EPESO 5:27 - PIPÏLIA

²⁷ atökumïtyï kegh kanisa nyo tïng töroryö nyo mötïngnye kemeryan anta nyömpïghöt.

EPESO 5:27 ပူးပေါင်းရင်းမြစ်များ

TUMWÖY 45:13

Kölïtï chepö pöytoghin nyo pïchigh lö ne nya! Kikïsïlö sïrokachi koltin.

TUMWÖY 87:3

Ngölono pich parakungu ngala ororyö, we kanasyanta Tororöt.

TUM PÖ TUMWÖY 4:7

Ichinyi pïchigh nyoman, chamanenyu, amelö mi lelutyö nyo itïngetenyi.

ISAYA 62:3

Ilïkunenyi akope nyo pïchigh ompö ewu ECHOTYON, kopiyo paytagh ompö mori Tororöt.

YEREMIA 33:9

Lïku nyu kanasyanta Yerusalem wölo onyorchinan ngörekyö nko ororyö nko konyït. Potonchot akïmïghyö pipö koros ato lïm ngal cho karamach cho owetan oghchini pipö Yerusalem nko kisoyönöt nyo opchinan kanasyante tïkwïl.”

2 KORINTO 11:2

Omchinokwa nyonyintön, le wölo lata Tororöt tïkwïl, ompöwölo alatekwa chepkïltït nyo kakelotokönchï mïrönö akong onkït, nyoni kï Kristo.*

2 KORINTO 4:14

Kinkïtöcha lö, Tororöt nyo kigh Echotyon Yeso kututï. Kwighecha tïkwïl ketutunö le nyinte, akumïtecha nko akwa kepe tawunyi.

EPESO 1:4

Kïle Kristo wölo kikïltecha Tororöt ompö Kristo kelïkuna chechi otini kitomönye ketor kegh ngwïny, atöketïlilöchitunö akelïkwï pich cho puryö lelut ompö tawunyi, akwompö chomnyenyi.

KOLOSAY 1:22

Wölo keghakwa Tororöt kongotichi otï le ye ompö megheto Werïnyi, atökumï kwighakwa alïkuna pich cho tïlilöch, cho puryö lelut anta kigheghchin anka tïkwïl ompö tawunyi.

KOLOSAY 1:28

Nka nyoni kyomchinecha Kristo pich lapay. Kïrirchinecha akenetöy chane ompö ngöghomnyö anka tïkwïl atömanyïl kemïtï ompö tawu Tororöt chi anka tïkwïl nyo kikïkil ompö Kristo.

1 TESALONIKE 5:23

Nya kutïlilokwa Tororöt lasiny nyo konecha kalya ompö or anka tïkwïl akïrip mïkulöwekwa nko söponwekwa nko porwoyikwa atalïkuna pich cho melö tïng lelut ato mïla Echotyontenyo Yeso Kristo.

EPRANIA 9:14

Wowitu nyu tya tïlilyö nyo kïsïkonecha kisön pö Kristo! Nyinte nyini kikonï kegh kïlïkwï amöros nyo lïpop ompö tawu Tororöt ompö ara Mïkulögh nyo Tïlil nyo pö kokay. Wunöy kisönkachi sïkunöteto mïkulisköcha kïngetunö ighisyewut cho puryö kinyiwut atökemuka kepöghisyechinö Tororöt nyo söpöy.

1 PETRO 1:19

wölo ompö kisön pö Kristo cho pö olyot nyo wow. Ki karkegh nyinte nko wawa kech nyo lïpop akutenate.

2 PETRO 3:14

Kïlenyona nyu, kongotichu, otini omitekwa oköngöy Asisoni, okilö kegh lasiny alïkwï pich cho tïlilöch akï cho puryö lelut ompö tawu Tororöt, asïch kalya nko nyinte.

YUDA 1:21

akany kïkamanakwa chomnyo Tororöt otini omitö oköngöy Echotyontenyo Yeso Kristo, kïkonokwa söpon pö kokay ompö kisyonötenyi.

YUDA 1:24

Nya kïsïch Tororöt ororyö, nyinte nyo muköy kïripokwa tömopïtyö, akumïtakwa ape tawuto ororyenyi ompö ngörekyö kïpuryö lelut, nyinte nyo le Tororöt onkït akï Ghetintenyo ompö Yeso Kristo Echotyontenyo. Nyenyi wowïn nko owesyö nko paytagh kïngeta könyisyok nko ye nko kokay! Amen.

NGONGUT 14:4

Pich chane cho kikïrö kegh sïmnyontöno cheporesnan, ompöwölo ki kïltïte chane. Mi chane kïrïpöy Wawa Kech wop anka tïkwïl nyo wetöy. Kikïsörunö chane kwenu ptangengmötine walaka, akï chane cho kïnyoghöy keropchini Tororöt nko Wawa Kech.