EPESO 5:2 - PIPÏLIA

² Akanya kuntöghoghchï chomnyogh otöptinekwa, le wölo kichamtecha Kristo* tökïkonecha söpontanyi kïlïkwï tïsöwon nyo ngutoy nyo anyïm, akïlïkwï amöros nyo karam ngörökyini Tororöt.

EPESO 5:2 ပူးပေါင်းရင်းမြစ်များ

TOWUNÖT 8:21

Kïnguchï ECHOTYON sikaka nyo anyïn nyo pö amöros, kïngölonchï kegh nyinte lö, “Melö tochïpan ngwïny ngat ompö kïgh nyo ighöy chi. Onkïtön lö ghach kinonutkachi kïngata mïnïngityenyi. Melö towuran ngat tïkwïn löwïr cho sötote, kïle wölini kaghan ye.

WUWÖT 29:18

aipel makalu kïmïkul ompö ato kïpelo amöros pö ECHOTYON. Nguchinanïn nyu nyo karam.

WUWÖT 29:25

Atolapay ichengunö ewunekwa aipel ompö ato kïpelo amöros nko kitötoghtinechay. Nguchinanïn nyu nyo karam. Nyoni kï ropöwon nyo pö ma ompö ani.

LAWIN 1:13

Wölo köytoy nyinte kwanka akïmwata pögh ngortine, atolapay kutö nyu tïsin ECHOTYON panye löwïr akïpel ompö ato kïpelo amöros le ropöwon nyo ngutoy nyo karam ompö ECHOTYON.

LAWIN 1:17

Chengöy nyinte tarite akïkarer kïmi nko köpepokö, wölo melö köreröy kïlïkwï odeny. Atolapay kïcheng tïsin akïpel tarite kïmïkul ompö ato kïpelo amöros le ropöwon nyo ngutoy nyo karam ompö ECHOTYON.

LAWIN 1:9

Köytoy nyinte kwanka akïmwata pögh ngortine, atolapay kïpel tïsin panye löwïr ompö ato kïpelo amöros le ropöwon nyo ngutoy nyo karam ompö ECHOTYON.

LAWIN 3:16

Atolapay kïpel nyu tïsin tïkuchoni löwïr ompö ato kïpelo amöros le omisyö nyo ngutoy nyo karam ompö ECHOTYON. Pö ECHOTYON sunetkö löwïr.

AMOS 5:21

Otoghan, asasan ichontinekwa amelö mïlanïn tuyotïnekwa cho tïlilöch.

MATAYO 20:28

le ato melö kingwïn Wero Chi tökepöghisyechï, wölo kingwïn kïpöghisyö akusalta söpontanyi tökutyaka pich cho chang ngokikwa.”

YOANA 13:34

Okonokwa kirurut nyo rel lö, achama kegh kïle wölini kyachamtakwa acham kegh akwane.

YOANA 6:51

Ochan makatyan nyo satate nyo kirökunö yïm. Ato töp chi anka tïkwïl ntökwam makatyantanoni, kïsöpöy kokay. Akï makatyan nyo otöninan nyinte kï portönyan nyo okonunan atökïsöpö ngwïnya.”

RUMI 15:16

alïkwï mötworinto Kristo Yeso nyo opöghisyechini pipö punton. Opöghisyechinan chane le tïsin otini omtonan Lökoy cho Karamach cho pö Tororöt, atökumï pipö punton walaka, kïlïkwï tïsöw cho chömöy Tororöt, akï cho kikutïlil Mïkulögh nyo Tïlil.

RUMI 4:25

Kikonï Tororöt Kristo* kungwïn kïma ompö ngokicha akututï nyinte atökeyitwecha man.

RUMI 8:3

Kigh Tororöt kïgh nyo kimemïnye kirurut kwigh, ompöwölo ki nyarkalal otöp pö ptangengmöt. Kilot Tororöt ngoki ptangengmöt, otini kiyonï Werïnyi kegh nyo kingwïn kitïng asïl pö ptangengmöt akuwur ngokï lödo.

RUMI 8:37

Wölo kïrïntonecha tïkuchoni löwïr, ompö kingörokut nyo ngwïno nyinte nyoni kichamecha.

1 KORINTO 16:14

Opöghisyeghenö chomnyogh ompö kïgh anka tïkwïl nyo oghöy.

1 KORINTO 5:7

Kïlenyona nyu alastena mumara ngokï cho pö köny atarelachituna le nkanun cho kakïtïntïr, cho puryö mumar, kïle wölini kömïchinokwa nyoman omitenö kïpuryö mumar. Ompöwölo kakepar Kristo* Wawa Kech nyo pö Tororöt kïlïkwï Pasakencha.

2 KORINTO 2:14

Wölo keyokyinö Tororöt söro nyo ntöghoghwecha kïtenö osis kerïntena poryenyo ompö Kristo! Ighecha nyinte kyamtena man nyo pö Kristo nyo lata sikak kïghömï woptin löwïr.

2 KORINTO 2:15

Ompöwölo kïlatecha sikak nyo ngutoy nyo karam nyo ropchini Kristo Tororöt körösyon nyo ngutoy nyo karam ompö pich cho kïsöru nko cho mi kupotyot.

2 KORINTO 8:9

Ompöwölo onkïtökwa pöropcheto Echotyontenyo Yeso Kristo nyo kïrkegh kitïng nyinte kïgh anka tïkwïl, kwigh kegh meywon ompö akwa atökumï kwighakwa alïkuna sïkön ompö meywontönenyi.

KALATIA 1:4

Kikonï kegh Kristo nyinte ompö ngokicha kïrïp kegh nko machata Paponyo Tororöt, atökutyakenech ngwïnyinï gha pö ye.

KALATIA 2:20

Kikïwudochanïn kimurtöwon nko Kristo, wölo ochan ye satate amelö tökwani ngat, wölo Kristo nyo satate ompö orinyan akï söponete otïngetan ye ompö por, otïngetan ompö kighanat nyo ngwïno Wero Tororöt nyo kichamanïn akïkonï söpontanyi ompö ani.

EPESO 1:4

Kïle Kristo wölo kikïltecha Tororöt ompö Kristo kelïkuna chechi otini kitomönye ketor kegh ngwïny, atöketïlilöchitunö akelïkwï pich cho puryö lelut ompö tawunyi, akwompö chomnyenyi.

EPESO 3:17

atökïmang Kristo mïkulöwekwa ori ompö ara kighanat. Osoghan owudenökwa ighin akepintitakwa ompö chomnyogh nyo ghyongote.

EPESO 3:19

Ankïtï chomnyo Kristo nyo molu chïreryö anka tïkwïl, akenyïghitak kipuntowut pö Tororöt löwïr kuwachta.

EPESO 4:15

Wölo kerïpa ngala man ompö chomnyogh akeyetu ompö or anka tïkwïl tökekarkegh nko Kristo nyini le möt.

EPESO 4:2

Alïkuna pich cho opöy kegh ngwïny, pö cho tölose, pö cho mïkukönöy. Otighö kegh ompö chomnyogh ompö ara kingarakata kegh.

EPESO 5:15

Orip kegh nyu lasiny wölo otöptoy, motïpï le sölwöy, wölo otïpinö le pich cho ngöghomöch.

EPESO 5:25

Achama mïrön korukwo, le wölo kichamta Kristo kanisa, akutötö söpontanyi kutö kanisa.

KINONO KIRURUT 27:6

ompöwölo mïchinokwa otekyine ECHOTYON Tororötïngwo ato kïpelo amöros ompö wop anka tïkwïl ompö koghïn cho tomöcha kepat aropchï ECHOTYON Tororötïngwo amörostin cho kïpelöy.

PILIPI 4:18

Konyorwan tïkwïn löwïr cho kyokonanïkwa, ki chang tïkuchoni kïtïl cho kyomökan, otïngetan kïgh anka tïkwïl nyo omökan otï le ye, kakwipkanïn Epapradito ropöwekwa cho karkegh nko körösyon nyo ngutoy nyo karam akïkarkegh nko amöros nyo chömöy akïngörökyini Tororöt.

KOLOSAY 3:14

Kïtas kegh nko choni, mïchini alaka chomnyogh, ompöwölo nyoni nyo tusot tïkwïn löwïr kïtïpï nyo karam.

1 TESALONIKE 4:9

Möminye machata kekirwakwa wölo ochömtoyekwa tupchenikwo cho kakughan. Kakunetakwa Tororöt nyinte wölo mïchinokwa achama kegh akwane kïlïkwï.

1 TIMOTEO 2:6

nyo kitötö kegh atö kumuka kutyokisyö pich löwïr ompö ngokï. Kilïkwï nyoni kiporunöt otini kitïta osiswö cho kimököy Tororöt kïsöru pich löwïr.

1 TIMOTEO 4:12

Mekany kïsasïn chi ompöwölo techinyi chumwak, wölo ilïkwï körkeyïn nyo karam ompö pich cho kikughan ompö ngalanatengu nko otöptöngu nko chomnyogh nko kighanat nko möngot nyo pö tïlilyö.

TITO 2:14

Kikonï kegh nyinte tökïsörunenecha ghöyityö anka tïkwïl akutïlilecha, cho le pikachi kegh, cho tïng machat kwigh pöghisyewut cho karamach.

EPRANIA 8:3

Kïkïlöy Tïsin anka tïkwïl nyo Wow atökutö Tororöt ropöw nko kyak cho kïpelchini nyinte kïlïkwï amörostin. Kïlenyoni tïkwïl ompö Tïsintencha nyo Wow, mïchini nyu kïtïng nyinte kïgh nyo roptoy.

EPRANIA 9:14

Wowitu nyu tya tïlilyö nyo kïsïkonecha kisön pö Kristo! Nyinte nyini kikonï kegh kïlïkwï amöros nyo lïpop ompö tawu Tororöt ompö ara Mïkulögh nyo Tïlil nyo pö kokay. Wunöy kisönkachi sïkunöteto mïkulisköcha kïngetunö ighisyewut cho puryö kinyiwut atökemuka kepöghisyechinö Tororöt nyo söpöy.

EPRANIA 9:23

Ato kimïchï ketïlilö tïkuchï le körkeyïntino tïpö yïm ompö aranoni, kïmököy nyu tïkuchoni pö yïm amörostin cho karamach tya.

EPRANIA 9:26

Ntökilenyoni kitökichopöy kong Kristo kïngeta otini le towunöto ngwïny. Wölo ye otï karich osiswechï pö löt sörö, kuchumï nyinte kïnyïl akonga kïkonï kegh kïlïkwï amöros nyo löstoy ngoki pich.

1 PETRO 4:8

Wölo nyo wow tya mïchini achama kegh akwane lasiny, ompöwölo körtoy chomnyogh ngokï cho chang.

1 YOANA 3:16

Kinkïtöcha chomnyogh lö ne, ompöwölo kitötö Kristo söpontanyi ompö parakuncha. Kïlenyona, mïchinecha tïkwïl ketötenö söponwecha ompö tupchenyo.

1 YOANA 3:23

Mwoghöy ompö kirurutkachi lö mïchinecha keghana Yeso Kristo Wero Tororöt, akechomnyö achane le wölo kimwowecha nyinte.

NGONGUT 1:5

nko cho pkono Yeso Kristo, söwin nyo ghanate nyo pö tagh kututunö ngwen akï nyinte nyo pöytoy pöytoghi ngwïny kïmïkul. Chömecha nyinte akutyakecha ompö meghenyi kengetunenö rötut pö ngokicho

NGONGUT 5:9

Kïtum chane tum nyo rel kïlentöy, “Mïchininyi chenge kitapï atemuta, apït möcheywechoni kikïngostö. Ompöwölo kikïparinyi, aipchinyi Tororöt pich ompö meghengu, pich cho kipkana punton kïmïkul, nko kutïw löwïr nko pich löwïr nko cho pö koros tïkwïl.