EPESO 5:15 - PIPÏLIA

¹⁵ Orip kegh nyu lasiny wölo otöptoy, motïpï le sölwöy, wölo otïpinö le pich cho ngöghomöch.

EPESO 5:15 ပူးပေါင်းရင်းမြစ်များ

2 SAMWEL 24:10

Otini kikïcheng Daudi kiyitutchay pö pich, kusus kegh ompö kinonsyewutkachi akïlenchï ECHOTYON, “Kaghan ngokï cho ghach ompö kïyï. Wölo osoghinyi, we ECHOTYON lö, chenga lelutyo mötworintengu, ompöwölo kaghan ompö sölwontön.”

AYUPU 2:10

Wölo kïlenchï Ayupu nyinte, “Ingölonenyi le wölo ngölontoy korï cho le sölwöy. Kïnyoruno so wölo mi Tororöt tïkwïn cho karamach opïn amelö kïnyoru cho ghach tïkwïl?” Melö kimwagha Ayupu kutinyi ngokï ompö choni löwïr.

WUWÖT 23:13

“Orip löwïr choni komwowunyi. Masagh tororötin walaka anta okur kaynötutkökwa.

NGÖTÏNYÖ 14:8

Chïreryo chi nyo ngöghom kï kunkïtï arenyi, Wölo lisat sölwontöno sölwöy.

NGÖTÏNYÖ 15:21

Ngörekyini chi nyo mötïngnye chïreryö sölwontön, wölo ighöy chi nyo tïng pköchin arenyi kïköchï.

MATAYO 10:16

“Oyontonokwa ye nyu le kechir ompö kwenu suyï. Ongöghomöchitunö le moroyut, atölosöchitu le chepïrïmpen.

MATAYO 25:2

Ki sölwöy cho le mut ompö chane, kï kingöghomöch cho le mut.

MATAYO 27:24

Otini kisïwa Pilato lö mökunyiwunye kïgh ngalechi akirich kwar kegh pich, kïcheng pögh akuwunö morichi tawu söpïchoni akïlö, “Motïngetanye lelut ompö megha chichï pö man! Opöyunö kegh akwane!”

MATAYO 27:4

Kïlenchï, “Kaghan ngokï ompöwölo kowïchtan chi nyo melö kötïng lelut kepar.” Wölo kuyokyï pïchay lö, “Melö timecha ngalechona rara nyinte!”

MATAYO 8:4

Atolapay kïlenchï Yeso chichay, “Tere! Memwochï chi nyonikïny ngalechï, wölo wïyö wölo mi tïsin aikany kurosinyi aitötö konutyengu le ato kiyomïs Musa pich atökunkïtï chi anka tïkwïl lö kesöpönyi.”

LUKA 24:25

Kïlenchï Yeso pïchay, “Ochikwa sölwöy achï nyirtïghöch ompö mïkuliskökwo aghana ngal löwïr cho kimwa werkoy.

1 KORINTO 14:20

Makarkegh, werköcho nko tengon ompö kinonutkökwo, wölo alïkuna le tengon ompö ngal cho ghach, alïkwï pich cho echön ompö kinonutkökwo.

KALATIA 3:1

Heywey sölwöyichï pö Kalatia! Ngo nyo kapanakwa akwa chanye kikitö Yeso Kristo* tawuto konyikwa asïwekwa lö, kikïwudochï kimurtöwon?

KALATIA 3:3

Kichö ochikwa so sölwöy lenyoni? Nyanye kyotorekwa Mïkulöwu Tororöt, omökekwa so ye nyu owonyteghone owesyengwo kegh?

EPESO 5:2

Akanya kuntöghoghchï chomnyogh otöptinekwa, le wölo kichamtecha Kristo* tökïkonecha söpontanyi kïlïkwï tïsöwon nyo ngutoy nyo anyïm, akïlïkwï amöros nyo karam ngörökyini Tororöt.

EPESO 5:33

Wölo mïchini chi anka tïkwïl nyo le ngetat kïcham korkenyi le wölnö chömtoy kegh nyinte, kïmïchini korka kïtekï santenyi.

PILIPI 1:27

Kïgh nyo pïchigh wechara, kï otïpinökwa kïrïp kegh nko möchut pö Lökoy cho Karamach cho pö Kristo, töto orutoghwan wöloni omitekwa anta kochan low olïman kïnye lö omitekwa oghyongöy lasiny ompö mïkulögh akonga nko ompö machat akonga amitekwa okilöy kegh oporyegho kighanat nyo pö Lökoy cho Karamach.

KOLOSAY 1:9

Nka nyoni kïmitecha kenonokwa kïnomnyö ompö sowut, kïngeta kelïmacha Lökoyekwa. Kikïsaghacha Tororöt kïkonokwa kinkïtöt nyo pö machatenyi nko ngöghomnyö anka tïkwïl nko pköchin nyo konu Mïkulöwunyi.

KOLOSAY 4:5

Alïkuna pich cho ngöghomöch ompö tawu pich cho tomöcha kughan Echotyon, apöghisyeghö nyo karam pöroyïn anka tïkwïl nyo otïngetö.

1 TESALONIKE 5:15

Asïwa kegh tömeker chi ompö akwa kukerchï chitö anka ghöyityö ompö ghöyityö, wölo akanya kïlïkwï machatengwo nyo oghchini kegh nyo karam kïtenö osis aghchï pich lapay nyo karam.

1 TIMOTEO 6:9

Wölo pich cho möro kong sïkönöt kupïtyini työmut akupïtyini chane ngöghöp nyo pö pïrchin cho ghach cho puryö kinyiwut, cho chutöy chane kïröytoy wölo mi wïrata nko kinyarat.

EPRANIA 12:25

Arose kegh nyu tömatagh nyinte nyoni ngölonöy. Ompöwölo ato kimöchïwïtyöcha pich cho kitagh kïlïm ngala chichoni kingwïn ngwïnyinï akuyomisï ngala yïm, ekechïwïtyonecha lö ne nyu ato kïghöpönöcha nyinte nyoni rirwecha ompö yïm?

YAKOPO 3:13

Ekï ngo köny ompö akwa nyo ngöghom akï chïrer? Akanya kuporï nyinte lenyoni ompö otöptanyi nyo karam nko ighisyewutkachi cho ighöy ompö tölosyö nko ngöghomnyö.

1 PETRO 1:22

Kökitïlil mïkuliskökwa ye otï karïpakwa ngala man, achomnyekwa akwane ompö chomnyot nyo puryö. Okilö nyu kegh aparta chomnyononi ompö mïkuliskökwo kïmïkul.

NGONGUT 19:10

Opïtyan kelyechi tasagh nyinte, wölo kïlenchanïn, “Ewo, mesoghanïn! Ochan mötworin nyo karkegh nko nyi nyo pöghisyechini Tororöt nko tupcheniku cho kikesöwintönchï tïkwïl man nyo kingongwech Yeso. Sagha Tororöt!” Ompöwölo kïgh nyo töni werkoy owesyö kwamta ngölyonto Tororöt kï man nyo kingongwï Yeso.