy kuti yiyichi kïrkegh kakïmuny lö ne, kï melö terchini chane,

1 TIMOTEO 5:4

Wölo ato mi mïsïk nyo tïng monechi anta kokötinechi, kïmïchini nyo pö tagh kuporï monechoni kighanatengwa ompö ripöto kutak wölanya kikïnam chane. Chömunote ngölyontononi ompö tawu Tororöt.

1 PETRO 2:13

Oterchï pich lapay cho kikitö owesyö kïpaytakwa atökukusa kaynata Echotyon. Oterchï ato kö pöytoghinto kore kïmïkul,

RUS 3:5

Kuyokyï nyinte lö, “Oghan choni lapay kemwaghanyi.”

1 SAMWEL 17:20

Kïnget Daudi tökwoghö akïpïsyï kechirye mösöwon anka, akwip omisyonay lenyini kimwochï kwanta nyinte. Kwit möngo Israel ato kimi chane kukiköy atökïpa poryot.