EPESO 4:4 - PIPÏLIA

⁴ Mi por akonga nko Mïkulögh akonga, le wölini kikurchokwa Tororöt kikönöt akonga.

EPESO 4:4 ပူးပေါင်းရင်းမြစ်များ

TUMWÖY 122:8

Akwompö piköcha nko kongotichan omwowunyi we Yerusalem lö, “Nya kïtöpö kalya oringu!”

YEREMIA 14:8

Nyi nyo ichï kikönöto Israel! Nyi okït nyo isörwecha ompö osiswo nyarïl. Ompö ne nya we ECHOTYON telïkuna ton ompö korencha? Kekaranyi kegh nko rutoghin nyo pöghönöy oghö akonga kwïle.

YEREMIA 17:7

“Wölo osoyönan chi nyo tighenanïn kegh, chi nyo twotyenanïn kegh.

MATAYO 28:19

Ape agha pipö punton löwïr kïlïkwï kinetankachan apatisan chane ompö kaynata Papo nko Weri nko Mïkulögh nyo Tïlil,

IGHISYEWUT 15:11

Ewo! Kighönecha lö, kakesörwecha ompö pöropcho Echotyon Yeso le wölo kakesöruntö chane.”

RUMI 11:29

Ompöwölo möwöghökönye Tororöt konutkachi ompö chi nyo kakïl akusoyön.

1 KORINTO 10:17

Kïlïkunecha por akonga ompöwölo akonga makatyantanoni, kïrkegh kakïchicha chang, ompöwölo kiporecha löwïr makatyantanoni le akonga.

1 KORINTO 12:20

Wölo chang ye nyu ngichayayi por, wölo akonga portö.

2 KORINTO 11:4

Ato ongörökyikwa chi kïtïkon nyo kengwïn kwomwokwa Yeso anka nyo sis melö nyï kyomtocha anta atakakwa mïkulögh nyo sis melö nyay kyatakakwa anta atakakwa lökoy walaka cho melö kyatakakwa!

EPESO 1:18

Osoghan kutö nyinte mïkuliskökwa löpoyïn tasïwena, ankïtï wölo tenö kikönötö nyo kikurchokwa nyinte nko ororyö nyo pö ropöw cho kiyomisï nyinte pikachi,

EPESO 2:16

Atö kuwany megha Kristo punyontönengwa ompö kimurtöwon, akumï kunyoryö puntonichoni kwodeny kïlïkwï por akonga akuyokwï chane kïmïlisyö wölo mi Tororöt.

EPESO 2:18

Kimukecha ye nyu ompö ara Kristo kepete tawu Tororöt kuwerï Mïkulöwunoni le akonga, kïrkegh kechicha pipö Yaudi anta pipö punton.

EPESO 2:22

Kïmi ketekokwa tïkwïl alïkuna akonga nko nyinte aketekokwa nko pikö walaka alïkuna möngo Tororöt kuwerï Mïkulöwunyi.

EPESO 4:1

Osomokwa nyu ani nyo ochï ratate ompöwölo opöghisyechinan Echotyon lö, otïpinö kïrïp kegh nko kurötononi kikurchokwa Tororöt.

EPESO 5:30

ompöwölo kichicha ngichayayiko portanyi.)

KOLOSAY 1:5

Ghyongo kighanatenkwa nko chomnyenkwa kikönöt nyo kikekomönwokwa ompö yïm. Kyalïmakwa ngala kikönötononi panto tagh atanya kikyomwokwa Lökoy cho Karamach cho pö man.

KOLOSAY 3:15

Akanya kïpayta kalya Kristo mïkuliskökwa, ompöwölo kalyanoni nyo kökurchokwa Tororöt atalïkuna por akonga, ayokyï nyinte sörö kïnomnyö.

2 TESALONIKE 2:16

Kïsoghecha Echotyontenyo Yeso Kristo nko Paponyo Tororöt nyo kichamech akïkonecha saghsaghat nyo pö kokay nko kikönöt nyo karam ompö pöropchenyi,

1 TIMOTEO 1:1

Kakirwan ante Paulö kiyoktoghinto* Kristo* Yeso kïle wölini kimakta Tororöt Ghetintenyo nko Kristo Yeso nyo le kikönötenyo.

TITO 1:2

nyo rïpöy kegh nko kikönöto söpon pö kokay. Kiyomiswecha Tororöt, nyo mömïrönye putintön söpononi kïngeta otini le towunöt,

TITO 2:13

otini kïmïtecha keköngöy Asis nyo soyönote, otini kiporu ororyo tororötïnyo nyo wow tya nko Ghetintenyo Yeso Kristo.*

TITO 3:7

atökemuka kelinyenö nko Tororöt ompö pöropchenyi tökesïkö söpon pö kokay nyo kïmitö kekönöy.

1 PETRO 1:21

Kaghanakwa Tororöt ompö Kristo nyo kigh nyinte kututunö ngwen akutö ororyö. Kïlenyona mi kighanatenkwa nko kikönötenkwa wölo mi Tororöt.

1 YOANA 3:3

Akï chi anka tïkwïl nyo tïng kikönötononi ompö Kristo, kutïlilöy kegh le wölo tïlil nyinte.