EPESO 4:31 - PIPÏLIA

³¹ Opïstenö nyu ngwonïn nko mïrmïryö nko nörekyö, apïstö syala nko chïpö! Opïstenö kinonut anka tïkwïl nyo gha.

EPESO 4:31 ပူးပေါင်းရင်းမြစ်များ

TOWUNÖT 27:41

Kïwöch Esau Yakopo ompöwölo kisoyön paponyi nyinte, kïlö Esau ompö mïkulöwunyi, “Karich osiswö cho kïriröy ompö megha paponyan, ataparan nyu werïnyo Yakopo.”

TOWUNÖT 37:21

Wölo otini kilïm Rupen, kïsörunö nyinte ewunekwa, kïlenchï, “Mökepar nyinte.”

TOWUNÖT 37:4

Kïkany kïsïwa werkökwa lö kicham papongwa Yosep kïsir chane kurey tya nyinte, amelö kitökïcham kïngalan tïkwïl.

TOWUNÖT 4:8

Atolapay kïlenchï Kain werïngwa Apel, “Kepe wölinate.” Kïkany otini kitïta wölini kupulchï Kain werïngwa Apel akïtïgh.

2 SAMWEL 13:22

Kurey Apsolom Amnon nyoman ompöwölo kiporyeghö Tamar cheptöngwa, amelö kitökïngalan nko nyinte.

2 SAMWEL 19:27

Kiwökanïn nyinte ompö wölo imitenyi. Wölo körökegh echotyontenyan nko malaykayanta Tororöt, kïlenyona igha kïgh nyo isïwïyenyi lö karam ompö nyi.

2 SAMWEL 19:43

Kïyokyï pipö Israel pipö Yuda lö, “Kïchicha ortïn taman, kïlenyona kïtïngetecha man ompö Daudi kïtïlakwa, kwompö ne tosösechakwa? Akwanyï ompö acha cho kikïpo tagh kengalanena mïlaghpa pöytoghin.” Wölo kingwonöch pipö Yuda kïtïl pipö Israel.

TUMWÖY 101:5

Opöran chi nyo swomöy pöröryenyi sison amomïkukönchinanye pkatis nko menot.

TUMWÖY 140:11

Mepïsyï kichïmpisï kïmöngisyö nya kïnyorï rïmï ghöyityö lawel!

TUMWÖY 15:3

Nyo melö mïröy putintön, anta ighchï kongenyi nyo gha anta cham pöröryenyi,

TUMWÖY 37:8

Mepïsyï nörekyö anta sïnyoryö, mesus kegh, ompöwölo ipu ghöyityö.

TUMWÖY 50:20

Ingölononyi nyo gha werïnkwa aiyar lelut ompö werto komöt.

TUMWÖY 64:3

Litöy chane ngölyepkökwa le chokon akïwutï ngal cho lata ngwonö.

NGÖTÏNYÖ 10:12

Ngetöy kireyata poryot, wölo körtoy chomnyogh lelut löwïr.

NGÖTÏNYÖ 10:18

Chi nyo kortoy kireyat kï putin, akï sölwö chi nyo ngölonöy riri.

NGÖTÏNYÖ 14:17

Ighöy chi nyo mïrmïr kïgh ompö sölwontön, wölo mïkukönöy chi nyo chïrer.

NGÖTÏNYÖ 18:8

Karkegh ngala chomin nko tïkwïn cho onyïn, ompö kut kïghömï pör löwïr.

NGÖTÏNYÖ 19:12

Karkegh nörekyo pöytoghin nko tïlöto ngotïny, wölo lenye köromnyenyi röyön ompö sus.

NGÖTÏNYÖ 25:23

Ipu rop yomat nyo kutuno okumpö löt, kwipu lenyoni ngalyap nyo swomsïyi tokochu sïngiryö.

NGÖTÏNYÖ 26:20

Ompöwölo meghöy ma ato möminye kwen, kuwonyot syala ato möminye chi nyo ngetngetöy.

NGÖTÏNYÖ 29:22

Ngetöy poryot chi nyo yöröy ngew, akwighöy chi nyo mïrmïr ngokï cho chang.

NGÖTÏNYÖ 29:9

Ato möl kegh chi nyo ngöghom nko sölwö, nöreköy sölwö akumwoghsyö akïror nyo möngötönye.

NGÖTÏNYÖ 6:19

nko söwintön nyo pö putintön, nko chi nyo wulyot kongot kïporyö.

OMTOGHIN 7:9

Irip kegh menyagh imïrmïritï, ompöwölo töpo mïrmïryö mïkulis pö sölwöy.

YEREMIA 6:28

Ompöwölo penyï chane cho kiyomö mötöwö, pich cho swomöy pikö walaka, kï lata nko karïn nko tay, ighöy chane kïgh anka tïkwïl ompö asoya.

YEREMIA 9:4

“Ripö chi kegh anka tïkwïl ompö pöröryengu, meghan ompö nyo otupchö tïkwïl. Ompöwölo lïsin tupchengu, akïwestotoy pöröryengu nko semsem.

IGHISYEWUT 21:30

Kwarkegh kanasyantanay kïmïkul, kïryagh pïchay lapay akïnam Paulö, akuchïtunö Kö pö Tororöt kïlïtï sany. Kïnyini lawel kekar kukotiko köyay.

RUMI 3:14

Nyïghitate chïpötö nyo ngwan kutïwekwa.

1 KORINTO 14:20

Makarkegh, werköcho nko tengon ompö kinonutkökwo, wölo alïkuna le tengon ompö ngal cho ghach, alïkwï pich cho echön ompö kinonutkökwo.

1 KORINTO 5:8

Kyama nyu ichonto Pasakenyo, amökyam nko makatyan nyo kaketö mumara köny cho pö ngokï nko ghöyityö, wölo nko makatyan nyo puryö mumar, nyoni kï makatyanta tïlilyö nko man.

2 KORINTO 12:20

Owöghan lö töptoy ato atwan wöloni otomwan kyasisitukwa atïpï otöp nyo melö komökan, kwighanïn nyu nyoni asisitwan nko wölo komöktokwa. Owöghan lö töptoy otomunan omitekwa nko syala nko nyonyintön nko nörekyö nko nyïtat nko söngeryö nko chïput nko semsem nko kwolöto kegh nko kiwulyot.

KALATIA 5:20

saghata körkeyïntin, ponintön, punyontön, syala, sastaghnan, nörekyö, semsem, kimölöto kegh, arata kegh.

EPESO 4:22

Achala nyu otöptöngwo nyo kipö tagh. Nyoni kï otöp nyo kitïng pïrchin akilïsokwa.

EPESO 4:25

Opïstenö nyu putintön! Nya kïmwochï chi anka tïkwïl pöröryenyi ngala man, ompöwölo kichicha löwïr ngichayayi por pö Kristo.

EPESO 4:26

Ato onörekyö, mopïsï nörekyengwo kumïtak wölo mi ngokï, amonörekyö tökwimön.

KOLOSAY 3:19

Kïkany akwa mïrön achama korukwo, amaghapghap chane.

KOLOSAY 3:8

Wölo mïchinokwa ye opïstenö nörekyö, pïrchin, ghöyityö, kimwoghsyö nko ngala sïmnyon cho merokocha kïngetunö kutïwekwa.

1 TIMOTEO 3:11

Mïchini tïkwïl kingöroki cho le kor kïkonï kegh lasiny akïlïkwï cho ghönote akïtïng otöp nyo karam amelö kiswomï.

1 TIMOTEO 3:3

chi nyo melö ptamasyan anta poryeghin wölo nyo talase akï chi pö kalya, chi nyo melö chömo kegh ropïyen.

1 TIMOTEO 5:13

Rwötotoy mïsïktina cho lata choni akuwitwitöy kori pich akï kitö nyu nyo gha tya ompö chane kï ngölono akuswomöy pikö walaka akulut kegh ngala piko walaka akïmwa ngal cho melö keroko.

2 TIMOTEO 2:23

Wölo inategha kegh ompö kimölöto kegh nyo pö sölwontön nko kwarirat. Inkïtönyi lö sörömunyi ngalechoni ipu syölut.

2 TIMOTEO 3:3

nko cho melö chömöy piko walaka nko cho puryö kisyonöt nko cho swömöy pikö walaka nko cho le chepomutïn nko cho sïngiröch nko cho lilöy kïgh nyo karam.

TITO 1:7

Ompöwölo kiketö kintöghoghinto kanisa kughyongchï pöghisyo Tororöt, kïmïchini nyinte kïlïkwï chi nyo puryö lelut. Melö mïchini kïlïkwï chi nyo anta kwolöy kegh chi nyo mïrmïr möt, anta tömösin, anta köromit, amelö chi nyo pïrchini ropïyen.

TITO 2:3

Neta tïkwïl kor cho kayetu kïtïpï kïrïp kegh nko wölo töptoy korï cho tïpisot otöp nyo tïlil. Mömïchinicha chane kuswomöy pich anta cho sekeyi kumïn. Mïchini chane kunet kïgh anka tïkwïl nyo karam,

YAKOPO 1:19

Anan ya ngölyontonï chamnkachu cho kïtupchö! Akanya kïkwïskwïsit chi anka tïkwïl ompö kïgh kïlïmöy nyo, wölo melö cho pulchini kïngalan anta narek lawel.

YAKOPO 3:14

Wölo ato kinyïghï mïkuliskökwa sastagh, apekwa kegh sikong akïyongöy chi kegh onkït ompö or nyo gha, kïmömïchininye okwolökwa kegh, amïr putintön.

YAKOPO 4:11

Tupchenichu, mangalana kegh nyo gha akwane. Chi anka tïkwïl nyo ngölono nyo gha anta rwokyï tupchenyi kingölono nyinte nyo gha anta akurwokyï Kikirut. Ato irwokyinyi kirurut, kïmelö kötelïkunanyi chi nyo rïpöy kirurut, wölo kelïkunyi chi nyo rwokyini kirurutchoni.

1 PETRO 2:1

Opïstenö nyu ghöyïn anka tïkwïl nko lïsa nko nyonyintön nko kiswomöt.

1 YOANA 3:12

amökekarkegh nko Kain, nyo kipöyit Mwokïyontonay akïpar werïngwa Apel. Ekwompö ne köny tökïpar Kain werïngwa? Ompöwölo ki ghach ighisyewutkachi, wölo kipö man kï cho pö werïngwa.

1 YOANA 3:15

Anka tïkwïl nyo reyöy werïngwa kï pörin, ankïtökwa lö mötïngnye pörin söpon pö kokay nyo mi orinyi.

NGONGUT 12:10

Atolapay alïman kut nyo kitegho yïm nyo kilentöy, “Ketï ye nyu sörunöto Tororöt! Köngongwï ye Tororöt owesyenyi akuporï Masiyenyi owesyenyi! Ompöwölo kiketyorchï sanypa yïm nyinte nyanye kiwetöy tawu Tororöt, pöghet nko nangat kïmwotïtoy lö kalel tupchenicho.