EPESO 5:8 - PIPÏLIA

⁸ Kyomitekwa tïkwïl ato le tagh tuwïn, wölo kyalïkukwa ye pipö löpoyïn otini kyolinyekwa nko Echotyon. Otïpinö nyu le monïngo löpoyïn,

EPESO 5:8 ပူးပေါင်းရင်းမြစ်များ

TUMWÖY 74:20

Inan mumengu, ompöwölo kinyïghï mosï kore kïmïkul.

ISAYA 2:5

Apkana nyu pipö ara Yakopo, apkana kepeghena löpoyïn pö ECHOTYON!

ISAYA 42:16

“Ontöghoghchinan pikachu cho köryote, kuwer ortïn cho kimenkïtcha chane. Owöghökan tuwïn ompö chane kïlïku löpoyïn, aghan kor wölo weröy chane kïtïlyönglyöngit. Kiyomisutköchan choni, alïtitan nyo mötïny.

ISAYA 49:6

Kimwowanïn ECHOTYON lö, “Möghömönye pat lïkunanyi mötworintenyan, nyo isyolöy pipö Israel chi kingötï, wölo oghinyi tïkwïl lïkune löpoyïn pö pipö punton atökesörï nyu ngwïny kïmïkul.”

ISAYA 49:9

Olenchinan pich cho le mampustin, ‘Ochikwa tyokote, opechinö kegh,’ alenchan pich cho mi tuwïn, ‘Apkana wölo mi löpoyïn!’ Nyoru omisyö ompö wölini kapa, kïrkegh kapa wölo le komos.

ISAYA 50:10

Ngo ompö akwa nyo konyïtöy ECHOTYON nya? Akï ngo nyo rïpöy ngaleko mötworintenyi? Kïrkegh kötuw lö ne or nyo orïpekwa wölo aghanakwa ECHOTYON, otighenö kegh Tororötïngwo.

ISAYA 9:2

Kasïwa löpoyïn nyo wow pich cho kipegho tuwïn. Pich cho kimöngöy koro tuwïn nyo kiwur, wölo kelïwchï chane löpoyïn.

YEREMIA 13:16

Akusa ECHOTYON Tororötïngwo, kïtomö kwipkokwa tuwïn, akunöghokwa koghïn kelyön ompö komos. Asala nyinte kïtomö kïwaghach löpoyïn nyo kokönekwa kïlïkwï tuwïn nyo wow.

MATAYO 3:8

Agha nyu tïkwïn cho poru lö kyokötekwa ngokikwo

MATAYO 4:16

Sïwïyi pich löpoyïn nyo wow cho kötöpisot tuwïn. Körökyï löpoyïn cho kömöngöy koro tuwïn, pich cho köpestegho rurwo meghat. Kechumchï chane yenyu löpoyïn.”

LUKA 1:79

atökulïwchï chane cho mi tuwïn akïmöngöy rurwo meghat akwigh kelyecha kïtïkata ara pöghisyö.”

LUKA 16:8

“Otini kilïm, ngalechoni kïsal echotyontenyi kighyongtoghintonay ompö chïreryo lïs nyo kitïng. Ompöwölo chïreröch tya pipö ngwïnyinï ompö ortïnekwa kegh, kïtïl pipö löpoyïn.”

YOANA 1:9

Löpoyïntö nyinte kegh nyoni kingwïnöy ngwïny kulïwchini pich lapay.

YOANA 12:35

Kïlenchï Yeso, “Tökïmi kwenunkwa löpoyïn ompö osis cho ngörï. Apestena otini totïngetenö löpoyïnoni atömelumak tuwïn, ompöwölo menkïtnye chi nyo westegho tuwïn wölo töngöy.

YOANA 12:36

Otinö tökïmi löpoyïnoni nko akwa, aghan atamuka alïkuna pipö löpoyïn.” Otini kiwany Yeso kïmwa ngalechoni, kïwechï kegh akïwïnya kegh chane.

YOANA 12:46

Ochan löpoyïn nyo kingwïn ngwïny, atömökïtöpo tuwïn chi anka tïkwïl nyo ghönanïn.

YOANA 8:12

Kïmwochï Yeso Parisaytinechay ngat lö, “Ochan löpoyïn pö ngwïny, chi anka tïkwïl nyo rïpanïn kïsïköy löpoyïn pö söpon amökïwesteghonye tuwïn nyonikïny, wölo sïköy löpoyïn pö söpon.”

IGHISYEWUT 17:30

Nka nyaya kitagh Tororöt kuyityï pich ghöytyö, ompöwölo kitomöcha kïpköchï, wölo sikyini ye nyu pich löwïr ompö wop lapay lö, ‘Okötenö ortïnekwo cho ghach.’

IGHISYEWUT 26:18

Nyi nyo iyotyini chane konyikwa ategha chane kïmïlisyeghö tuwïn kïpka wölo mi löpoyïn, akïngetunö owesyo Onyöt kïpka wölo mi Tororöt, akelöstoghchï chane ngokikwa ompö kighanatengwa nyo tïng ompö ani, atökelöwönchï wölo tïpisot nko pich cho le kïlanpa Tororöt.’

RUMI 1:21

Nyoman kinkït chane lö ngo Tororöt, wölo kimökonyïtnye nyinte le wölo keroko kekonyït Tororöt anta ompö kïyang kuyokyï nyinte sörö. Nyinö kötö ighöy lenyoni, kïwöghökisyö kinonutkökwa kïlïkwï kwïle ntömökunan lenyini keroko.

RUMI 13:12

Kamach kuwonyö oghö, akarich kïyech. Kelastena nyu ighisyewut pö tuwïn akelach kari lïk cho pö löpoyïn.

RUMI 2:19

ainkïtönyi nyo pö nyoman lö ichinyi kintöghoghinto chepkörotonoy aichinyi löpoyïn ompö pich cho mi tuwïn

1 KORINTO 1:30

Wölo kelinyokwa Tororöt nyinte nko Kristo Yeso nyo kigh Tororöt nyinte kïlïkwï ngöghomnyencha, kaketenacha ye ompö tawu Tororöt ompö nyinte. Kakelïkucha pipö Tororöt cho tïlilöch cho tyokote.

2 KORINTO 3:18

Kïlenyona nyu, kiportocha löwïr cho tomöcha keyenö tokochwecho ororyo Echotyon le ato kïsïwïyegho kiyo, wöghökecha nyu ororyononi ngwïno wölo mi Echotyon (Nyoni kï Mïkulögh) kekara kegh nko nyinte lasiny, ompö ororyö nyo wow tya.

2 KORINTO 4:6

Ompöwölo Tororötini nyo kimwa lö, “Nya kulïwunö löpoyïn tuwïn,” nyoni lïwchini mïkulöwecha tökïkonecha löpoyïn pö kinkïtöt nyo pö töroryo Tororöt nyo lïwuno tokochu Kristo.

2 KORINTO 6:14

Monomnyotö nko pich cho meghönöcha Tororöt, ompöwölo memukonye. Muköy lö ne köromnyö kïnomnyotoy nko ghöyïn? Anta tïng ghamtagh ne löpoyïn nko tuwïn?

KALATIA 5:25

Kwoto kïmöngecha ompö Mïkulögh, kï mïchini kuntöghoghwecha nyinte.

EPESO 2:2

cho kyaghakwa atakinya kyorïpekwa otöp pö ngwïnyinï nyo gha, aterchini pöytoghinto oy nyo mi wölnö le mïröt, mïkulögh nyo le sïmnyon, nyo pöyu pich cho töghöy Tororöt.

EPESO 4:18

akï mi kinonutkökwa tuwïn, lowöch chane ompö söpon nyo konu Tororöt ompöwölo sölwöy chane akï tighï.

EPESO 5:2

Akanya kuntöghoghchï chomnyogh otöptinekwa, le wölo kichamtecha Kristo* tökïkonecha söpontanyi kïlïkwï tïsöwon nyo ngutoy nyo anyïm, akïlïkwï amöros nyo karam ngörökyini Tororöt.

EPESO 6:12

Ompöwölo melö kïporsonecha nko pikö walaka, wölo kïporsonecha nko lïk nyo pö ilot cho ghach cho pö ngwïnyinï cho pöytoy akïtïng kimukat nko owesyö cho pöytoy ngwïnyinï pö tuwïn.

KOLOSAY 1:12

Oyokyinö Papo sörö nyo kasïwa lö mïchinecha kenyorunö kareran pö tïkwïn cho kingotyï nyinte kïlankachi ompö paytaghtanyi nyo pö löpoyïn.

KOLOSAY 1:13

Kisörunenecha nyinte owesyo tuwïn akuwuwecha nyo karam kelïte pöyunöteto Werïnyi nyo le chamanenyi.

TITO 3:3

Ompöwölo kikïchicha köny sölwöy, pich cho le tïghï, cho kimasta. Kikïchicha sekeyiko möchutköcho cho pö pïrchin. Kikïtïpicha ompö ghöyityö nko nyonyintön, kireyecha pikö walaka, akereyacha chane tïkwïl.

1 YOANA 1:7

Wölo ato kïpestecha ompö löpoyïn le wölini mi nyinte löpoyïn, kesïkecha achane ghömïchö kwenunyo akïmwötwecha ngokï löwïr kisönko Yeso, Werïnyi.