EPESO 5:11 - PIPÏLIA

¹¹ Moghömechï ighisyewut pö tuwïn cho meyinöcha akwa, wölo anganytena tïkuchoni.

EPESO 5:11 ပူးပေါင်းရင်းမြစ်များ

TOWUNÖT 20:16

Akïlenchï Sara, “Otöninan werïnkwa ropïyeni silpa cho le 1,000 tökukïniniechï pïchï löwïr mi nko nyi lö metïngetenyinye lelut aichinyi chi pö man ompö wölo mi chane.”

TUMWÖY 141:5

Nya kïchilanïn chi pö man, akungarakanïn chi nyo ghanate, kïtïl kuyil mötïnyan mwokïyis cho osoghchinan kïtenö osis lö töpïstö ngokikwa.

NGÖTÏNYÖ 1:10

Werïnyu, ato kïnkïnïn mwokïyis, mecham ngalekwa.

NGÖTÏNYÖ 1:31

Kïlenyona omöy akweko otöptinekwa akuchen chane tötukökwa cho ghach.

NGÖTÏNYÖ 13:18

Nyoru chi meywontön nko arasï nyo töghöy kepïr, wölo kïkonyïtöy chi nyo köpchini yit karata.

NGÖTÏNYÖ 15:12

Möchömönye sösin kepïröy, ametönye wölo mi pich cho ngöghomöch.

NGÖTÏNYÖ 19:25

Mungö pkatyan atökïchïkan sölwö, pïrö chi nyo tïng pköchin atökïtasa chïreryenyi.

NGÖTÏNYÖ 25:12

Kiteghchin nyo ngöghom ompö chi nyo teröy ngal, kïlenye kaymorïsya koltin anta tïkwïn cho kikïmina koltin cho pïchighöch.

NGÖTÏNYÖ 28:4

Sölöy mwokïyis pich cho melö yongöy kirurut, wölo poryegho pich cho ripöy kirurut mwokïyischoni.

NGÖTÏNYÖ 29:1

Nyinte nyo wow möt akikechil kïnyïl cho chang, kemïreghöy lawel amelö tökïsöröro.

ISAYA 29:21

Wuröy Tororöt pich löwïr cho mïrchini pikö walaka put, chane cho körtoy lelï tömönyorï mantangwa nko chane cho mïröy putintön atökïkarta pipö man tömönyorï mantangwa.

YEREMIA 15:17

Melö kyonomnyotan nko pich cho omisïyi kïsamta amelö kyororotan nko chane. Wölo kyotöpchan kegh onkït ompöwölo kinyïghitaninyi nörekyengu.

LAWIN 19:17

“Merey werïngwo ompö mïkulöwungu, wölo asata ngalekwo nko nyinte atömamïn ngokï.

MATAYO 18:15

“Ato lelun werïngwo, iwö imwochï nyinte lelutyenyi ompö sison akwa opïn. Ato terunyi, kï kesörunyi werïngwo.

LUKA 3:19

Wölo kïsyölchï Yoana pöytoghin Erode ompöwölo kip Erodiya, korketo werïngwa akwigh tïku walaka cho ghach cho chang.

IGHISYEWUT 26:18

Nyi nyo iyotyini chane konyikwa ategha chane kïmïlisyeghö tuwïn kïpka wölo mi löpoyïn, akïngetunö owesyo Onyöt kïpka wölo mi Tororöt, akelöstoghchï chane ngokikwa ompö kighanatengwa nyo tïng ompö ani, atökelöwönchï wölo tïpisot nko pich cho le kïlanpa Tororöt.’

RUMI 13:12

Kamach kuwonyö oghö, akarich kïyech. Kelastena nyu ighisyewut pö tuwïn akelach kari lïk cho pö löpoyïn.

RUMI 16:17

Osomokwa nyoman, tupchenichu lö, oripö kegh pich cho ipu chuniogh akwigh pikö walaka kupïtyö ompö kighanatengwa, nyo kötörïpöy kighanat nyo kikinetakwa. Olowitenö kegh chane,

RUMI 6:21

Ekï ne tösunötö nyo kyonyorukwa atanye ompö tïkuchoni köpköchokwa ye lö pö arasï nya? Ompöwölo sörömuto tïkuchoni kï meghat!

KALATIA 6:8

Ato katkat chi ompö pïrchin pö por, kwilöy asïyech kiwurat. Ato katkat chi ompö Mïkulögh, kïnyoruno nyinte Mïkulögh ilö nyo pö söpon pö kokay.

EPESO 4:22

Achala nyu otöptöngwo nyo kipö tagh. Nyoni kï otöp nyo kitïng pïrchin akilïsokwa.

EPESO 5:12

Ompöwölo pö arasï tïkuchoni igho chane tuwïn nyo mölentönye chi ompö tangalana.

EPESO 5:7

moghömö nko pich cho lata choni.

KOLOSAY 1:12

Oyokyinö Papo sörö nyo kasïwa lö mïchinecha kenyorunö kareran pö tïkwïn cho kingotyï nyinte kïlankachi ompö paytaghtanyi nyo pö löpoyïn.

1 TESALONIKE 5:7

Pich cho rusot kïrusot oghö, akïtömesyot tömösï oghö.

2 TESALONIKE 3:14

Töptoy omitekwa nko chi nyo melö rïpöy ngal cho kakikirchicha palalyantanï. Ato lenyoni, onkïtï lö ngo chichoni amapesïta tïkwïl nko nyinte atökïsïch nyinte arasï.

2 TESALONIKE 3:6

Kisikyinokwa, tupchenicho ompö kaynata Echotyontenyo Yeso Kristo lö, olowitenö kegh chi anka tïkwïl nyo ochï kighönin lentöy kikesörwech akï sosö amelö rïpöy kinetutköcha cho kikïmwowokwa.

1 TIMOTEO 5:20

Teghchinö ompö tawu pich, pich löwïr, cho tösöy tagh kwïghöy ngokï, atökuwagh pikö walaka.

1 TIMOTEO 5:22

Mesörchï ikanagh chi ewun atökïpöghisyechi Echotyon, Ilowitö kegh ngokiko pikö walaka. Töpenö ompö tïlilïn.

1 TIMOTEO 6:5

nko chemölö nyo pö ngal cho möngötöy cho pkono pich cho kikïwïryö kinonut, amökïtïngcha ngölyonto man. Lenchini kegh chane keghan Tororöt kï or nyo kïsïko mökosyö.

2 TIMOTEO 3:5

Lïku pich cho, ato kiros ompö sany kïlentöy pich kighönï, wölo ompö oringwa töghöy owesyö nyo kïnyoruno kighanat. Ilowit kegh ompö pich cho lata choni.

2 TIMOTEO 4:2

amtena ngölyonto Tororöt, amekïch iamta (ato kö ompö pöroyïn nyo kömïchini anta kömelö kömïchini). Ichil aiteghchï pich mötosonchö, aikil chane otini inetisyenyi ompö mïkukönöt.

TITO 2:15

Kilenyona mwochinö pich ngalechï, aipöghisyeghö owesyengu kïmïkul ikil pich aichil. Mepisyï chi anka tïkwïl kïsasïnyi.

NGONGUT 18:4

Atolapay alïman kuti anka nyo kingwïna yïm nyo kilentöy, “Ongetunenö pikachu wölo mi nyinte! Ongetunenö kanasyanta Papilon! Tömagh ngokï tïkwïl nko pipö kanasyantanoni, atömonyorï sito Tororöt nyo nyoru chane!