EPESO 4:32 - PIPÏLIA

³² Osyonchinö kegh, alöstoghchï kegh lelutkökwo le wölo kilöstowekwa Tororöt ompö Kristo.

EPESO 4:32 ပူးပေါင်းရင်းမြစ်များ

2 SAMWEL 7:21

Keghanyi ngalechï echön ompö ayomistöngu nko machatengu le nyï atökunkïtï mötworintengu.

TUMWÖY 112:9

Korkoröy ewunyi kïpögho tïkuchi mey, töpo mantanyi lenyoni kokay, kïsyolo owesyenyi konyït kokay.

TUMWÖY 145:9

Karam ECHOTYON ompö pich löwïr akusyonchini nyinte tïkwïn cho kigh.

NGÖTÏNYÖ 12:10

Yongöy chi pö man kyakichi, wölo kisyonöto pkatyan kï ghöyityö.

NGÖTÏNYÖ 19:11

Melö nyoghöy kïnöreköy chi nyo ngöghom, akï ororyenyi kïpïstö mayang lelut.

NGÖTÏNYÖ 19:22

Chömo kegh pich chi kighönöy, akï kaykay meywon kïtïl putin.

ISAYA 57:1

Meghsot pich cho karamach akï möminye chi nyo nkïtu anta sïnga nyonikïny. Wölo otini kömeghö chane, kïmelö mito kiwurata nyo ngwonchini chane.

YEREMIA 38:12

Atolapay kïlenchanïn, “Rötinö sïrochoni kwïlkwïlungu tömö amïn pörköyonona kichïteninyi.”

MATAYO 6:12

Löstewecha lelutköcho cho kakïlel, le wölo kïlöstoghchinecha pich cho lelwecha.

MARKO 11:25

Akwatoni koghyongökwa asagh, olöstoghchï chi anka tïkwïl nyo kölelwok, atökumï kïlöstowok Papongwo nyo mi yïm lelutkökwo. [

LUKA 1:78

tïng Tororötïncha kisyonöt nko tölosyö, ighöy kenyorunöcha löpoyïn nyo ngwïno yïm,

LUKA 11:4

Löstewecha ngokicho, ompöwölo kïlöstoghchinecha pich löwïr cho lelwecha. Iripech tömökïlit työmut.’ ”

LUKA 17:4

Ato lelunyi nyinte kïnyïl mut nko odeny ompö asisini akonga akïmïla wölo imitenyi kïnyïl mut nko odeny akïlö, ‘Kokötan,’ kïmïchini löstoghchinönyi nyinte.”

LUKA 6:35

Wölo achama punkökwo aghchï chane nyo karam, opösöntenö amokön kïgh. Ato aghakwa lenyoni, kïwow ropöwontenkwa alïkunekwa nyu monïngo Tororöt nyo Töror Tya. Ompöwölo ighchini nyinte nyo karam pich cho meyoktoy sörö nko mwokïyis.

LUKA 6:37

“Morwokyï pich atömö kirwokwok. Mogheghchï pich atömökigheghchok, olöstoghchinö atökelöstowok.

IGHISYEWUT 28:2

Kïnamenecha piko korononi kongot nyoman. Kinoghwecha ma, akïtakecha lapay. Ompöwölo kökikutor kïropan akïkaghïtit.

RUMI 12:10

Achama kegh le pich cho tupchö ompö Kristo, acham okonyït kegh akwane.

1 KORINTO 13:4

Mïkukönöy chomnyogh akï talase amelö söstoghin anta menotyon.

2 KORINTO 2:10

Ato olöstoghchikwa chi lelutyenyi, olöstoghchinan ante tïkwïl ato otïngetan kïgh nyoman nyo olöstoghchini, olöstoghchinan nyinte ompö tawu Kristo ompö akwa,

2 KORINTO 2:7

Nyo köngötï ye nyu ompö akwa kï kaykay olöstoghchinökwa chichoni, akil nyinte tömönarek tya ntökïma mu.

2 KORINTO 6:6

Kakiporucha kegh lö kïchicha mötworï Tororöt ompö tïlilyo mïkulögh nko kinkïtöt nko kamaghat nko tölosyö ompö Mïkulögh nyo Tïlil ompö chomnyencha nyo möminye lïsata,

EPESO 5:1

Alïkuna nyu cho orïpöy Tororöt, ompöwölo ochikwa monechi cho le chaman.

YAKOPO 5:11

Kiyitecha chane lö pich cho soyönote, ompöwölo kimïkukön. Kyalïmakwa wölo kimïkuköntö Ayupu, ankïtökwa kïgh nyo kighchï Echotyon nyinte ato le söröm ompöwölo wow kisyonötenyi nko lulötenyi.

2 PETRO 1:7

atasa kiwaghata Tororöt chomnyo kighonï, atasa chomnyo kighönï, chomnyogh.

1 YOANA 1:9

Wölo ato kïngangacha akelasta ngokicho, ghanate Tororöt akwighöy man. Löstewecha nyinte ngokicho akïmwatecha ompö ghöyityenyo anka tïkwïl.

1 YOANA 2:12

Kakirwakwa monechï mïnkech, ompöwölo kikelöstowokwa ngokikwo ompö kaynata Kristo.

RUS 2:20

Kïlenchï Naomi nyinte, “Nya kusoyön ECHOTYON nyinte nyo möwutyeghonye köromnyenyi ompö cho sötote nko cho kimeghö.” Atolapay kïlenchï Naomi nyinte ngat, “Tïlya chichoni nyo lekït nyo pö arencha.”