21 Oterchinö kegh akwane ompö kiwaghata Kristo.
Kïlenchï malaykayantanay, “Mïlena wölini mi nyinte aipöghisyechï ompö tölosyö.”
Kicham yetïntinö nko pipö lïk nko chini le werpö Daudi kïlïkwï Solomon pöytoghin.
Nya kïtöpö kiwaghata ECHOTYON nko akwa, aros wölo opöghisyeghtoy ompöwölo möchömönye ECHOTYON Tororöt putintön anta chamata pich walak ketagh walak anta amata asoya.”
Kitö pröyöntino pöytoghin cho pö tagh pich nïkisyö, ompöwölo kichenga pich omisyö nko dipay nko ropïyeni silpa cho le tömönut angwan, kitö nïkisyö tïkwïl pich ompö chini le mötworikwa. Wölo melö kyaghan lenyoni, ompöwölo kyowöghan Tororöt.
Kïlenyona olenchan chane, “Melö karam kïyï kaghakwa, nyo kötö otïpïyokwa ompö techata Tororötïnyo atömömïnech pungköcho.
Werïnyu, wagha ECHOTYON nko pöytoghin, ametighintönchï anka ompö chane.
arïp kintöghoghchin nyo pö pich cho lata choni nko pikö walaka cho pöghisïyi nko chane.
Kinkïtöcha nyu wölo kïtechtoy Echotyon anka nyoni kikilecha kegh akekïnkïnöy pich, nkïtecha Tororöt lasiny, akönan lö onkïtanïkwa tïkwïl ompö mïkuliskökwo.
Kïlenyona nyu, werköcho, otï kakekonecha kiyomisutchï löwïr, ketïlilö nyu kegh akewirta kïgh anka tïkwïl nyo muköy kusïmnyonöy por nko mïkulögh atökelïkuna pich cho tïlilöch lasiny ompö techata Tororöt.
Wölo cho le akwa, werköcho, kikïkurokwa otyokisyenö ompö pïrchintino ngwïny, wölo makany kwighakwa kityakatengwo opöghisyechinö möchut pö por, nyinö kötölïku nyoni, opöghisyechï kegh ompö chomnyogh.
Oterchinö korï santokökwo, le ato orterchinekwa Echotyon.
Le otini terchini kanisa Kristo, kïmïchini kïterchï korï tïkwïl santokökwa ompö kïgh anka tïkwïl.
Magh kïgh anka tïkwïl ompö ma nyo gha anta ompö menöt, wölo ompö rïngata kegh oyitö pikö walaka lö pö tösunöt kïtïlokwa.
Ato kinetöy Mïchini korka kïter ompö sisat nko tölosyö.
Mïchini tïkwïl kïlïkwï chi nyo muköy kïpayta katanyi akunet monechi terchini nko konyït ompö ngal lapay.
Oterchinö kintöghoghikwa arïp kiyomisutkökwa. Ripokwa chane kïnomnyö akï chane cho porchini asïyech Tororöt wölo kida chane ighisyengwa. Ighöy chane ighisyengwa ompö kwïskwïsyö ato oterchikwa chane anta mölenye nyoni kwigho nyarïl akï möminye kinyiwutyö nyo osïkonekwa ngalechoni.
Oterchï pich lapay cho kikitö owesyö kïpaytakwa atökukusa kaynata Echotyon. Oterchï ato kö pöytoghinto kore kïmïkul,
Okonyït pich lapay, acham tupchenikwo cho le kighönï, awagh Tororöt, akonyït pöytoghinto kor.
Kïlenyoni tïkwïl ompö akwa chumwak, mïchinokwa oterchinö poyi kanisa. Akïmïchinokwa lapay alïkuna pich cho tölose atopöghisyechinö kegh akwane, ompöwölo lentöy Kikirut, “Töghöy Tororöt menot, wölo töni pöropchö pich cho tölose.”
